ဗုဒ္ဓဘာသာ အခြေခံ (planet.com ဖိုရမ်မှ)

တနေ့က မန္တလေးက ဓမ္မမိတ်ဆွေ၊ ဆရာသမား တစ်ဦး ဖြစ်သော ကိုရဲထံမှ အီးမေး တစ်စောင်ရောက်လာခဲ့သည်။ "ဗုဒ္ဓဘုရားရှင်အကြောင်းက စပါမယ်" ဆိုတဲ့ Subject ဖြစ်နေတော့ ဘာပါလိမ့် ဆိုပြီး ဖတ်ကြည့်အုံးမှပဲလို့တွေးမိတယ်။ အဲဒီနေ့က အလုပ်များနေတာနဲ့ ခပ်ကြမ်းကြမ်း ပဲဖတ်လိုက်ရတယ်။ ဒီနေ့မှ နဲနဲ စိမ်ပြေနပြေ ထပ်ဖတ်ကြည့်တော့ ကောင်းလိုက်တာ။ အားလုံးကို ထပ်ပြီး မျှဝေအုံးမှပဲ ဆိုတဲ့ စိတ်ကူးမျိုးဖြစ်လာတာနဲ့  ကူးရေးပေးလိုက်ပါတယ်။

ဗုဒ္ဓဘုရားရှင် အကြောင်းက စပါ့မယ်။ ကပိလ၀တ် ထီးနန်းကို ဆက်ခံစိုးစံသော သုဒ္ဓေါဓနမင်းကြီး နှင့် ဒေ၀ဒဟ မင်းသမီး သီရိမဟာ မာယာဒေ၀ီ တို့ စုံဖက်တော်မူသောအခါ မဟာသက္ကရာဇ် ၆၇ ခု၊ ၀ါဆိုလပြည့် ကြာသာပတေးနေ့ တွင် ဘုရားအလောင်းအလျာ သိဒ္ဓတ္ထမင်းသားအား ပဋိသန္ဓေတည်ပါသည်။ ဆယ်လပြည့်သောအခါတွင် မယ်တော်မာယာသည် ခမည်းတော်စံရာ ဒေ၀ဒဟပြည်သို့ သွားလိုသော စိတ်ဆန္ဒရှိသဖြင့် သွားရာ ကပိလ၀တ်ပြည် နှင့် ဒေ၀ဒဟပြည်ကြား အင်ကြင်းတော၌ သိဒ္ဓတ္ထမင်းသားအား ဖွားမြင်ခဲ့ပါသည်။ ထိုနေ့က မဟာသက္ကရာဇ် ၆၈ ခု၊ ကဆုန်လပြည့် သောကြာနေ့ ဖြစ်ပါသည်။ (ဘီစီ ၅၆၇ ) သိဒ္ဓတ္ထမင်းသားဖွားမြင်ပြီး (၇)ရက်မြောက်တွင် မယ်တော်မာယာသည် သေဆုံးသွားရာ မိထွေးတော် ဂေါတမီကနို့တိုက်မွေးမြူခဲ့ရသည်။
အရွယ်ရောက်လာသောအခါ သုပ္ပဗုဒ္ဓမင်း၏ သမီးတော် ဘဒ္ဒကဉ္စနာနှင့် လက်ဆက်တော်မူသည်။ ထို့နောက် ဘဒ္ဒကဉ္စနာအား ယသော်ဓရာ ဗိမ္မာဒေ၀ီအမည်ဖြင့် အဂ္ဂမဟေသီအရာ ထားတော်မူသည်။ သက်တော်(၂၈) အရွယ်ရောက်သောအခါ ဥယျာဉ်တော်သို့ ထွက်စံတော်မူချိန်တွင် သူအို၊ သူနာ၊ သူသေ၊ ရဟန်း တည်းဟူသော နိမိတ်ကြီးလေးပါးကို တွေ့မြင်ရာမှ သတိသံဝေဂရခဲ့သည်။ ထိုအချိန်တွင် ယသော်ဓရာဒေ၀ီမှ သားတော် ရာဟုလာကို ဖွားမြင်ခဲ့သည်။ သက်တော်(၂၉)နှစ်အရွယ် သိဒ္ဓတ္ထမင်းသားသည် မဟာသက္ကရာဇ် ၉၇ ခုနှစ် ၀ါဆိုလပြည့် တနင်္လာနေ့တွင် ကာမဂုဏ်ကို ငြီးငွေ့တော် မူလာသဖြင့် တောထွက်ခဲ့သည်။ အနော်မာမြစ်ကမ်းတွင် ရဟန်းပြုပြီးနောက် အာဠာရ ရသေ့ထံ ချဉ်းကပ်၍ ဈာန်သမာပတ်ကို အားထုတ်သောအခါ လောကီဈာန် ခုနှစ်ဆင့် ကို ရရှိခဲ့သည်။ ထို့နောက် ဥဒက ရသေ့ထံတွင် ဆက်လက်၍ အထက်ဈာန်ကို အားထုတ်ရာ သမာပတ် ရှစ်ဆင့်ကို ရရှိခဲ့သည်။ သို့ရာတွင် ဤဈာန်သမာပတ်တို့သည် ဆင်းရဲခြင်းမှ လွတ်မြောက်ရာအမှန်ဟု ယုံကြည်တော်မမူသည့်အတွက် တရားအစစ်အမှန်အားရှာဖွေရန် ဥရုဝေလတောအုပ်သို့ သွားလေသည်။ ထိုတောအုပ်တွင် ခြောက်နှစ်တာမျှ အလွန်ပင်ပန်းဆင်းရဲလှစွာသော ဒုက္ခရစရိယာအကျင့်ကို ကျင့်တော်မူသည်။
သို့သော်လည်း ထိုအကျင့်သည် ဘုရားအဖြစ်သို့ မရောက်နိုင်ဟု ဆင်ခြင်မိ၍ အာဟာရကို ပြန်လည်မျှတစေပြီး ဗောဓိညောင်ပင်တစ်ပင်အောက်သို့ ကြွချီကာ ထက်ဝက်ဖွဲ့ခွေ ထိုင်နေတော်မူပြီး အာနာပနဈာန်ကို ၀င်စားတော်မူသည်။ မဟာသက္ကရာဇ် ၁၀၃ ခုနှစ် ကဆုန်လဆန်း ၁၄ ရက် အင်္ဂါနေ့ ညဥ့်ဦးယံတွင် သတ္တ၀ါတို့၏ သန္တာန်တွင် ဖြစ်ဖူးသော ခန္ဓာအစဉ် အကြောင်းအကျိုးကို သိမြင်နိုင်သော ပုဗ္ဗေနိဝါသဥာဏ်တော်ကို ရရှိခဲ့သည်။ သန်းခေါင်ယံတွင် သတ္တ၀ါတို့၏ ရုပ်ခန္ဓာကို ကုန်စင် အောင်သိနိုင်သော ဒိဗ္ဗစက္ခုဥာဏ်ကို ရရှိခဲ့သည်။ မဟယသက္ကရာဇ် ၁၀၃ ခုနှစ် ကဆုန်လပြည့် ဗုဒ္ဓဟူးနေ့ အာရုဏ်တက်တွင် ကိလေသာကို ချုပ်ငြိမ်းစေပြီး အလုံးစုံသောတရားကို သိမြင်စေသော သဗ္ဗညုတဥာဏ်ကို ရရှိတော်မူရာ လောကသုံးပါး၏ ထွတ်အထိပ်ဖြစ်သော မြတ်စွာဘုရားရှင်အဖြစ်သို့ ရောက်ရှိတော်မူသည်။ဘုရားရှင်အဖြစ် ရောက်ရှိတော်မူပြီးနောက် မိဂဒါဝုန်တောသို့ ကြွချီတော်မူပြီး ရှေးကကျေးဇူးရှိခဲ့ဘူးသော ပဉ္စ၀ဂ္ဂီငါးဦးအား မဟာသက္ကရာဇ် ၁၀၃ ခုနှစ်၊ ၀ါဆိုလပြည့် စနေနေ့တွင် တရားဦးဟောကြားတော်မူသည်။ ဟောကြားသော်မူသောတရားက ဓမ္မစက္ကပ၀တ္တသုတ်ခေါ် ဓမ္မစကြာတရားတော်ဖြစ်သည်။ ထိုအချိန်မှစ၍ မြတ်စွာဘုရားရှင်သည် (၄၅)၀ါပတ်လုံး လှည့်လည်၍ တရားဓမ္မများဟောကြားတော်မူခဲ့သည်။ မရေမတွက်နိုင်သော သတ္တ၀ါများတို့သည် တရားတော်ကို နာကြားရပြီးနောက် သံသရာမှ လွတ်မြောက်သွားခဲ့သည်။ မဟာသက္ကရာဇ် ၁၄၀ ခုနှစ်၊ ကဆုန်လပြည့် အင်္ဂါနေ့တွင် သက်တော်(၈၀)ရှိတော်မူပြီဖြစ်သော် မြတ်စွာဘုရားသည် ကိုယ်တော်တိုင် ပရိနိဗ္ဗာန်ပြုတော်မူသည်။ (ဘီစီ ၄၈၇ ) မြတ်စွာဘုရားရှင် ပရိနိဗ္ဗာန်ပြုပြီး (၃)လအကြာတွင် ဘုရားရှင်ဟောကြားတော်မူခဲ့သော သုတ်၊ ၀ိနည်း၊ အဘိဓမ္မာများ မကွယ်ပျောက်စေရေးအတွက် အရှင်မဟာကဿပမှ ကြီးမှူးပြီး မဟာသက္ကရာဇ် ၁၄၈ ၀ါခေါင်လပြည့်ကျော် တစ်ရက်နေ့ တွင် ပိဋကတ်သုံးပုံတို့ကို ရွတ်ဖတ်၍ ပထမအကြိမ် သင်္ဂါယနာတင်လေသည်။ မဟာသက္ကရာဇ် ၂၅၀ ( သာသနာသက္ကရာဇ် ၁၀၀ ) တွင် ဒုတိယအကြိမ် သင်္ဂါယနာတင်ပွဲကို အရှင်မဟာယသ မှ ဝေသာလီပြည် တွင် ကြီးမှူးကျင်းပခဲ့သည်။ ( ဘီစီ ၄၄၃ ) သာသနာသက္ကရာဇ် ၂၃၅ တွင် ပါဋလီပုတ်ပြည် သီရိဓမ္မာသောကမင်းကြီးလက်ထက်တွင် အရှင် မောဂ္ဂလိပုတ္တတိဿ မှ ကြီးမှူး၍ တတိယအကြိမ် သင်္ဂါယနာတင်ခဲ့သည်။သီဟိုကျွန်း ၀ဂ္ဂဂါမဏိမင်းလက်ထက် သာသနာသက္ကရာဇ် ၄၅၀ တွင် စတုတ္ထအကြိမ် သင်္ဂါယနာကို တင်နိုင်ခဲ့သည်။ ( ဘီစီ ၉၄ ) ပဉ္စမမြောက် သင်္ဂါယနာတင်ပွဲကို မြန်မာနိုင်ငံ မင်းတုန်းမင်းလက်ထက် မန္တလေးနေပြည်တော်တွင် သာသနာသက္ကရာဇ် ၂၄၁၅ တွင် ကျင်းပနိုင်ခဲ့သည်။ ( အေဒီ ၁၈၄၁ ) ဆဌမအကြိမ် သင်္ဂါယနာတင်ပွဲကို မြန်မာနိုင်ငံ ရန်ကုန်မြို့တော်တွင် သာသနာသက္ကရာဇ် ၂၄၉၈ တွင် ကမ္ဘာအေးစေတီ၌ ကျင်းပ ခဲ့သည်။ ( အေဒီ ၁၉၅၄ ) ဗုဒ္ဓဘုရားရှင်ဟာ ဘာဖြစ်လို့ လူ၊ နတ်၊ ဗြဟ္မာ သတ္တ၀ါအားလုံးရဲ့ ကိုးကွယ်ရာ ဖြစ်နေရပါသလဲ။ ဗုဒ္ဓဘုရားရှင်ဟာ အောက်ဖော်ပြပါ ဂုဏ်တော်များနှင့် ပြည့်စုံတော်မူသောကြောင့် ဖြစ်ပါတယ်။

၁။ အရဟံ ... ဗုဒ္ဓဘုရားရှင်သည် ကိလေသာကင်းစင်တော်မူသဖြင့် ဆိတ်ကွယ်ရာအရပ်၌ပင် မကောင်းမှုကို ပြုတော်မမူခြင်း။
၂။ သမ္မာသမ္ဗုဒ္ဓေါ ... သိစရာအားလုံးတို့ကို အမှန်အတိုင်း ကိုယ်ပိုင်ဥာဏ်ဖြင့် သိတော်မူခြင်း။
၃။ ၀ိဇ္ဇာစရဏသမ္ပန္နော ... အသိဥာဏ်ရော၊ အကျင့်ပါ ပြည့်စုံတော်မူခြင်း။
၎။ သုဂတော ... မှန်ကန်၍အကျိုးရှိသော စကားကိုသာ ဆိုတော်မူတတ်ခြင်း။
၅။ လောက၀ိဒူ ... သတ္တလောက၊ သြကာသလောက၊ သင်္ခါရလောကတည်းဟူသော လောကသုံးပါးကို အမှန်အတိုင်းသိတော်မူခြင်း။
၆။ အနုတ္တရော ပုရိသဒမ္မသာရထိ ... ဆုံးမထိုက်သောသတ္တ၀ါအပေါင်းအား ဆင်းရဲဒုက္ခမှလွတ်ကင်းအောင် ဆုံးမတော်မူခြင်း
ရ။ သတ္တာဒေ၀ မနုဿာနံ ... လူ၊ နတ် တို့အား ကောင်းရာကောင်းကြောင်းကိုသာ ညွှန်ပြပေးတော်မူခြင်း။
၈။ ဗုဒ္ဓေါ ... သစ္စာလေးပါးကို ကိုယ်တိုင်လည်းသိပြီး တစ်ပါးသူကိုလည်း သိအောင် ဟောကြားဆုံးမတော်မူခြင်း။
၉။ ဘဂ၀ါ ... မိမိစိတ်နှင့်တကွ တစ်လောကလုံးကို အစိုးရတော်မူသော ဘုန်းတော်၊ မဂ်၊ ဖိုလ်၊ နိဗ္ဗာန်တရားနှင့် ပြည့်စုံတော်မူသော ဘုန်းတော်၊
များပြားသောအခြွေအရံ၊ ကျော်စောမူနှင့် ပြည့်စုံတော်မူသော ဘုန်းတော်၊ အတုမရှိသော ကျက်သရေတော်နှင့် ပြည့်စုံတော်မူသော
ဘုန်းတော်၊ လိုအင်ဆန္ဒဟူသမျှ ပြည့်ဝတော်မူသော ဘုန်းတော် နှင့် အတုမရှိသော လုံ့လ၀ီရိယ နှင့် ပြည့်စုံတော်မူသော ဘုန်းတော်
တည်းဟူသော ဘုန်းတော်ခြောက်ပါးနှင့် ပြည့်စုံတော်မူခြင်း။


သစ္စာလေးပါး သည် ဗုဒ္ဓဘုရားရှင်၏ ပထမဦးဆုံးဟောသော တရားပင်ဖြစ်သည်။
၎င်းတို့မှာ -
(၁) ဒုက္ခသစ္စာ ( ဆင်းရဲခြင်းအမှန် )
(၂) သမုဒယသစ္စာ ( ဆင်းရဲရခြင်းအကြောင်းတရားအမှန် )
(၃) နိရောဓသစ္စာ ( ဆင်းရဲခြင်းမှ လွတ်မြောက်ခြင်းအမှန် )
(၄) မဂ္ဂသစ္စာ ( ဆင်းရဲခြင်းမှ လွတ်မြောက်ရာအကြောင်းတရားအမှန် )

လောကတွင် သတ္တ၀ါအဖြစ်ပဋိသန္ဓေဖြစ်ခြင်း၊ မွေးဖွားလာရခြင်း၊ အသက်ရှင်ရန် လုံးပန်းနေရခြင်း၊ အိုရခြင်း၊ နာရခြင်း၊ သေဆုံးရခြင်း၊ တို့သည် သံသရာတွင် ကျင်လည်နေသော သတ္တ၀ါတိုင်း မလွဲမသွေ ကြုံတွေ့ခံစားရမည်ဖြစ်သဖြင့် သတ္တ၀ါဖြစ်ရခြင်းသည်ပင် ဆင်းရဲခြင်းအမှန်ဖြစ်သည်ဟု ဗုဒ္ဓဘုရားရှင်က ရှုမြင်သည်။ ဤသို့ဆင်းရဲဒုက္ခရောက်ရခြင်းအကြောင်းသည် ရုပ်၊နာမ်အစုတို့ဖြစ်ပေါ်ရန် ပြင်းပြသော ဘ၀ကိုစွဲမက်သော တဏှာကြောင့်ပင်ဖြစ်သည်။ ထိုသို့စွဲမက်ရခြင်းအကြောင်းသည်ပင် အ၀ိဇ္ဇာတည်းဟူသော အသိပညာကင်းမဲ့မူကြောင့်ဖြစ်သည်။ ဆင်းရဲခြင်းကိုသိလျင် ဆင်းရဲခြင်းမှလွတ်ကင်းရာကိုလည်း သိနိုင်သည်။ ဆင်းရဲရခြင်းမှာ ရုပ်နှင့် နာမ်ကြောင့် ဖြစ်သဖြင့် ရုပ်နှင့် နာမ်တို့ ချုပ်ငြိမ်းရာသည် ဆင်းရဲခြင်းမှ လွတ်မြောက်ခြင်းအမှန်ဖြစ်သည်။ သို့ရာတွင် နောက်ထပ်တဖန် ရုပ် နှင့် နာမ်တို့ ပြန်မဖြစ်စေရ။ ဆင်းရဲခြင်းမှ လွတ်မြောက်အောင်လုပ်နည်းအမှန်သည်ရှိသည်။ ဤသည်မှာ မဇ္ဈိမပဋိပဒါ အလယ်အလတ်ကျင့်စဉ်ပင်ဖြစ်သည်။

အလယ်အလတ်ကျင့်စဉ်ဆိုတာ ဘာလဲ။ အလယ်အလတ်ကျင့်စဉ် ဆိုတာ လျော့လွန်းခြင်း၊ တင်းလွန်းခြင်း ဟူသော အစွန်းနှစ်ပါးမှ ရှောင်ရှားထားခြင်းဖြစ်သည်။
ထိုကျင့်စဉ်သည် (၈)မျိုးရှိသည်။ ၄င်းတို့မှာ -
(၁) သမ္မာဒိဌိ ... ကောင်းသောအယူ
(၂) သမ္မာသင်္ကပ္ပ... ကောင်းသောအကြံအစည်
(၃) သမ္မာဝါစာ ... ကောင်းသောပြောဆိုဆက်ဆံမှု
(၄) သမ္မာကမ္မန္တ ... ကောင်းသောအလုပ်
(၅) သမ္မာအာဇီဝ ... ကောင်းသောအသက်မွေးမှု
(၆) သမ္မာဝါယမ ... ကောင်းသောလုံ့လထုတ်မှု
(ရ) သမ္မာသတိ ... ကောင်းသောသတိ
(၈) သမ္မာသမာဓိ ... ကောင်းသောတည်ကြည်မှု

ရှစ်ပါးသော ဤတရားကို ကျင့်နိုင်ပါလျင် ဆင်းရဲခြင်းဒုက္ခတို့မှ လွတ်မြောက်ရာ နိဗ္ဗာန်သို့ မျက်မှောက်ပြုရမည်ဖြစ်သည်။ ဗုဒ္ဓဘာသာဝင်တို့၏ အမြင့်ဆုံးရည်မှန်းချက်သည် နိဗ္ဗာန်ပင်ဖြစ်သည်။ နိဗ္ဗာန်ဆိုသည်မှာ ဖြစ်တုံ့ပျက်ပြန် သံသရာတွင် ကျင်လည်နေရာမှ လွတ်မြောက်သွားခြင်းဖြစ်သည်။
တစ်နည်းဆိုရသော် နောက်ဘ၀သစ်တစ်ခု ထပ်ဖြစ်မလာတော့ဘဲ အပြီးတိုင် ချုပ်ငြိမ်းသွားခြင်းပင်ဖြစ်သည်။

ဗုဒ္ဓဘာသာတွေဟာ ကံ နှင့် ကံ၏အကျိုးလို့ ပြောပြောနေကြတယ်။ ကံဆိုတာဘာလဲ။ ပါဠိလို ကမ္မဟုခေါ်သော ကံဆိုသည်မှာ မိမိပြုလုပ်သော အလုပ်ကိုခေါ်သည်။
ကံကို (၃)မျိုးခွဲခြားနိုင်သည်။ ၄င်းတို့မှာ -
(၁) ကာယကံ ... ကိုယ်ဖြင့်ပြုလုပ်ခြင်း။
(၂) ၀စီကံ ... နှုတ်ဖြင့်ပြုလုပ်ခြင်း။
(၃) မနောကံ ... စိတ်ဖြင့်ပြုလုပ်ခြင်း။

ကံတွင် ကောင်းသောကံ နှင့် မကောင်းသောကံ ဟူ၍ရှိသည်။ ကောင်းသောကံသည် ကောင်းကျိုးပေးနိုင်ပြီး မကောင်းသောကံသည် မကောင်းကျိုးပေးနိုင်သည်။ သို့ရာတွင် အကျိုးပေးမည့် နေရာဌာန အချိန်ကာလ၊ အကျိုးမပေးမည့် နေရာဌာန အချိန်ကာလများ လည်းရှိသေးသည်။

ဗုဒ္ဓဘာသာဝင်တွေဟာ အနိစ္စ၊ ဒုက္ခ၊ အနတ္တ လို့ ပြောပြောနေကြတယ်။ အဲဒါတွေက ဘာတွေလဲ။

(၁) အနိစ္စံ ခယဌေန ... အမြဲတည်ရှိနိုင်သော သဘောရားမှ ကုန်ခမ်းတတ်သော အနက်သဘောကြောင့် ( မမြဲပါ )
(၂) ဒုက္ခံ ဘယဌေန ... ကြောက်မက်ဖွယ်ကောင်းသော အနက်သဘောကြောင့် ( ဆင်းရဲတယ် )
(၃) အနတ္တာ အသာရကဌေန ... အနှစ်ဟူ၍ မြူမျှလောက်ပင် မရှိသော အနက်သဘောကြောင့် ( အနှစ်သာရမရှိဘူး )


ဗုဒ္ဓဘုရားရှင် (၄၅)၀ါပတ်လုံး ဟောကြားတော်မူခဲ့တဲ့ တရားတွေကို အောက်ပါအတိုင်း (၃)ပုံ ပုံထားပါတယ်။
(၁) သုတ်
(၂) ၀ိနည်း
(၃) အဘိဓမ္မာ

သုတ္တန် ဆိုတဲ့ သုတ် (၃)ကျမ်း ရှိပါတယ်။
(၁) သုတ်မဟာဝါ
(၂) သုတ်ပါထေယျ
(၃) သုတ်သီလက္ခန်

ဝိနည်း (၅)ကျမ်း ရှိပါတယ်။
(၁) ပါရာဇိက
(၂) ပါစိထေယျ
(၃) မဟာဝဂ္ဂ
(၄) စူဠ၀ဂ္ဂ
(၅) ပရိ၀ါယ်

အဘိဓမ္မာ (၇)ကျမ်း ရှိပါတယ်။
(၁) ဓမ္မသင်္ဂီဏီ
(၂) ၀ိဘင်း
(၃) ဓာတုကထာ
(၄) ပုဂ္ဂလပညတ်
(၅) ကထာဝတ္ထု
(၆) ယမိုက်
(ရ) ပဌာန်း


အဘိဓမ္မာ
အဘိ (မြင့်မားသော) ဓမ္မ (တရား) = မြင့်မားသောတရားဖြစ်ပါတယ်။ ဗုဒ္ဓဘုရားရှင် ဟောကြားတော်မူခဲ့သော တရားတော်၏ အဆီအနှစ်များကို စနစ်တကျ စုစည်းထားခြင်းဖြစ်ပါတယ်။ ခွဲခြမ်းစိတ်ဖြာထားတဲ့ ဆန်းစစ်ပုံနည်းလမ်း နှင့် အလွန်ကျယ်ပြန့်လှတဲ့ အနက်သဘော တို့ဟာ အဘိဓမ္မာတရားတော်ရဲ့
ထူးခြားချက် ဖြစ်ပါတယ်။ ဗုဒ္ဓဘုရားရှင် ဟောကြားခဲ့တဲ့ တရားတော်တွေအားလုံးဟာ ဆင်းရဲခြင်းမှလွတ်မြောက်ရာဆိုတဲ့ နိဗ္ဗာန်ကိုပဲ ဦးတည်ပါတယ်။ သုတ္တန်ဒေသနာတော်တွေမှာ မြတ်စွာဘုရားဟာ တရားနာပရိတ်သတ်ရဲ့ ပါရမီ အနုအရင့်ကိုလိုက်ပြီး တရားတော်များကို သမရိုးကျအသုံးအနှုံးမျိုးသုံးနှုံးဟောကြားတော်မူပါတယ်။ အဘိဓမ္မာတရားတော်များကိုဟောကြားရာမှာတော့ ပရမတ္ထသစ္စာ သက်သက်ကိုသာ အသုံးပြုပါတော့တယ်။ အလုံးစုံသော သဘာဝတရားတို့ကို အလွန်သေးငယ်တဲ့ အစိတ်အပိုင်းလေးများ အဖြစ်ခွဲခြမ်းစိတ်ဖြာ လိုက်ပါတယ်။ အလုံးစုံသော သဘာဝတရားတို့ကို အလွန်သေးငယ်တဲ့ အစိတ်အပိုင်းလေးများအဖြစ် သရုပ်ခွဲဆန်းစစ်ပြီးတဲ့အခါမှာ ၄င်းတို့ အချင်းချင်း ပေါင်းစည်းအကျိုးပြုကြပုံတွေကို ဆက်လက်ရှင်းပြပါတယ်။ ထို့ကြောင့် အဘိဓမ္မာတရားတော်ကို နားလည် သဘောပေါက်စေရန်အတွက် အလွန်ကြီးမားတဲ့ အသိဥာဏ်ပိုင်းဆိုင်ရာ ကြိုးစားအားထုတ်မှုမျိုး လိုအပ်ရခြင်း ဖြစ်ပါတယ်။ ကထာဝတ္ထုသည် ဗုဒ္ဓဘုရားရှင် ကိုယ်တော်တိုင် ဟောကြားတော်မူခဲ့ခြင်း မဟုတ်ပါ။ တတိယသင်္ဂါယနာတွင် အရှင်မောဂ္ဂလိပုတ္တတိဿက ဗုဒ္ဓဘုရားရှင် ဟောကြားတော်မူခဲ့သော တရားတော်များအပေါ် ဗုဒ္ဓဘာသာဂိုဏ်းခွဲများက အမျိုးမျိူး ယူဆအဓိပ္ပါယ်ကောက်ကာ အငြင်းပွားမှုကို အမေးအဖြေပုံစံဖြင့် ဟောကြားချေပကာ စံသတ်မှတ်ထားသည့် အဓိပ္ပါယ်များအား မှတ်တမ်းတင်ထားသော ကျမ်းဖြစ်သည်။

ယာမက ခေါ် ယမိုက်ကျမ်းသည် အသုံးချယုတ္တိဗေဒကျမ်းဖြစ်ပြီး အထက်ပါ သဘာဝတရားများကို အတွဲလိုက်ယှဉ်တွဲ၍ ခွဲခြမ်းစိတ်ဖြာ ဆန်းစစ်ပြထားသည်။ ပဌာန ခေါ် ပဌာန်းကျမ်းသည် ၄င်း သဘာဝတရားတို့ အချင်းချင်း ဆက်နှယ်မှီခိုကာ အပြန်အလှန် အကျိုးပြုနေပုံကို ဆက်နွယ်မှုပုံစံ (၂၄)ခု ဖြင့် တစ်ခုချင်း အသေးစိတ် ရှင်းလင်းပြဆိုထားသည်။ ဓမ္မာသင်္ဂီဏီကျမ်းတွင် ရုပ်၊ စိတ်၊ စေတသိတ် စသည့်အလုံးစုံသော သဘာဝတရားများကို တစ်ခုချင်း အသေးစိတ် ရေတွက် ပြထားသည်။ ထိုသို့ ရေတွက်ရာတွင် ၄င်းတို့၏ သဘောသဘာဝ၊ လုပ်ငန်းတာဝန်နှင့် အချင်းချင်း အပြန်အလှန် ဆက်နွယ် ကျေးဇူးပြုပုံများအလိုက် ပေါ်လွင်စေရန် အမျိုးအစားများခွဲခြား၍ ရှင်းပြထားသည်။ ၀ိဘင်္ဂ ခေါ် ၀ိဘင်းကျမ်းတွင် ၄င်းတို့ကို အလွန့်အလွန်သေးငယ်သော အစိတ်အပိုင်းများအဖြစ် ပိုင်းခြားစိတ်ဖြာကာ လေ့လာဆန်းစစ်ချက်များကို အခန်း(၁၈)ခန်းခွဲ၍ ရှင်းပြထားသည်။ ဓာတုကထာတွင် အထက်ပါ သဘာဝတရားများကို ခန္ဓာ၊ အာယတန၊ ဓာတု ဟူ၍ အမျိုးအစားသုံးခုနှင့် ဆက်စက်၍ အမေးအဖြေပုံစံဖြင့် ရှင်းပြထားသည်။ ပုဂ္ဂလပညာတိ ခေါ် ပုဂ္ဂလပညတ်ကျမ်းတွင် နိဗ္ဗာန်လမ်းသို့ အောင်မြင်စွာ လျှောက်လှမ်းသွားသော လူ၊နတ် တို့၏ ကြိုးစားအားထုတ် အောင်မြင်မှုပုံစံ အမျိုးမျိုးကို နမူမာပြ၍ အထက်ပါတရားများကို ဆက်စပ်ရှင်းလင်းထားသည်။

ဤလောကတွင်

ဆရာသည်လည်း
အလုံးစုံသောတရားတို့ကို ကိုယ်တိုင်မှန်စွာသိသူ မဟုတ်။
တရားသည်လည်း မကောင်းသဖြင့် ဟောအပ်သော တရားဖြစ်သည်။
မကောင်းသဖြင့် သိစေအပ်သောတရား ဖြစ်သည်။
သံသရာဝဋ်ဆင်းရဲမှ လွတ်မြောက်ကြောင်းတရား မဟုတ်။
ကိလေသာငြိမ်းမှုကို ဖြစ်စေတတ်သောတရား မဟုတ်။

တပည့်သည်လည်း
ထိုသာသနာ၌ ထိုဆရာဟောအပ်သည့်အကျင့်ကို ရိုသေစွာကျင့်၏။
ထိုဆရာဟောအပ်သော တရားနှင့်အညီလည်း ဆောက်တည်၍နေ၏။

ထိုတပည့်မျိုးကို ဤသို့ဆိုအပ်သည်။
အသင်သည် အရမတော်စွတကား။

ဤဆိုခဲ့သည့်အတိုင်း ထိုသာသနာ၌ ဆရာကိုလည်း ကဲ့ရဲ့အပ်၏။
တရားကိုလည်း ကဲ့ရဲ့အပ်၏။
တပည့်ကိုလည်း ကဲ့ရဲ့အပ်၏။

(ဒီဃနိကာယ်၊ ပါထိက၀ဂ်၊ ပါသာဒိကသုတ်)

သေပြီးနောက်၌ ဖြစ်၏။
သေပြီးနောက်၌ မဖြစ်။
သေပြီးနောက်၌ ဖြစ်လည်းဖြစ်၊ မဖြစ်လည်းမဖြစ်။
သေပြီးနောက်၌ ဖြစ်သည်လည်းမဟုတ်၊ မဖြစ်သည်လည်းမဟုတ်။

ဤအယူတို့ကို ဗုဒ္ဓဘုရားရှင် ဟောကြားတော်မမူ။
အဘယ်ကြောင့်ဆိုသော်...
၎င်းတို့သည် ပစ္စုပ္ပန်အကျိုး နှင့် မစပ်။
လောကုတ္တရာတရားနှင့်လည်း မဆိုင်။
သာသနာတော်အကျင့်မြတ်၏ အစအဦးမဟုတ်။
သံသရာဝဋ်ဆင်းရဲ၌ ငြီးငွေ့စေရန်မဖြစ်။
စွဲမက်ခြင်းကင်းရန်မဖြစ်။
ဆင်းရဲခြင်းချုပ်ငြိမ်းရန်မဖြစ်။
သစ္စာလေးပါးကို ထိုးထွင်းသိမြင်ရန်မဖြစ်။
နိဗ္ဗာန်ရကြောင်းမမြင်။
ထို့ကြောင့် ထိုတရားတို့ကို ဗုဒ္ဓဘုရားရှင် ဟောကြားတော်မမူ။

(ဒီဃနိကာယ်၊ ပါထိက၀ဂ်၊ ပါသာဒိကသုတ်)

ဤတရားသည် ဆင်းရဲခြင်းတည်း။
ဤတရားသည် ဆင်းရဲခြင်းဖြစ်ကြောင်းတည်း။
ဤတရားသည် ဆင်းရဲခြင်းချုပ်ငြိမ်းရာ နိဗ္ဗာန်တည်း။
ဤတရားသည် ဆင်းရဲခြင်းချုပ်ငြိမ်းရာ နိဗ္ဗာန်သို့ရောက်ရာ အကျင့်တည်း။

ဤတရားများကိုသာ ဗုဒ္ဓဘုရားရှင် ဟောကြားတော်မူသည်။

(ဒီဃနိကာယ်၊ ပါထိက၀ဂ်၊ ပါသာဒိကသုတ်)

ဗုဒ္ဓဘာသာဝင်တွေဟာ သီလစောင့်တယ် လို့ ပြောနေတာကြားဖူးတယ်။
သီလဆိုတာဘာလဲ။

သီလဆိုတာ စောင့်ထိန်းခြင်းဖြစ်ပါသည်။
စောင့်ထိန်းသော သီလ အရေအတွက်ပေါ်မူတည်ပြီး အောက်ပါအတိုင်း အမျိုးအစား ခွဲခြားထားပါသည်။
(၁) (၅)ပါးသီလ
(၂) (၈)ပါးသီလ
(၃) (၉)ပါးသီလ
(၄) (၁၀)ပါးသီလ

အခြေခံဖြစ်သော (၅)ပါးသီလကို ပြောပြပါ့မယ်။
(၁) သူ့တစ်ပါးအသက်ကို သတ်ခြင်းမှ ရှောင်ကျဉ်ခြင်း။
(၂) သူတစ်ပါးဥစ္စာကို ခိုးယူခြင်းမှ ရှောင်ကျဉ်ခြင်း။
(၃) သူတစ်ပါးသားမယားကို ပစ်မှားခြင်းမှ ရှောင်ကျဉ်ခြင်း။
(၄) မဟုတ်မမှန်သောစကားကို ပြောဆိုခြင်းမှ ရှောင်ကျဉ်ခြင်း။
(၅) သေရည်သေရက်သောက်စားမူးယစ်ခြင်းမှ ရှောင်ကျဉ်ခြင်း။

ပါရာဇိက မှာပါတဲ့အချက်ကလေးတွေကိုလည်း ပြောပြချင်ပါတယ်။
(၁) မေထုန်မှုပြုခြင်း။
(၂) ခိုးခြင်း။
(၃) လူသတ်ခြင်း။
(၄) မြင့်မားတဲ့အဆင့်အတန်းတစ်ခုခုမရဘဲ ရတယ်လို့လိမ်ညာပြောခြင်း။
အဓိကကျတဲ့ ပါရာဇိက(၄)ချက် ဖြစ်ပါတယ်။ ဖောက်ဖျက်မိရင် ရဟန်းအဖြစ်က လုံးဝဆုံးရှုံးရမှာပါ။

နောက်တစ်ခါ သံဃဒိသိသ် (၁၃)ချက် ဆိုတာရှိပါသေးတယ်။ နောက်ထပ် အနိယတ (၂)ချက် ရှိပါတယ်။ နောက်ထပ် နိဿဂ္ဂိယ (၃၀)ချက် ရှိပါတယ်။ ပါစိတ္ထိယ (၉၂)ချက် ရှိပါတယ်။ ပါတိဒိသာနိယ (၄)ချက် ရှိပါတယ်။ စက္ခိယ (၇၅)ချက် ရှိပါတယ်။ အဓိကရနသာမသ (၇)ချက် ရှိပါတယ်။ အဲဒီဟာတွေဟာ ဘိက္ခုတွေအတွက် အကျဉ်းအားဖြင့် (၂၂၇) သွယ်သော သိက္ခာပုဒ်များဖြစ်ပါတယ်။ ဘိက္ခုနီတွေအတွက်တော့ စောင့်ထိန်းရမယ့် သိက္ခာပုဒ် အကျဉ်းအားဖြင့် (၃၁၁)ပုဒ် ရှိပါတယ်။ မဟာဝဂ္ဂ မှာတော့ခန္ဓာက လို့ခေါ်တဲ့ အခန်း(၁၀)ခန်း ခွဲပြီးပြထားပါတယ်။ ဗုဒ္ဓဘုရားရှင်အကြောင်း တစ်စိတ်တစ်ဒေသ၊ ရဟန်းဘောင်သို့ ၀င်ခါနီးတွင် မေးမြန်းရမည့် အမေးများ၊ ၀ါတွင်း၊၀ါပ နှင့် သက်ဆိုင်ဆက်နွယ်သော လုပ်ဆောင်ဖွယ်ရာများ၊ နေထိုင်မကောင်းသော ရဟန်းတော် နှင့် သက်ဆိုင်သော အစားအသောက် နှင့် ဆေးဝါးများ၊ ကထိန်ကျင်းပပုံများ ပါဝင်ပါသည်။ စူဠ၀ဂ္ဂ တွင် အခန်း(၁၂)ခန်းပါဝင်ပြီး အခြားသော အခြေအနေအလိုက် လိုက်နာ ကျင့်ဆောင်ရမည့် အချက်များ၊ မိထွေးတော်ဂေါတမီ အား ဘိက္ခုနီသာသနာတော် ခွင့်ပြုပေးငည့် အကြောင်းများ နှင့် ပထမ၊ ဒုတိယအကြိမ် သံင်္ဂါယနာတင်ပွဲများ အကြောင်းတို့ ပါရှိသည်။ ပရိဝါရသည် အမေးအဖြေပုံစံဖြစ်ပြီး ၀ိနည်းကို စနစ်တကျ ခွဲခြမ်းစိတ်ဖြာ၍ နားလည်တတ်စေရန် ရည်ရွယ်ထားသည်။ ထို့ပြင် ၀ိနည်းတော်နှင့် ပတ်သက်၍ အငြင်းပွားစရာများ ဖြစ်လာပါက ဖြေရှင်းနိုင်ရန်အတွက် အခြေခံမူဝါဒများ ပါရှိသည်။

ရဟန်းတို့
သူတစ်ပါးတို့သည် ငါဘုရား၏အပြစ်ကိုဖြစ်စေ၊ တရားတော်၏အပြစ်ကိုဖြစ်စေ၊ သံဃာတော်၏အပြစ်ကိုဖြစ်စေ၊ ပြောကြားရာတွင် သင်တို့သည် ရန်ငြိုးထားခြင်း၊ အမျက်ထွက်ခြင်း၊ နှလုံးမသာခြင်း၊ စိတ်မကျေချမ်းခြင်း၊ မဖြစ်ကြစေနှင့်။ ဤသို့ဖြစ်ခြင်းသည် အသင်တို့အားသာလျှင် အန္တရာယ်ဖြစ်စေသည်။ ဤသို့ အမျက်ထွက်လျှင် အသင်တို့သည် သူတစ်ပါးတို့၏ စကားအကောင်းအဆိုးကို မသိနိုင်ကြပေ။ ထို့အတွက် ဤစကားတို့သည် ဤအကြောင်းကြောင့်လည်းမဟုတ်၊ ထိုအကြောင်းကြောင့်လည်းမမှန်၊ စင်စစ်အားဖြင့် ဤအပြစ်သည် ထင်ရှားမရှိ ဟုပင် မဟုတ်သည်ကို မဟုတ်သည့်အတိုင်း အသင်တို့ ဖြေရှင်းရမည်။
(ဒီဃနိကာယ်၊ သီလက္ခန္ဓ၀ဂ်၊ ဗြဟ္မဇာလသုတ်)

ရဟန်းတို့
သူတစ်ပါးတို့သည် ငါဘုရား၏ဂုဏ်တော်ကိုဖြစ်စေ၊ တရားတော်၏ဂုဏ်တော်ကိုဖြစ်စေ၊ သံဃာတော်၏ဂုဏ်တော်ကိုဖြစ်စေ၊ ပြောကြားရာတွင် သင်တို့သည် နှစ်သက်ခြင်း၊ ၀မ်းသာခြင်း၊ စိတ်အားတက်ကြွခြင်းတို့ မဖြစ်ကြစေနှင့်။ ဤသို့ဖြစ်ခြင်းသည် အသင်တို့အားသာလျှင် အန္တရာယ်ဖြစ်စေသည်။ ထို့အတွက် ဤစကားတို့သည် ဤအကြောင်းကြောင့်လည်းဟုတ်မှန်၏၊ ထိုအကြောင်းကြောင့်လည်းဟုတ်မှန်၏၊၊ စင်စစ်အားဖြင့် ဤဂုဏ်တော်သည် ထင်ရှားရှိသည် ဟုပင် ဟုတ်သည်ကို ဟုတ်သည့်အတိုင်း အသင်တို့ ဖြေကြားရမည်။
(ဒီဃနိကာယ်၊ သီလက္ခန္ဓ၀ဂ်၊ ဗြဟ္မဇာလသုတ်)

ShweBo Thanakha

နန်းတော်ရှေ့ဆရာတင် ၏ ရွှေဘိုသနပ်ခါး သီချင်း ဖြစ်ပါသည်။ ထိုသီချင်းကို ကျွန်ုပ်ငယ်စဉ်ကတည်းက လွန်စွာ နှစ်သက်ပါသည်။ မြန်မာစာကို တကယ် မိမိရရ ရေးတတ်ချင်လျှင် ပြောတတ်ချင်လျှင် ဒါမျိုးသီချင်းတွေ များများ နားထောင်ရပါမည်။ ရှင်မင်းရဲ့ Coffee Corner မှာ တွေ့မိသဖြင့် တဖန် Post လုပ်လိုက်ပါသည်။

အနောက်နိုင်ငံသားတို့ ၏ ကောင်းမြတ်သော ကိုယ်ကျင့်တရား

ဆရာကြီးရွှေဥဒေါင်း၏ တသက်တာမှတ်တမ်းတွင် ဆရာကြီးသည် ၀န်ကြီးချုပ်ဦးနုက အင်္ဂလိပ်စာပေကို ပုတ်ခတ်ပြောဆိုသဖြင့် လက်တုန့်ပြန်ရေးခဲ့ဘူးသည်။ ထိုစာတွင် အနောက်တိုင်းမှ လူကြီးလူကောင်းပီသသူများ (ဂျင်တဲလ်မဲန်း) ၏ စိတ်နေသဘောထားကို ငါးပါးသီလ သက်သက်ကို သာ စောင့်ထိန်းသူတဦး၏ အမူအကျင့်နှင့် နှိုင်းယှဉ်ပြထားပေသည်။ သို့သော် ငါးပါးသီလသမားတိုင်း ဆိုးသည်ဟု မမှတ်ယူကြရန် ကြိုတင်စကားခံလိုပါသည်။ သုစရိုက်တရားများကို ကျင့်ကြံသူ ဗုဒ္ဓဘာသာဝင်တို့ အဖို့လည်း ထိုဂျင်းတဲလ်မဲန်း တို့အလားတူစွာ စိတ်နေသဘောထားကြီးကြမည်ဟု စာရးသူယုံကြည်ပါသည်။ ဆရာကြီးက မြန်မာ လူ့ပတ်ဝန်းကျင်တွင် ယေဘူယျ တွေ့ရသည့် အခြေအနေပေါ် ခြုံ၍ရေးထားသည့်သဘော ဖြစ်နိုင်ပါသည်။ ဆရာကြီး စာမှာ...

"... ငါးပါးသီလသမားတစ်ယောက်သည် ကြွေးပူသဖြင့် မရောင်းပဲ မနေနိုင်သည့် မုဆိုးမ တယောက်ထံမှ ပစ္စည်း တစ်ခုကို တန်ဘိုးထက် ဖိနှိပ်ပြီး ဆစ်၍ ၀ယ်ချင်ဝယ်နိုင်သည်။ သီလပျက်သည်ဟု မဆိုနိုင်ချေ။ ဂျန်တဲလ်မဲန်း တစ်ယောက်မူကား ထိုသို့သော အမှုမျိုးကို ပြုရန် စိတ်ထဲမှ အလွန် ၀န်လေးတတ်သည်။ ခွန်အားနည်းသူ တစ်ယောက်အား ခွန်အားကြီးသူက နိုင်ထက်ကလူပြုမူခြင်းကို မြင်ရသည့်အခါ ငါးပါးသီလသမားက မျက်နှာ လွဲ၍ နေနိုင်သည်။ ဂျန်တဲလ်မန်း တစ်ယောက်မူကား မိမိကိုယ်တိုင် ခွန်အားနည်း၍ မကူညီနိုင်လျှင် အနည်းဆုံးနှုတ်ဖြင့်ဖြစ်စေ ခုခံ၍ ပြောပေးပေလိမ့်မည်။ မိမိ အကျိုးအတွက် အခြားလူတယောက်က မတရားသဖြင့် ဆောင်ရွက်ပေးသည်ဆိုလျှင် ငါးပါးသီလသမားက မှိန်းပြီးကြည့်နေလိုက နေနိုင်သည်။ ဂျန်တဲလ်မဲန်း တယောက်မူကား ထိုကဲ့သို့နေ၍ မဖြစ်၊ သူ့အတွက် မတရားမလုပ်ပေးပါနှင့် ဟု ပြောလိမ့်မည်။ ငါးပါးသီလ သမား တယောက်သည် ကြုံကြိုက်ခဲ့လျှင် ထိုက်သင့်သည်ထက် ပို၍ အခွင့်အရေးယူလိမ့်မည်။ အခွင့်အရေးယူခြင်းသည် ခိုးခြင်းမဟုတ်ဟု ဆိုနိုင်သည်။ ဂျင်းတဲလ်မဲန်း တယောက်မူကား ထိုက်သင့်သည်ထက် ပိုပြီး အခွင့်အရေးယူရမည်ကို ရှက်တတ်သည်။ ငါးပါးသီလသမား တယောက်သည် ဖော်လံဖားနိုင်သည်။ ကပ်ပါးရပ်ပါး အလုပ်မျိုးနှင့် ကြီးပွားအောင်လုပ်နိုင်သည်။ ဂုဏ်ကြီးသူများ ပိုက်ဆံရှိသူများကို ကြို့၍ ချူနိုင် မြှိုက်နိုင်သည်။ ဂျန်တဲလ်မဲန်း တစ်ယောက်မူကား ကိုယ့်သိက္ခာကို ကိုယ်စောင့်ထိန်းသည်ဖြစ်၍ မည်သူ့ဆီကမျှ ချူခြင်းမြှိုက်ခြင်းမပြု၊ ဘာကိုမျှ အလကား မလိုချင်၊ ထိုက်တန်အောင် အလုပ်လုပ်၍ ယူချင်သည်။ မည်သူ့ရှေ ဍ္ဍ်မျှ မျက်နှာ အောက်မချ။ အမြဲ ဦးခေါင်းထောင်ချင်သည်။ ဆင်းရဲသည်ကို မရှက်၊ ညစ်ပတ်ရမည်ကို ရှက်သည်။ အမျိုးမြတ်သည် ဆို၍ ဂုဏ်မတက်၊ ရိုးဖြောင့်သည့် အတွက် ဂုဏ်ယူသည်။ လိုရင်းအချုပ်ဍ္ဍ် ဂျင်တဲလ်မဲန်း တယောက်သည် (Sense of Justice and Fair Play) မိမိနှင့် ဆက်ဆံသမျှသော ကိစ္စအ၀၀တွင် သာမက မိမိ၏ ပတ်ဝန်းကျင် ဍ္ဍ်လည်း မတရားသဖြင့် အနိုင်ကျင့်ခြင်းကို မမြင်လို၊ မျှမျှတတ ဖြစ်စေလိုသော စိတ်သဘောထားမျိုး အမြဲကိန်းအောင်းသူ တယောက်ဖြစ်လေသည်။ ... "

Ref: http://burmatoday.net/article2005/061204_kopaw.swf

မြန်မာအိုင်တီသမားတွေSingapore မှာအလုပ်ရကြသတဲ့ (အပိုင်း-၄)

လေဆိပ်က ဆင်းလို့ ပစ္စည်းတွေ များလျှင်ဖြစ်ဖြစ်၊ ကိုယ်မသိတဲ့ နေရာ တစ်ခါမှ မသွားဘူးတဲ့နေရာတွေကို အချိန်မှီ သွားရမှာပဲဖြစ်ဖြစ်၊ တခါတရံ Taxi စီးဖို့လိုပါသည်။ စင်္ကာပူတွင် Taxi ခ ဈေးဆစ်စရာမလိုပါ။ Taxi ကိုတားပါ၊ ရပ်ပေးလျှင် ၀င်ထိုင်လိုက်ပြီး ဒရိုင်ဘာကို မိမိသွားလိုသည့်နေရာ ပြောပြပေးလိုက်ပါ။ ခရီးအကွားဝေးအလိုက် မီတာဖြင့် တောင်းပါသည်။ ဘီးလိမ့်သလောက်သာ မီတာခ တက်ပါသည် (ဥပမာ။ ။မီးပွိုင့်တွင်ရပ်နေလျှင် မတက်ပါ၊ မြန်မြန်မောင်းလျှင် မြန်မြန်တက်သည်)။ သွားချင်သည့်နေရာကို Traffic နည်းသည့်နေရာမှ အချိန်တိုတို အတွင်းရောက်အောင် ပို့ဆောင်ပေးပါလိမ့်မည်။ ငွေရှင်းပြီးလျှင် Receipt ခေါ် လက်ခံဖြတ်ပိုင်း တောင်းသင့်သည်။ လက်ခံဖြတ်ပိုင်း ရှိထားတော့ အကယ်၍ မတော်တဆ Taxi ပေါ်တွင် သင့်ပစ္စည်း တစ်ခုခု ကျန်ခဲလျှင်၊ တစ်ယောက်ယောက်ကတွေ့ထားလျှင် Receipt ဖြင့် ပြပြီး ပြန်တောင်းလို့ရသည်။ Receipt ပေါ်မှာ "FEEDBACK/ LOST & FOUND HOTLINE: 65524525" စသည်ဖြင့် ဖုံးနံပါတ်လည်းပါသည်။

Taxi ကို ဖုံးဖြင့်  Booking လုပ်လို့ရသည်။ စနစ် တွေကကောင်းသည်။ အမျိုးမျိုးရှိသည်။ ကျွန်တော်တို့ ကတော့ လိုအပ်လျှင် FastCall Service သုံးသည်။  (ဥပမာ 6454 2222 ကိုနှိပ်၊ မိမိရပ်နေသည့် Taxi stand ၏ PIN နံပါတ်ကို နှိပ်၊ အလိုလျှောက် စကားပြောစက် က လာမည့် Taxi နံပါတ်ကို ပြန်ပြောသည်။ မှတ်ထားရသည်။ ၅မိနစ်လောက် အတွင်း ရောက်လာသည်။) Taxi Booking Service အမျိုးမျိုး အကြောင်း အသေးစိတ် ဖတ် ကြည့်လိုလျှင်
http://www.comfort-transportation.com.sg/booking_svcs.html

Taxi တစ်စီး ၏ အတွင်းဘက် မြင်ကွင်း (6:40 ဟု ဒစ်ဂျစ်တယ် မီးနီဖြင့် ညွှန်ပြနေသော ကိန်ဂဏန်းကွက်မှာ သင်ပေးရမည့် ငွေ Amount)


Taxi တစ်စီး

စင်္ကာပူ တွင် Taxi စီးစီး ကိုယ်ပိုင်ကားစီးစီး ရှေ့ကထိုင်ထိုင် နောက်က ထိုင်ထိုင် ခါးပါတ်ပါတ် ရမည်။ ခါးပါတ် မပါတ်တာကို ရဲတွေ့သွားလျှင် ပြဿနာ ဖြစ်မည်။ ဒါဏ်ငွေ ၁၀၀၀ လောက် ရိုက်မည်။ စလုံးမှာ ဒါဏ်ငွေတွေ တစ်ခါတစ်ခါ ဆောင်ရလျှင် နဲနဲနောနောမဟုတ်။ မြို့လယ်ကောင် တွေမှာ ဆို တံတွေးထွေး နှပ်ပစ် လျှင်တောင် ပေါ်တင်ကြီး မိလျှင် ဒါဏ်ငွေ ရိုက်ခံရသည် ဟုကြားသည်။ မြန်မာပြည်က စီးကရက်ဘူး သယ်လာတာတွေ့လျှင်လည်း ဒါဏ်ရိုက်သည်။ ဒီမှာက လူအများက Marlboro သောက်ကြသည်။ မှောင်ခိုစီးကရက် က 5$ လောက်ပဲ ရှိသည်။ ဈေးတစ်ဝက် ခန့် သက်သာ သည်။ ဒါပေမယ့် လူမြင် မခံရ အောင် ဘူးကို ၀ှက်သောက်ရသည်။ အတိုင်ခံ ရလျှင် ဒါဏ်ရိုက်ခံရမည်။ စီးကရက်ဘူးခြင်းက ကွာသည်။ တရားဝင် စီးကရက် တွင် ဆေးလိပ်သောက်ရင် ဘာရောဂါညာရောဂါ ဖြစ်မည်ဆိုသည့် အနိဌာရုံ မြင်ကွင်းများ ရိုက်နှိပ် ထားသည်။ မှောင်ခိုဘူး က ဒါတွေ ဘာမှ မပါ။ (ပေါ်တင်မရောင်း၊ ကိုယ့် ဘာသာကို အဆက်အသွယ် ရှာထားပြီး ၀ယ်ထားရသည်။)

Bus ကားဂိတ်များ MRT Interchange များတွင်လည်းကောင်း၊ Bus ကား ပေါ်တွင် လည်းကောင်း၊ ရထား ပေါ်တွင်လည်းကောင်း၊ စီးကရက် မသောက်ရ။ စားသောက်ဖွယ်ရာများ၊ မုန့်များ မစားရ၊ အအေးဗူးမသောက်ရ။

စင်္ကာပူ က စီကရက်ဗူး တွေမှာ ဒီလိုတွေ ရိုက်နှိပ်ထားသည်။ တစ်ဗူး 11$ လောက်ရှိသည်။ ဘာတွေရိုက်ထားထား၊ ဘယ်လောက်ဈေးကြီးကြီး လူတွေကတော့ တအားသောက်သည်။ ကောင်မလေးတွေပါသောက်သည်။ တချို့ ကောင်မလေးတွေ ဆို စီးကရက် ကို လက်ကြားကတောင်မချ။

IC Show in Singapore

IRON CROSS ROCK CONCERT
အငဲ၊ မျိုးကြီး ၀ိုင်ဝိုင်း၊ Rဇာနည်၊ ဖြိုးကြီး၊ Lလွန်းဝါ၊ ဆုန်သင်းပါရ်၊ စင်ဒီ၊ ကြိုးကြာ

နေရာ။ ။ Jurong East Sports & Cultural Centre (Opposite to Chinese Garden MRT)
နေ့စွဲ။ ။ 21st Janurary 2007
အချိန်။ ။ 06:00 PM
ဈေးနှုံး။ ။ S$ 30, 40, 50, 60
လက်မှတ် အရောင်းဌာန။ ။
WIN AYE PTE LTD, Peninsula Plaza
ဆက်သွယ်ရန်။ ။
ကျော်လွင်ချမ်း 9687 6971
ကယ်လဗင် 8123 5848
ဇော်မောင်မောင်ထွေး 9735 6581

မြန်မာအိုင်တီသမားတွေSingapore မှာအလုပ်ရကြသတဲ့ (အပိုင်း-၃)

အလုပ်မရှာခင် အရင်ဆုံး နေရေးထိုင်ရေး သွားလာရေး အတွက် စုံစမ်းရအုံးမည်။ စင်္ကာပူက Transportation service ကောင်းသည်။ ရထား လဲရှိသည်။ ဘတ်စ်ကား လဲရှိသည်။ Taxi လဲရှိသည်။ သွားရေးလာရေး ကတော့ တော်တော် အဆင်ပြေသည် ဟုဆိုရပေမည်။ ရထားကို MRT ဟုခေါ်သည်။ MRT စီးစီး ကားစီးစီး ez-Link card လိုသည်။ ကြိုပြီး ၀ယ်ထားရသည်။ ကဒ်ဖိုး ငါးဒေါ်လာ၊ ခရီးစရိတ်အတွက်ဖြည့် ၁၀ ဒေါ်လာ၊ စုစုပေါင်း၁၅ ဒေါ်လာ လောက်ပေးရမည်။ MRT Station တွေ မှာရှိတဲ့ Passenger Service တွေမှာ ၀ယ်ရသည်။ ကဒ်က တစ်ခါဝယ် ထားလျှင်ရသည်။ ဖြည့်ဖြည့်ပြီးသုံးရသည်။ ကုန်ခါနီးလျှင် General Ticketing Machine တွေ (သို့) Add Value Machine တွေမှာ ပြန်ဖြည့်ရသည်။ GTM တွေကတော့ MRT Station တွေမှာပဲရှိသည်။ AVM တွေကတော့ MRT Station တွေမှာရော၊ Bus Interchange တွေမှာပါ တွေ့ရတတ်သည်။

ez.Link card

MRT Station တွေ မှာရှိတဲ့ Passenger Service


MRT Station များတွင် တွေ့ရတတ်သည့် General Ticketing Machine များ (ezLink card ပြန်ဖြည့်ရန်)


Bus Interchange တွေမှာပါတွေ့ရသော Add Value Machine များ (ezLink card ပြန်ဖြည့်ရန်)

MRT စီးလျှင် Station ထဲသို့ ezLink card ကို အ၀င်တစ်ခါ ပြရသည်။ မိမိသွားလိုရာ Station ရောက်သော် ၄င်း ezLink card ကို အထွက်တွင် တစ်ခါ ပြရသည်။ စက်က ခရီးအကွာအဝေးအလိုက် ကျသင့်ငွေကို နှုတ်ယူထားသည်။ ဘတ်စ်ကားစီးလျှင် လည်း အ၀င်တစ်ခါ အထွက်တစ်ခါပြရသည်။ ဘတ်စ်ကားစီးလျှင် ရှေ့ပေါက်မှ ၀င်၍ နောက်ပေါက်မှ ထွက်ပါ။ ဒီမှာ လူတိုင်းလူတိုင်း ရှေ့ပေါက်မှဝင်၊ ကဒ်ပြ၊ သွားလိုရာ အရပ်သို့ရောက်လျှင် ကဒ်ကို တစ်ဖန်ပြန်ပြ ၍ နောက်ပေါက်မှထွက် လေ့ရှိကြသည်။ ချွင်းချက်အနေဖြင့် လူအလွန်ကျပ်လျှင် ရှေ့ပေါက်မှလည်းထွက်လို့ရပါသည်။

MRT Station တစ်ခု၏ ၀င်ထွက်ပေါက် မြင်ကွင်း၊ မြှားစိမ်းလေး ပြထားသောအပေါက်ကသာ ၀င်ထွက်ရမည်။ သင့် ezLink ကဒ်ကို ပုံမှာပြထားသည့် နေရာတွင် ပြပြီး ၀င်ရသည်။


ဘစ်ကား တစ်စီးပေါ်ရှိ ၀င်ပေါက်အ၀တွင် တပ်ဆင်ထားပုံ


MRT တစ်စီး Station တစ်ခုမှ အထွက် မြင်ကွင်း

SBS Bus service


SMRT Bus service

MRT စီး ချင် လျှင် MRT Map ကို မစီးခင် အရင်ဦးဆုံး ကြည့်ကြည့်ပြီး သွားရသည်။ အ၀င်ဝများမှာ MAP များ ချထားသည်။ ရထားပေါ်မှာလည်း MAP ရှိသည်။ နောက်တော့ အလွတ်ရသွားလိမ့်မည်။ See Map...

Singapore မှာက Streetdirectory.com က အလွန်အသုံးဝင်သည်။ ရောက်ကာစက Streetdirectory မှာပဲ ကြည့်ကြည့်ပြီး ဘာရထားစီးရမယ်၊ ဘာကားစီးရမယ် မသွားခင် အရင်ဆုံး ကြို လေ့လာရသည်။ အခုရောက်တာ ကြာပေမယ့်လည်း သွားနေကျနေရာမဟုတ်လျှင် Streetdirectory.com ကို သုံးနေရဆဲဖြစ် ပါသည်။

မြန်မာအိုင်တီသမားတွေSingapore မှာအလုပ်ရကြသတဲ့ (အပိုင်း-၂)

စင်္ကာပူကို ရောက်လာပြီ။ မြန်မာပြည်က ဆောင်လာခဲတဲ့ အစိမ်းလေးတွေကို စလုံးပိုက်ဆံ နဲ့ ပြန် လဲရအုံးမည်။ ငွေလဲဖို့ အတွက်မပူပါနှင့်။ Money Changers တွေက နေရာတကာမှာ အများကြီးရှိသည်။ Money Changers တွေက လေဆိပ်မှာလဲ ရှိသည်။ Plaza တွေ Shopping Mall တွေမှာလည်း ဆိုင်တွေ နေရာအနှံ့ရှိသည်။ Peninsula Plaza မှာလည်း ရှိပါသည်။ ဗမာဆိုင်တွေ Peninsula Plaza ၃ထပ် နဲ့ ၄ထပ်မှာ အများကြီးပဲ။ ကျွန်တော် ငွေလဲတုံး ကတော့ မြန်မာချင်း အားပေးချင် သဖြင့် Peninsula Plaza က "ပြုံးတရာဆင့်" ဆိုင်မှာပဲ ပါလာတဲ့ အစိမ်းလေးတွေ ထုတ် ရောင်းလိုက်သည်။

Money Changer @Changi Airport, Singapore

စင်္ကာပူက အသုံးများတဲ့  အကြွေစေ့လေးတွေ ငွေစက္ကူလေးတွေ ကို ပြရအုံးမည်။ ငါးပြား၊ ဆယ်ပြား၊ ပြားနှစ်ဆယ်၊ ငါးမူး၊ တစ်ကျပ် တို့မှာ အကြွေစေ့များ၊ ၂ ကျပ်တန်၊ ငါးကျပ်တန်၊ ၁၀ တန်၊ ၅၀ တန် ငွေစက္ကူများကို နှင့် နေ့စဉ် သုံးစွဲ နေကြပါသည်။ (တစ်ကျပ်တန် ငွေစက္ကူ ရှိပါသည်။ ၁၀၀၀ တန်၊ ၁၀၀၀၀ တန် တွေ လဲရှိသည်။ အသုံးအရမ်းနဲသည်။ အပြင်မှာ မတွေ့ရသလောက်ဖြစ်သည်။)

၁) စင်္ကာပူက ငွေအကြွေစေ့များ (မှတ်ချက်။ ၁ပြား စေ့ကသိပ်မသုံးတော့ပါ၊ ၅ပြားစေ့အထိပဲ သုံးတာများသည်။)


၂) စင်္ကာပူက ၂ဒေါ်လာတန် ငွေစက္ကူ


၃) စင်္ကာပူက ၅ ဒေါ်လာတန်ငွေစက္ကူ

၂) စင်္ကာပူက ၁၀ ဒေါ်လာတန် ငွေစက္ကူ


၂) စင်္ကာပူက ဒေါ်လာ ၅၀ တန် ငွေစက္ကူ
(စင်္ကာပူမြန်မာတွေ အချင်းချင်း ကတော့ ၂ ကျပ်တန်၊ ၅ကျပ်၊ တစ်ဆယ်၊ ငါးဆယ် လို့ပဲ အလွယ်ခေါ်ကြသည်။)

ပိုက်ဆံထဲမှာ ပါတဲ့လူကြီးက စင်္ကာပူ၏ ပထမဆုံး သမ္မတ Yusof Bin Ishak ဖြစ်သည်။ NUS ၏ တတိယမြောက် Chancellor လဲဖြစ်သည်။ ၁၉၆၉ တွင် NUS က ဂုဏ်ထူးဆောင် ဒေါက်တာဘွဲ့ D.Litt ရရှိခဲ့သည်။

Yusof Bin Ishak

မြန်မာအိုင်တီသမားတွေSingapore မှာအလုပ်ရကြသတဲ့ (အပိုင်း-၁)

အခုတလော မြန်မာပြည်က ပညာရှင်တွေ Singapore ကို ထွက်ထွက်လာကြ၏။ အလုပ်လာရှာကြ၏။ ရတဲ့သူလည်း ရကြ၏။ ရလျှင်ပျော်၍မဆုံးပြီ။ တချို့လည်း အလုပ်ရပြီးကာမှ EP/S-Pass Reject ထိ၍ ပြန်တဲ့သူလည်း ပြန်ရ၏။ ရင်နာ၍မဆုံးပြီ။ ဆဲဆို ၍ အောင်ဖျာလိပ် ပြည်တော်ပြန်ကြသည်။ ပြန်ပြီးကာမှ Approval Letter ကျလာ၍ ၀မ်းသာအားရဖြင့် ပြန်လာကြရတဲ့ သူတွေလည်းရှိသည် ဟုကြားရသည်။

မြန်မာပြည်မှ စတင်ထွက်ခွာလာပြီးနောက် လေယာဉ်ပေါ်ရောက်လျှင် လေယာဉ်မယ်ကလေးတွေက Social Visit Pass အတွက် Embarking/Disembarking Card ခေါ် White Card ဆိုတာ လေးများ တစ်ခုစီပေးလိမ့်မည်။ ဖြည့်ရသည်။ ဒီအတွက် အိတ်ကပ်ထဲမှာ ဘောပင်တစ်ချောင်းဆောင်လာပါ။ အဲဒီကဒ်က အရမ်းအရေးကြီးသည်။ မပျောက်စေ့နှင့်။ အဲဒီကဒ်မှာ နာမည်၊ ပတ်စပို့နံပါတ်၊ စင်္ကာပူမှာ နေမည့် တည်းခိုမည့်လိပ်စာဖြည့်ရမည်။ ရှောရှောရှုရှု ဖြည့်ဖို့ အသိတစ်ယောက် ၏ လိပ်စာကို ကြိုမေးထားရမည်။ လေယာဉ်ပေါ်က ဆင်းပြီး တော်တော်လေး လမ်းလျှောက်ရသည်။ အပေါ်က Sign board တွေ မြှားတွေလဲ ကြည့်ကျက်ပြီးသွား။ Transit ဆိုတာဘက် ၀င်မသွားမိစေနဲ့အုံး။ သွားရင်းသွားရင်းနဲ့ Immigration Counter တွေ အများကြီးကို တွေ့ရမည်။ အဲဒါတွေမှာ ၀င်ရမည်။ ကောင်တာတွေက အများကြီးရှိသည်။ လူရှင်းတဲ့ သဘော ကောင်းမည့် ဥပတိရုပ်ရှိသည့် ကောင်တာကို ၀င်။ ကိုယ့်ကိုယ် ကို Confident အပြည့်ဖြင့် ၀င်။ ကြောက်ကြောက် ကြောက်ကြောက်မလုပ်နှင့်။ ကတုန်ကယင် လုပ်လေ ရစ်ချင်စရာ ကောင်းလေ ဖြစ်တတ်သည်။ ဗမာပြည်ကလာတာ ဆိုလျှင် ဘယ်မှာနေမှာလဲ ပိုက်ဆံဘယ်လောက်ပါလဲ မေးတတ်သည်။ မလေး ကုလား၊ မလေး ကုလားမများ (အုပ်ဆောင်း ဆောင်းထားတတ်သည်) ထိုင်နေသော Check Point ဘက်တွင် ၀င်မိသူများ အရစ်ခံရမည်မှတ်။ (အများအားဖြင့် အရစ်ခံရတတ်သည် ဟုကြားရသည်။)

တတ်နိုင်လျှင် US ဒေါ်လာ တစ်ထောင်လောက် (မြန်မာပြည်က အထွက်မှာတော့ ၄င်းပိုက်ဆံကို ၀ှက်လာ) သယ်လာခဲ့နိုင်လျှင် ပိုကောင်းသည်။ ကိုယ်မှာ အရံသင့် ဆောင်ထား ရမည်။ ပိုက်ဆံဘယ်လောက်ပါလဲ မေးလျှင် ဗုန်းခနဲ ချက်ချင်း ချပြလို့ရသည်။ ဒီက Sponsor လုပ်ပေးတဲ့ သူ ရှိယင်လည်း သူ့ PR/EP/S-Pass ကဒ် စတာတွေကို Copy တစ်စောင်တောင်း ထားရမည်။ ဖုံးနံပါတ်တွေ၊ နေရပ်လိပ်စာတွေ မေးထားရမည်။ " စင်္ကာပူ ကို ဘာလာလုပ်တာလဲ" လို့မေးရင် "အလုပ်လာရှာတာ" လို့ မဖြေသင့်၊ "အလည် လာတာ" လို့် ဖြေရမည်။

ပုံမှန်အားဖြင့် Social Visit Pass အတွက် ဗီဇာသက်တမ်း ကို ပတ်စပို့ပေါ်မှာ တလ ထုပေးလိမ့်မည်။ တခါတလေကြတော့ လည်း ဖြေတဲ့ အနေအထားပေါ်မှာမူတည်ပြီးတော့ ၂ပါတ်ပဲ ထုပေးသည် ဟုကြားရသည်။

Expired မဖြစ်ခင် ဗီဇာ သက်တမ်း တိုးထားရမည်။ သက်တမ်းတိုးဖို့ PR မိတ်ဆွေ တစ်ဦး ရှာထားရမည်။ ထိုသူက အာမခံပေးမှ တိုးပေးသည်။ ဗီဇာ သက်တမ်းတိုးဖို့ ICA ခေါ် Immigration Checkpoint Authority ရုံးကို သွားရမည်။ Lavendar MRT က ထွက်ထွက်ချင်း အဲဒီရုံးကို ရောက်သည်။ အလုပ်ရသွား ပြီး EP လျှောက်ထားတုံး တန်းလန်းကြီး White Card က Expired ဖြစ်သွားလျှင် တော့ MOM က နှစ်ပါတ်တိုးပေးသည်ဟု ကြားသည်။ MOM (Ministry of Manpower)

စင်္ကာပူ၌ အလုပ်ရှာကြသောအခါ Jobstreet.com/JobsDB.com တို့မှာ ရှာကြ၏။ တချို့လည်း မလာခင်ထဲက ကြိုလျှောက်ထား ကြ၏။ ကံကောင်းသူများ ၂ရက် ၃ရက်ဖြင့် အလုပ်ရကြ၏။ ကြိုတင်ပြင်ဆင် ထားတာလဲ ပါမည်ဟု ထင်သည်။ ကံခေသူများ ၃လပြည့်လို့အလုပ်မရ။ ဘာလိုနေလို့လဲတော့ မသိ။

Resume ကောင်းကောင်း ရေးထားရသည်။ Cover Letter ကောင်းကောင်းရေးထားရသည်။ အချိန်ရှိခိုက် လုံ့လစိုက်ရမည်။ အရပ်ကူပါ လူဝိုင်းပါ လုပ်ရမည်။ မီးပွင့်အောင် အသကုန် လျှောက်ရမည်။ Resume မရေးတတ်လျှင် စင်္ကာပူ အထာနပ်သော အသိတစ် ယောက်ယောက် ကို အကူအညီတောင်းရမည်။ တချို့ အလုပ်တစ်ခုရဖို့အတွက် တစ်နှေ့လျှင် အလုပ် ဆယ်ခုနှုံးဖြင့် အလုပ်ပေါင်း ၂၀၀ ခန့် ၃၀၀ ခန့် လျှောက်ကြရသည်။

တချို့က Resume ထဲမှာ ကိုယ်သိသမျှတွေ အသကုန် ထည့်ရေးသည်။ များများပါလျှင် ကောင်းသည်ဟုထင်သည်။ လုံးဝ မဟုတ်ပါ။ တကယ်က အလုပ်ကြော်ငြာမှာပါတဲ့ Requirements တွေနဲ့ ကိုက်ညီအောင် သင့် Resume ကို ကြည့်ကျက်ပြီး ဖြတ်ညှပ်ကပ် ပြန်လုပ်ရမည်။ Highlight လုပ်သင့်တဲ့ စကားလုံးတွေကို Highlight လုပ်၊ Bold လုပ်ပေးတန် Bold လုပ်ပေး၊ Underline လုပ်ပေးတန် Underline လုပ်ပေး ထားရပေမည်။

ကိုယ့်ဓါတ်ပုံ တွေထဲက မျက်နှာလေး ကြည့်လိုက်လျှင် ကြည်လင်နေသော ပုံကောင်းကောင်းလေးတစ်ပုံရှာ ပြီး Resume ထဲမှာ ထည့်ပေး။ မှုံကုပ်ကုပ်ပုံကို ထည့်လိုက်လျှင် Attraction လုံးဝမရှိပါ။ အဲဒါမှ ကိုယ့် Resume ကိုဖတ်မိတဲ့ သူက "အလို… ငါရှာနေတာ ဒီလိုလူပဲ…အင်း… သူ့ကို အင်တာဗျူးချင်လိုက်တာ" ဆိုတဲ့ စိတ်မျိုး တဖွားဖွား ပေါ်အောင် စီမံရမည်။ ရေးရမည်။ ကလေးကစားစရာ မဟုတ်။ သင့်ကိုယ်သင် marketing လုပ်နေရတာ အမြန် ထွက်သွားအောင် ရောင်းချနေတာ ဆိုတာ မမေ့အပ်ပေ။

ဒီလိုနဲ့ အင်တာဗျူး များခေါ်ကြလိမ့်မည်။ အများအားဖြင့် Interview ရပြီးဖြစ်ကြောင်း ဖုံးနဲ့ခေါ် တတ် ပြီး Email မှ Location Address ပို့တတ်သည်။ Email ကလည်း ပို့တတ်သည်။ အင်တာဗျူးလေး တစ်ခု နှစ်ခုရတာနဲ့ အောင်ပြီ အောင်ပြီဆိုပြီး လက်ခမောင်းမခတ်နဲ့ အုံး။ သိပ်ဝမ်းမသာ နှင့် အုံး။ အင်တာဗျူး ရတာနော်။ အလုပ်ရတာ မဟုတ်သေးဘူးနော်။ Job Offer မရမချင်း လက်ကိုင်းသန်သန် သာ အသကုန် ဆက်လျှောက် သင့်သည်။ ဇနက္ကထုံး နှလုံးမူရ၏။ အလုပ်မရမချင်း လုံ့ဝီရိယကို လုံးဝ မလျှော့အပ်ပေ။ Interview သွားလျှင် ကိုယ်က နာရီဝက် ကြိုရောက်နှင့်ရမည်။ ဒီလိုနဲ့ Interview အတွက် Appointment လုပ်ထားသည့် ရုံးခန်းရောက်လျှင် Form ဖြည့်ရမည်။ သင့် Resume တွေ Document တွေ၊ ရှိသမျှ အကုန် သယ်သွားသင့် သည်။ ကိုယ်လုပ်ထားတဲ့ Project တွေ ဘာတွေရှိယင်လဲ ယူသွား၊ မိတ်ဆွေရဲ့ ဖုံးနံပါတ်တွေ ဘာတွေလဲ မှတ်သွားရမည်။ Form ဖြည့်ဖို့က ၁၅ မိနစ် နာရီဝက်ပဲ အချိန်ရတတ်သည်။ အဲဒီလို အကုန်ဆောင်သွားတော့ Form ဖြည့်တော့ အဆင်သင့်ဖြစ်နေ မှာဖြစ်သည်။

အင်တာဗျူးသွားရလျှင် ကောင်းကောင်းမွန်မွန် ၀တ်စားသွားဖို့ မမေ့ အပ်ပါ။ မြန်မာပြည်ကနေ သစ်သစ်လွင်လွင် တစ်စုံကောင်း တော့ ထည့်လာခဲ့ရမည်။ ယောကျာင်္းလေးဆိုရင် ရှပ်အဖြူ လက်ရှည် ဘောင်းဘီအနက်၊ ခြေအိတ်အနက်၊ သန့်ပြန့်စွာ ဖီးလိမ်း ၀တ်ဆင် ပြီးသွား သင့်သည်။ မိန်းကလေးဆိုလျှင်လည်း ကလက်တက်တက်၊ မိပ်ကပ်တဖွေးဖွေး၊ တိုနံ့နံ့ မဖြစ်စေရ။ တိုက်ဂေါလဲ မဖြစ်စေရ။ မျက်နှာ၊ လက်ချောင်း၊ ခြေချောင်း သန့်ပြန့်ပြီး သန့်ရှင်းနေရမည်။ လက်သည်းခွံတွင်း ချေးမရှိရ။ ခံတွင်းနံ့မနံအောင် Menthol လေးဘာလေးငုံသွား ရသည်။ ချွေးနံ့လဲမနံစေရပေ၊ ရေမွှေးတွေ လဲ မွန်းနေအောင်ဆွတ်မသွားအပ် ပေ။ ချွေးနံတွေ မနံရုံ သင့်ရုံပဲ ဆွတ်ရ၏။ ရုပ်ကလဲ သန့်သန့်ရှင်းရှင်း ကြည်ကြည်လင်လင်၊ စိတ်ကလဲ ပဲသန့်သန့်ရှင်းရှင်း ကြည်ကြည်လင်လင်။ အခု သင့်မှာ သံလိုက်ဓါတ်တွေ ပြည့်လာပြီ ဖြစ်သည်။ အင်တာဗျူးဖို့ အဆင်သင့်ဖြစ်ပြီ ဖြစ်သည်။ သင့်ကိုကြည့်လိုက်တာနဲ့ အလုပ်ခန့်ချင်စိတ်တွေ တဖွားဖွားပေါ်ပေါက်လာ အောင် စီမံ သွားရမည်။ သင့်ကို English လိုပဲ ဗျူးမှာဖြစ်သည်။

မိမိစိတ်ကလေးကို Relax လုပ်၍ အင်တာဗျူး မေးသူ ၏ မျက်လုံး နှစ်ခုကြားကို စိတ်အေးအေးလေးနဲ့ စူးစိုက်ကြည့်လိုက်ပြီး "ငါ့အရည်အချင်းတွေ ငါ့ပညာတွေနဲ့ မင်းတို့ကို ကူညီမလို့ လာတာ" လို့ စိတ်ထဲကညွှတ်ပြီး မိမိစိတ် အတွင်းကျကျ ဂလိုင်ထဲကနေ လှိုက်လှိုက်လှဲလှဲကြီး ရွတ်ဆိုလိုက်ပါ။ ဘယ်ကိစ္စဖြစ်ဖြစ် မေတ္တာဓါတ်ကို ကြိုတင်ပို့လွတ် ထားလျှင် ပြောရဆိုရတာ ပို ကောင်းသည်။ မေတ္တာဓါတ် အစွမ်းဖြင့် သင့် မျက်လုံး၊ သင့်အသံ မှာလည်း သံလိုက်ဓါတ်တွေ အားကောင်း လာမည်။ လုံးဝ ကိုယ်တွေ့ ဖြစ်ပါသည်။

စင်္ကာပူမှာတော့ အင်တာဗျူး မေးခွန်းတွေက နှစ်ပိုင်းရှိတတ် ပါသည်။ HR နှင့် Technical ဖြစ်၏။ HR ခေါ် Human Resource မေးခွန်းတွေက သင့်ကို စိတ်စမ်း တာဖြစ်သည်။ Attitude ကောင်းမကောင်း စစ်တာဖြစ်သည်။ Technical အပိုင်း မှာ သင့် နည်းပညာကို စစ်လိမ့်မည်။ သင့် Resume မှာ ပါတဲ့ သူတို့လိုချင်တဲ့ အပိုင်းကို သင် တကယ်ကျွမ်းမကျွမ်း စစ်မည်။ Technical ပိုင်းတွင် လိုအပ်လျှင် တစ်ခါတရံ Written ဖြေရတတ်သည်။ ရံဖန်ရံခါ လက်တွေ့လုပ်ပြရသည်။ ခက်ရာခက်ဆစ်တွေ လဲ လျှောက်မေးတတ်သည်။ ကိုယ်ဖြေနိုင်သလောက် ရိုးသားစွာ၊ အထူးရိုးသားစွာ ဖြေ။ မဖြေနိုင်ရင် ထားခဲ့။ မရမှာ အလွန်ကြီး မကြောက်နဲ့၊ မပူနဲ့။ ရချင်ဇောနဲ့ လဲ မလိမ်နဲ့ မရွီးနဲ့။ ရိုးသားနေတဲ့ စိတ်…အဲဒီ စိတ်မှာ အင်အားတွေရှိတယ်။ သတ္တိတွေရှိတယ်။ Power တစ်မျိုးလဲ ရှိတယ်။

အင်တာဗျူးမေးခွန်းတွေ အတွက် ကြိုတင်ပြီး လေ့လာချင်ယင် www.geekinterview.com မှာ ကိုယ်နဲ့ သက်ဆိုင်ရာ အပိုင်းလေးတွေကို ကြိုဖတ်သွားရင် အလွန် အသုံးတည့်တတ်တယ်။ ကြုံသမျှ အင်တာဗျူးတော့ Technical မေးရင် အဲဒီထဲက လွတ်တယ်ကို မရှိလှပါ။ (ကိုယ့်ပညာ ကလဲ စစ်စစ်မှန်မှန် နဲ့ တကယ် တတ်တာဖြစ်ရမှာပေါ့လေ) ။ ဒီ Geekinterview.com ကို ညွန်းတာကလည်း Cheat လုပ်ဖို့ ညွှန်း တာမဟုတ်ပါ၊ မဆိုင်တာတွေ လျှောက် ပြင်ဆင် မိမှာ စိုး၍ ဖြစ်ပါသည်။ ပမာဆိုရသော်… ကွဲစေလိုသည့်နေရာ မြန်မြန်ကွဲအောင် အက်ကြောင်း ပေးထား ခြင်း ဖြစ်ပါသည်။

Expected Salary နဲ့ပါတ်သက်လို့ကတော့ ကိုယ် ကျေနပ်ဖို့ပဲ ဖြစ်သည်။ ပေါက်ဈေးရယ်လို့ တော့ တိတိကျကျကြီးမရှိပါ။ မြန်မာပြည်ကလာသည့် အိုင်တီပညာရှင်များ ကတော့ ၁၈၀၀ နှင့် ၃၀၀၀ ကြားတော့ ရကြသည်ဟု ကြားသည်။ အချို့လည်း ၁၅၀၀ လောက်နှင့် နားလည်မှုယူပြီး လုပ်နေကြသည်။ တချို့လည်း တကယ်ကို လစာကောင်းကြသည်။ ကံပေါ်မူတည်သည်။

အလုပ်ဆိုတာကလည်း လစာတစ်ခုတည်းနှင့် တိုင်းတာလို့မရ။ လစာကောင်းပြီး နေ့တိုင်း နေ့တိုင်း ညစ်တွန်းတွန်းနေ ရတာတွေလည်းကြားရသည်။

တကယ်တော့ ဘ၀ ဆိုတာကလည်း မလွယ်။ နန္ဒာသိန်းဇံ ၏ ဘ၀အဓိပ္ပါယ်နှင့် ဘ၀သစ္စာတွင် ဖတ်ဖူးသည်။ ရေတွင်းပျက်ထဲရောက် နေသော လူတစ်ယောက်လို ဖြစ်နေသည်။ ရေတွင်းဝမှာ နဂါးကြီးတစ်ကောင် အောက်ခြေမှာ နဂါးကြီးတစ်ကောင်၊ ကိုယ်က ရမိရရာ
ဆုပ်ကိုင်ထားမိသည် က သစ်ကိုင်းငုတ်လေးတစ်ခု၊ ၄င်း သစ်ငုတ်လေး၏ အရင်းကို ကြွက်ဖြူနှင့် ကြွက်မည်းက တချိန်လုံးကိုက်နေ၏။ ထိုအခိုက် ၀ယ် သစ်ကိုင်း တစ်နေရာမှ ပျားလဘို့တစ်ခု မှ ပျားရည်စက်ကလေး က တစ်စက် တစ်စက် ကျနေသည်။ ၄င်းပျားရည်စက် ကလေး များကို ပင် အငမ်းမရ ပါးစပ်ဖြင့် ခံယူယင်း မကုန်နိုင် မခမ်းနိုင် အရသာကြီးဟု ထင်နေမိလေ၏။ (ကြွက်ဖြူနှင့် ကြွက်မည်းဆိုသည်မှာ နေ့နှင့်ည ကို
ဆိုလိုသည်။ ပျားရည်စက်ကလေးများ မှာ အထင်မှားနေသော ရေပွက်ပမာ စည်းစိမ်။ နဂါးကြီးနှစ်ကောင်မှာ သေမင်း။ အထက်တက်တက် ... အောက်ဆင်းဆင်း... သေမင်းက စောင့်နေသည်။)

တချို့လည်း တိုက်ရိုက်အလုပ်ရှင် ဖြင့်ရကြသည်လည်း၏။ တချို့လည်း Agent တွေနှင့်ဆက်သွယ်မိပြီး ရကြသည်လည်း ရှိ၏။ တိုက်ရိုက်အလုပ်ရှင် ဖြင့်ရလျှင် များသောအားဖြင့် ကုမဏ္ဏီသေး တတ်၏။ ကုမဏ္ဏီသေးတော့ Job Secure သိပ်မဖြစ်တတ်။ သူ့စီးပွားကောင်းနေမှ ကိုယ်က မြဲမှာဖြစ်သည်။

Agent တွေဖြင့် ရလျှင် လျှင် ကုမဏ္ဏီကြီးတွေ ဖြစ်နေတတ်၏။ တိုက်ရိုက်တော့ မဟုတ်၊ Agent ရဲ့ လက်အောက်ပေါ့။ တဆင့် ပြန်ငှားတဲ့ သဘောပေါ့။ ကုမဏ္ဏီကြီး တော့ Permanent ရဖို့မလွယ်ပြန်။ Contract ဖြင့် ညားကြရသည်။ Agent Fee ကတစ်လစာ ပေးရတတ်လေ့ရှိသည်။ တချို့ Agent တွေကလည်း လစဉ်ခုတ်သည်။

အကြမ်းဖျင်းအားဖြင့် စင်္ကာပူ ၌ အလုပ်အကိုင်အတွက် Pass သုံးမျိုးရှိ၏။ EP ၊ S-Pass နှင့် WP ဖြစ်၏။ EP ရော S-Pass ရော လစာကိုတိုင်းသည်။ ဘွဲ့တိုင်းသည်။ Background ကြည့်သည်။ အနည်းဆုံး $2500 ကျော်မှ ချပေးသည်။ S-Pass က $1800 ကျော်မှ ချပေးသည်။ S-Pass က အလုပ်ရှင် ကုမဏ္ဏီ ၏ Quota ကိုစစ်သေးသည်။ အချိုးမှာ Local ၅ယောက်ရှိလျှင် နိုင်ငံခြားသား S-Pass တစ်ယောက်နှုံးဖြစ်၏။ မိမိနိုင်ငံသားများ အတွက် အလုပ်လက်မဲ့မှုနှုံး ကို ထိန်းသိမ်းနည်း တစ်မျိုး ဖြစ်လေသလော မသိပါ။


(MOM) http://www.mom.gov.sg
(Immigration Checkpoint Authority) http://app.ica.gov.sg

Can u guess whts thz ????????

Scroll down ..
-
-
-
-
-
-
-
-
-
Its a hard
disk used in 1956...
The Volume and Size of 5MB memory storage in 1956 ...
Start appreciating your 4 GB pen drive.

မှားချင်မှားပါစေ၊ ကိုယ့်ဦးနှောက်နဲ့ကိုယ်လုပ်

နေ့ခင်းကြောင်တောင်ကြီး မီးအိမ်ဆွဲလာတဲ့ လူတစ်ယောက်ကို တွေ့တယ်။ ပထမတော့ ဒိုင်အိုဂျီးနီးစ်လို့ထင်လိုက်တာ။ နောက်မှ မဟုတ်မှန်းသိတယ်။ အဲဒီလူဟာ.. ကျွန်တော်နဲ့ အသက် သိပ်မကွာလှဘူး။ ကကြီး၊ ခကွေးတွေ ပေနေတုန်း ရှိသေးတယ်။

“ဘယ်လိုလဲ၊ ခင်ဗျားက ဒိုင်အိုဂျီးနီးစ်ကို အတော်သဘောကျလို့လား”

ကျွန်တော်က အော်မေးတော့ သူက ခေါင်းယမ်းပြတယ်။

“ဟင့်အင်း၊ ကျုပ်က 'လက်ဆင်း'ကို သဘောကျတယ်”

“အော်.. ဟုတ်ပြီ။ သူ့စကားတစ်ခွန်းက အတော် ကမ္ဘာကျော်ခဲ့တာပဲနော်”

“ဟုတ်တယ် .. မှားချင်မှားပါစေ၊ ကိုယ့်ဦးနှောက်နဲ့ကိုယ်လုပ် ဆိုတဲ့ စကားလေ။ သိပ်မှန်တဲ့စကားပေါ့။ ကျွန်တော့်လက်သုံးစကားပဲ”

ကျွန်တော်တို့နှစ်ယောက်လုံး ရယ်မောလိုက်ကြတယ်။ ကျွန်တော်နဲ့သူဟာ အသွင်တူမယ့်ပုံ ရှိတယ်လို့ ထင်စရာပဲ။ ကျွန်တော်က မှိတ်တုတ်မှိတ်တုတ် မေးလိုက်တယ်။

“ဒါနဲ့ နေပါဦး။ နေ့ခင်းကြောင်တောင်ကြီး မီးအိမ်ကြီးနဲ့ ခင်ဗျားက ဘာရှာနေတာတုန်း”

“အေးဗျာ။ ၀မ်းနည်းစရာပဲ။ ဦးနှောက် ကျပျောက်သွားလို့ ရှာနေရတာ…”

တာရာမင်းဝေ ၏ ကျွန်တော်နှင့် အသံခုနစ်ထပ် မှ

ကောင်းမြတ်သောအကျင့်များ

CREATIVITY

ပြုံးနေတာကို မြင်ရရင် သိပ်စိတ်ချမ်းသာဖို့ကောင်းတယ်။ အပြုံးမှာ စိတ်ကို ဆွဲဆောင်စေတဲ့ ဓါတ်တမျိုးပါတယ်။ ပြုံးတာကိုတွေ့ရရင် ကိုယ်ပါ အလိုလို ပြုံးချင် လာတတ်တယ်။ ဒီ ပုံလေးတွေကိုကြည့်ပါ။ လုပ်ထားတဲ့သူက တော်တော် Creative ဖြစ်တယ်။

Information Age မှာက လုပ်ချင်စိတ် ရှိဖို့ပဲလိုတယ်။ လုပ်နည်းက အင်တာနက်ပေါ်မှာ အကုန်ရှိပြီးသား။ ခက်တယ်ဆိုတာ ဘာလဲ။ ခက်တယ် လို့ပြောကြတာက ဘာကို ဘယ်လို လုပ်ရမယ်၊ ဘာပြီးရင် ဘာလုပ်ရမယ်ဆိုတာ မသိကြသေးလို့ပါ။ တစ်ခုခု ကို ဘာလုပ်ရမှန်းမသိပဲဖြစ်နေလား? http://wehow.ehow.com တို့ http://www.wikihow.com တို့မှာ ရှာကြည့်လိုက်ပါ။ ဥပမာ လုပ်နည်းတွေဆိုရင် အပ်လုပ်နည်း၊ မုန့်လုပ်နည်း၊ ဟင်းချက်နည်း၊ ကစပြီး ဒုံးပျံလုပ်နည်း အဏုမြူဗုံးလုပ်နည်း အထိ၊ စီးပွားရေးနဲ့ ပါတ်သက်ရင် ရှိတဲ့ပိုက်ဆံManageလုပ်နည်း၊ စီးပွားထောင်နည်း၊ Idea ကောင်းကောင်း ထုတ်နည်း၊ ဗိုက်နာနေသော ကုမဏီကောင်းကောင်းလေးများ ကို အလကားနီးနီးဈေးဖြင့် ရှာနည်း ၀ယ်နည်း၊ Boss ကို ဘယ်လို Fire လုပ်ပြီး ကိုယ်ကဘယ်လို သူဌေးဝင်လုပ် လျှင်ရသည်ဆိုသောနည်း။ Relationship ဆိုရင်လဲပဲ ဆန့်ကျင်ဘက်လိင်များကို ဆွဲဆောင်မှုရှိအောင်ပြုမူနည်း၊ ရည်းစားစာရေးနည်းကအစ၊ ကလေးထိန်းနည်း၊ ယောက်ခမကြည်အောင် နေနည်းအထိ။ အင်း အစုံပါပဲ လားဗျာ။

လောကဓံ

" ဘုန်းကံတက်လာပြီဆိုရင် သတိထားပါ ၊ မေ့မေ့လျော့လျော့ မနေပါနဲ့ ၊ လောကဓံကောင်း လေးပါးပြီးရင် ဆိုးလေးပါး လာတတ်တယ်ဆိုတဲ့အချက်ကို သတိထားတဲ့သူဟာ ဆိုးလေးပါးနဲ့ ကြုံတဲ့အခါ ဆောက်တည်နိုင်တယ်"

ဦးသုခ

Myanmar:Time to say hello

Free ရတာလေးတွေနဲ့ YouTube Clone လုပ်ကြည့်ကြပါစို့

ဒါလေးတွေ Download လုပ်ပြီး လက်တည့်စမ်းကြပါ။
FFMPEG က အဓိကဖြစ်တယ်။ သူက FLV ရအောင် Conversion လုပ်ပေးတယ်။
FLV file ဖြစ်ပါမှ YouTube လို Broadcast လုပ်လို့ရမယ်။
နောက်အရေးကြီးတာက FLV Player ပါ။
သူက FFMPEG က ထွက်လာတဲ့ FLV file ကို Play ပေးလိမ့်မယ်။
Click here to download Source Codes and tools

I am using the followings:
1) FFMPEG (Free FLV Conversion) (Download Windows Version)
2) FLV Player (flash video player) (Download)
3) Huge file uploader using Flash (Download CodeProject Link)
4) ASP.NET, C# (Visual Web Developer Studio 2005)

1)FFMPEG
I've been searching extensively for a open-source (or low-cost) alternative for video conversion to the .flv format. This search typically leads directly to FFmpeg, an open source video compression and conversion tool. FFMPEG is umbelievably fast, and handles Flash Video without a problem. The biggest hurdle that I've run into when trying to design it into my applications is that it does not have a .NET interface and the open source libraries it uses are long and confusing. Over the past 3 years, I've been searching extensively for a open-source (or low-cost) alternative for video conversion to the .flv format. This search typically leads directly to FFmpeg, an open source video compression and conversion tool. FFMPEG is umbelievably fast, and handles Flash Video without a problem. The biggest hurdle that I've run into when trying to design it into my applications is that it does not have a .NET interface and the open source libraries it uses are long and confusing. This week, however, I found a post on Daniel's blog which contains a project that wraps the FFmpeglibraries. I haven't gotten a chance to look at it too thoroughly, but it should definately open up the opportunity to make use of FFmpeg's tools in a managed environment. Even if Daniel doesn't take the project much further, it looks like a great start to a complete .NET FFmpeg library!

2) FLV Player
The Flash Video (FLV) Player can be used standalone, without the need for the Flash authoring tool. The player allows you to show your videos more controlled and to a broader audience than with Quicktime, Windows Media or Real Media. if you do work with Flash, this player is also smaller and easier to adjust than the components that accompany Flash.

3) Huge file upload with flash client
It is difficult to find a decent upload control that handles large files, shows a progress bar, and still works in a medium-trust hosting environment. The problem with these controls is medium-trust does not allow Reflection. But this does not mean that we are out of luck. One of the problems these controls strive to overcome is the server running out of memory when large files are uploaded by streaming the uploaded file to disk. But the HttpPostedFile class description states that "By default, all requests, including form fields and uploaded files, larger than 256 KB are buffered to disk, rather than held in server memory." So, we don't have to worry about this problem. The other issue is feedback to the user by way of progress bar. Enter Flash's fileReference API, which allows you to upload a file from Flash, and also keep track of it. And FileReferenceList which allows the user to select multiple files.

4) ASP.NET, C# (Visual Web Developer Studio 2005)Provides everything you need to begin building Web applications out of the box.

ခမာဂုဏ်

" သူတပါးက ကဲ့ရဲ့လာတဲ့အခါ အပြစ်တင်လာတဲ့အခါမှာ ရှူးရှူးရှားရှား မဖြစ်ပဲ ခေါင်းကိုညိတ်ပြီး ပြုံးပြုံးလေး နေနိုင်တာဟာ ခမာဆိုတဲ့ ဂုဏ်နဲ့ ပြည့်စုံတာပါပဲ "

ဦးသုခ

အင်္ဂလိပ်စာမတတ်လို.သေတဲ့သူ

" Look out = ဂရုစိုက်သည်၊ သတိပြုသည်။ "တနေ.တော့ အင်္ဂလိပ်စာသိပ်မတတ်တဲ့ လူတယောက်ဟာ ရထားနဲ. ခရီးသွားနေတုန်းမှာ ပြတင်းပေါက်ပေါ် လက်ကလေးတင်၊ ခေါင်းကို လက်ပေါ်မှေးတင်ပြီး လိုက်ပါလာခဲ့တယ်။ ဒီလိုနဲ. ရထားဟာ ကွေ.ကောက်သွားရာကနေ လိုဏ်ဂူတခုထဲသို. ၀င်ခါနီးမှာ ရထားပေါ်ပါလာတဲ့ အင်္ဂလိပ်လူမျိုး ခရီးသည်တယောက်က အဲဒီလူကို Look out လို.ပြောလိုက်ပါတယ်။ အဲဒီတော့ အင်္ဂလိပ်စာမတတ်တဲ့လူက Look ဆိုတာ ကြည်.တာ၊ out ဆိုတာ အပြင် လို. တွေးမိပြီး၊ ဒီလူ ငါ့ကို ရထားအပြင်ဘက်ကြည်.ခိုင်းတာပဲ ဆိုပြီး ရထားပြတင်းပေါက်ကနေ ခေါင်းထုတ်ကြည်.လိုက်တော့ အရှိန်နဲ.သွားနေတဲ့ ရထားကြောင့် ခေါင်းတအားပြူလိုက်တဲ့လူဟာ လိုဏ်ဂူနံရံနဲ.တိုက်ပြီး သေပါလေရော” တဲ.။P.S: ဆရာ ဦးခင်မောင်ဝင်း၏ အင်္ဂလိပ်စာအတိုအထွာ (၃) မှ ကောက်နှူတ်တင်ပြသည်။ ဖတ်ပြီး ပြုံးရုံလောက် ပြုံးရင်တောင် ကျေနပ်ပါတယ်။

Source: http://www.ainmat.com/index.php?/archives/296-..html#extended

(လေးဖြူ) - အရေးမကြီးဘူး

MRT Prelude (TP Thingyan)