မင်္ဂလာရက်မြတ်

မင်္ဂလာရက်မြတ်

သူမ နဲ့ ကျနော် ဒီလ ၂၃ ရက်နေ့ တနင်္ဂနွေ နေ့ က လက်မှတ်ထိုး လိုက်ကြတယ်။ အစက ROM (Registry of Marriage) မှာ ထိုး မလို့။ နောက် တော့ ၃ လလောက် စောင့်ရမှာ ဆိုတာနဲ့၊ အိမ်မှာ ပဲ လုပ်တော့ မယ်ဆိုပြီး အစီအစဉ်ပြောင်း လိုက်တယ်။ လက်ထပ် လက်စွပ်လေးတွေ ကိုတော့ Lee Hwa Jewellery မှာ ၀ယ်လိုက်ကြတယ်။ စိတ်ကြိုက်လက်စွပ်တွေ့တော့ ရွေးဝယ်လိုက်တယ်။ Lee Hwa က အရွယ်အစားလေး နဲနဲ ပြန်ညှိပေးတယ်။ ၁၀ ရက်စောင့်ရတယ်။ လက်စွပ် ချည်တဲ့ မင်္ဂလာ ခေါင်းအုံး အဖြူရောင် လေး တစ်ခု လက်ဆောင်ရတယ်။

Solemnise လုပ်ပေး ဖို့ မြို့နယ် လူကြီး တစ်ယောက် ကြိုဖိတ်ထားရတယ်။ West Coast Community Center က Ms Sim Seo Lim က ကြွရောက် ချီးမြှင့် လက်ထပ် ပေးပါတယ်။

အစစအရာရာ အဆင်ပြေချောမွေ့ ပါတယ်။ Witness အဖြစ် လာရောက်ကူညီ လက်မှတ်ထိုးပေး ကြတဲ့ ကိုဥာဏ် နဲ့ မမွန် တို့ ကိုလည်း ကျေးဇူး အထူးတင်ပါတယ်။ ကြွရောက်ချီးမြှင့်ကြတဲ့ ဆွေမျိုး မိတ်သင်္ဂဟ အပေါင်းကိုလည်း ကျေးဇူး အထူး တင်ပါတယ် ခင်ဗျာ။

သင်ကျန်းမာရေးအတွက် သတိပြုစရာအချက်များ

Reduce volume of tea intake
Do not eat bread which has JUST been toasted
Stay a distance from your charger
Drink more water in the morning, less at night
Do not drink coffee twice a day
Reduce your volume of oily food
Best sleeping time is from 10 at night to 6 at the morning
Do not have HUGE meals after 5pm
Do not take alcohol more than a cup daily
Do not take capsules with cold water
Do not lie down immediately after taking medicine before sleeping
Have 8 hours sleep. Lack of it will make a person stupid
People who get used to napping will not get old easily
If you can't get on early morning runs, 5-8 in the afternoon is a great time for jogging
When battery left last grid, do not answer the phone. The radiation is 1000 times
Answer the phone with your left ear. It'll spoil your brain directly if you use your right ear
Do not use earphone for long time. Rest your ear a while after 1 hour

မွေးရပ်မြေသို့ အလည်တခေါက်

မနက် သုံး နာရီခွဲ လောက်ရှိပြီ။ မြတ်မန္တလာထွန်း အမြန်ယာဉ် ကြီးသည် ရမည်းသင်း ကို ကျော်လာပေပြီ။ နောက်ဆယ့်ငါးမိနစ်လောက်နေလျှင် ပျော်ဘွယ် သို့ ရောက်ပေတော့မည်။ မွေးဌာနီသို့ ရောက်ပေတော့မည်။ ပျော်စရာကြီးဖြစ်သည်။

မွေးဌာနီ... အညာအရပ်ဆီသို့...
မျှော်ဆီမျှော်မှန်း စိတ်ဝယ်တမ်းတ...
မှန်းဆပါသည်... တမ်းတပါသည်....
လှည်းလမ်းတလျှောက်... ဖုံလုံးကြီးတွေ...
တလိမ့်လိမ့်တက်ခါမြင်ယောင်သေးတော့သည်...

ဆိုသည့် သီချင်းကိုပင် အမှတ်ရမိသေးသည်။ ကားထဲကနေ အောက်ကိုဆင်းတော့ မြောက်ပြန်လေ တစ်ချက်ဝှေ့သည်။ စိမ့်နေအောင်အေးလှသည်။ ညီလတ်ကို လာကြိုနေတာ တွေ့ရသည်။ အောက်ရောက်ရောက်ခြင်း သူက ခေါင်းစွပ်တစ်ခုထုတ် ပေးသည်။ နားရွက်တွေအေးလာသဖြင့် အမြန်စွပ်လိုက်သည်။ အထုပ်တွေ ဘစ်ကားပေါ်မှချ၊ ကားပေါ်တင် ကာ အိမ်ဘက်သို့ သွားကြသည်။ မြို့ ထဲ က ဖြတ်မောင်း နေရင်း ဘေးဘီကို ကြည့်မိသည်။ အော် တို့ ပျော်ဘွယ်က အရင်လိုလေးပါပဲလား။

ခဏအကြာတွင် အိမ်ရှေ့ရောက်ပေပြီ။ အော်... အိမ်ကလဲ အရင်လိုလေးပါပဲလား။ အိမ်ရောက်တော့ အဖေတို့ အမေတို့ နိုးနေကြသည်။ မတွေ့ရတာအတော် ကြာပေပြီ။ ၀မ်းသာ စရာကောင်းလှသည်။ ရောက်ရောက်ခြင်း နွားနို့ ပူပူ ပြစ်ပြစ်လေး တစ်ခွက် အမေက တိုက်သည်။ အထုတ်အပိုးတွေဘာတွေချ၊ စကားလေး ဘာလေး ပြောကြသည်။ ခဏနေတော့ တညလုံးကားစီးလာရလို့ လူတကိုယ်လုံးလဲ နုံးနေတာသတိပြုမိသည်။ တရေးတမော အိမ်မှဖြစ်မည် ဆိုကာ အိပ်လိုက်ရသည်။ ငယ်ငယ်က အိပ်နေကြ ကျနော့် အခန်းမှာ စောင်ထူထူ နှင့် ကွေးရတာ အရသာရှိလှသည်။

မိုးလင်း တော့ ဂ နာရီခွဲလောက်မှ အိပ်ရာကနိုးသည်။ မျက်နှာသစ် သွားတိုက်ပြီး အဖေ အမေတို့နှင့် စကားပြောရင်း အမေကြော်သော ကြာဇံကြော်ပူပူနွေးနွေး ကို မြိန်ရေယှက်ရေ စားလိုက်သည်။ ခဏနေတော့ အိမ်ဝင်းထဲ လျှောက်ကြည့်သည်။ အပင်လေး တွေ ထပ်စိုက်ထားသည်၊ ပန်းအိုးလေးတွေတိုးလာသည်၊ အုတ်တံတိုင်း အသစ်ပြင်ထားသည်၊ အိမ်ဆေးသုတ်ထားသည် မှ အပ ကျွန်တော် ရှိစဉ်ကအတိုင်းဖြစ်ပါသည်။ အိမ်ဝင်းထဲ တင် ဓါတ်ပုံလေးတွေ လျှောက်ရိုက်နေမိသည်။ အိမ်ရှေ့က မန်ကျည်းပင် လေး တွေတောင် တော်တော်ကြီးလာသည်။

နောက်တော့ ညီငယ်နှင့် အတူ ဆိုင်ကယ်လေးဖြင့် ဘုန်ကြီးကျောင်းဘက် ကို သွားသည်။ ဆရာတော် ထံ သွားသည်။ ဆရာတော် ကလည်း ၀မ်းသာနေသည်။ တရားအနည်းငယ် ချီးမြှင့်သည်။ ရောက်လေရာအရပ်မှာ လိမ်လိမ်မာမာနေဖို့ ဆုံးမ စကားပြောကြားသည်။

ပြီးတော့ ရွှေပြည်သာ ဘုရားပေါ်သို့ တက်ကြသည်။ ဘုရားပေါ်တွင်တိတ်ဆိတ်နေသည်။ ဘုရားက အတော်ပြုပြင်ထားသည်။ တော်တော်ပြောင်းလဲ သွားပေပြီ။ ရွှေသင်္ကန်း ကပ်လှု မွမ်းမံရန် ငြမ်းများ ဆင်ထားသည်။ ပစ္စယံတလျှောက် လက်ယာရစ်ဖူးမျှော်ခဲ့ သည်။

နောက်ပြီးတော့ တောင်ငူ မင်းကြီးညို တည်ထားကိုးကွယ်ခဲ့ သည့် မင်းရာမ စေတီဘက်ရောက်ကြသည်။ ဘုရားရိပ် က အေးမြလှသည်။ မင်းရာမ မှာလည်း ပြုပြင်ထားသည်။ မင်းရာမဘက်သွားတဲ့ လမ်းတွေက ကျနော်ရှိစဉ်ကနှင့်မတူ။ အရင်က ချိုင့်တွေ ကျင်းတွေနှင့် ဖြစ်သည်။ ယခု ပြင်ထားသဖြင့် တော်တော်လေး ချောနေသည်။

ဒီလိုနှင့် နေလည်ရောက်တော့ နေ့လည်စာ အိမ်တွင်စားလိုက်ကြသည်။ မျှစ်ချဉ်နှင့် ၀က်သား၊ ငရုတ်သီးထောင်းဖြင့် စားရသည်မှာ မြိန်လှသည်။ နေ့ခင်းကျတော့ ကျနော်စားချင်နေသော မုန့်လေပွေ၊ ပဲမြစ်၊ စိမ်းစားဥ များကျွေးသည်။ ညရောက်တော့ မိသားတစု ရေမုန့် နှင့် အကြော် စားကြသည်။

နောက်တနေ့ ရောက်တော့ အဒေါ်တို့ အိမ်သွားလည်၊ စကားတွေပြောကြ၊ ပျော်စရာကြီးဖြစ်သည်။ အဒေါ့် အိမ်မှာ မုန်ပျားသလက်နှင့် ခရမ်းချဉ်သီးထောင်း စားကြသည်။ မစားရတာ ကြာလှသဖြင့် စားလို့ ကောင်းလှသည်။ အဘွား လည်း ရောက်နေသည်။

ဒီလိုနှင့် ပျော်ဘွယ်မှာ လေးရက်လောက် ကြာသွားသည်။ အမျိုးတွေ၊ မိတ်ဆွေတွေ အိမ်လျှောက်လည် ကြသည်။ သူငယ်ချင်းမိဘတွေဆီ လူကြုံတွေဘာတွေ သွားပေးသည်။ မတွေ့ရာကြာတော့ သူတို့ လည်း ၀မ်းသာနေကြသည်။ သာကြောင်းမာကြောင်း အလ္လာပ သလ္လာပ တွေ ပြောကြသည်။ ပျော်စရာကောင်းလှသည်။

ပြန်မည့်နေ့ ကိုကြိုပြီး လက်မှတ်ဝယ်ထားရသည်။ အဖေနှင့် အမေ က ရန်ကုန်အထိ လိုက်ပို့ မည်ဟုပြောသည်။ ညီလတ်က သူတို့ အတွက်ပါလက်မှတ်ဝယ် လိုက်သည်။ အခု ရန်ကုန်မန္တလေး အမြန်ယာဉ်ကားတွေကတော့ အရင်နဲ့ စာလျှင် တော်တော်ပေါလာပါသည်။ ကျနော်တို့ မြို့ က ရန်ကုန်မန္တလေး ကားလမ်း ရထားလမ်း ပေါ်မှာရှိတော့ ဘာပဲဖြစ်ဖြစ် သွားရေးလာရေးကတော့ အဆင်ပြေပါသည်။ လွန်ခဲ့တဲ့ သုံးလေးနှစ် ကတော့ ကား နဲနဲ ရှားသည်။ ရွှေမန္တလာ အမြန်ယာဉ် လက်မှတ် သုံးယောက်စာ ၀ယ်လိုက်သည်။ ညရောက်တော့ အထုတ်အပိုး တွေ ကို ညီတွေက ကားဂိတ်ကို လိုက်ပို့ သည်။ ပြန်ကာနီးတော အိမ်က အကြော်အလှော်တွေလုပ်ပြီး အမြောက်အများ ထည့်ပေး လိုက်ကြသည်။

ရွှေမန္တလာ ကားကြီးဆိုက်လာပြီ... ကားပေါ် တက်ကြသည်။ အထုတ်အပိုးတွေ တင်ကြသည်။ သည်လိုနှင့် ကား ကြီး က တရွေ့ရွေ့ ထွက်ခွာ ခဲ့ပေပြီ။ လွမ်းသလိုလိုကြီး ခံစားရသည်။ နေရစ်ခဲ့ပေအုံးတော့ ပျော်ဘွယ် ရေ....

လွမ်းမိသောနေ့

ဒီနေ့ တစ်နေကုန်....

မိုးတွေရွာနေတယ်...

သူမလာမှန်း သိပေမယ့်...

သတိရလွန်းလို့...

လာနိုးနိုးနဲ့...

ချောင်းချောင်း ကြည့်နေမိတယ်...

လွမ်းတယ်ဟာ...

ကမ္ဘာတလွှား ထူးထူးခြားခြား

Powered by ScribeFire.

Cracked Pot

တစ်ခါတုံးက တရုတ်ပြည်မှာ ရေထမ်းတဲ့လူ တစ်ယောက်ရှိတယ်။ သူဟာ ကြီးမားတဲ့ ရေအိုး နှစ်လုံး ကို ပခုံး တစ်ဘက် တစ်ချက်မှာ ထမ်းပြီး ရေသယ်လေ့ရှိတယ်တဲ့။

အိုးတစ်လုံးက နဲနဲ အက်နေတယ်။ အိုးက မလုံဘူး၊ ရေတွင်းကနေ သူ့အိမ်ဘက် ရေသယ်လာတိုင်း စိမ့်တာပေါ့။ ဒီတော့ အိမ်ရောက်တဲ့ အခါ ရေတစ်ဝက်ပဲ ပါသတဲ့။

ကျန်တဲ့ အိုးတစ်လုံးကတော့ အပြစ်အနာအဆာ မရှိဘူး။ ဒီတော့ သူ ရေတွင်းကနေ ရေထမ်းပြီး ပြန်လာတိုင်း ရေအပြည့်ပါတာပေါ့။

ဒီလိုနဲ့ အိမ်ရောက်ရင် အိုးတစ်လုံး နဲ့ တစ်ဝက် ပဲ... ရေသယ်လာလိုက်တာ နှစ်နှစ်လောက် ကြာ သွားသတဲ့။ ဒီတော့ အိုးအကောင်းလေး က သူ့ ကိုယ်သူ သိပ်ဂုဏ်ယူသတဲ့။ ငါက အပြစ်အနာအဆာမရှိဘူး... ဒါကြောင့် များများ သယ်နိုင်တယ် လို့ အထင်ရှိနေတယ်တယ် တဲ့။ အက်နေတဲ့ အိုးကလေးက စိတ်ထဲမှာ တော်တော်လေး သိမ်ငယ် နေရှာ တယ်။ အော်.. ငါ့မှာ အားနည်း ချက်ရှိတယ် ...သူများလို အပြည့်မသယ်နိုင်ဘူး... တစ်ဝက်ပဲ သယ်နိုင်တယ် ပေါ့။ ၀မ်းနည်းလဲဝမ်းနည်း နေတယ်တဲ့။

ဒီလိုနဲ့ တရက်မှာ အက်နေတဲ့ အိုးကလေးက ရေထမ်းသမား ကို ရင်ဖွင့် ရှာတယ်။ သခင်ရယ်... ကျွန်တော် သခင့်ကို တောင်းပန်ချင်ပါတယ်။ ကျွန်တော့်ကိုယ် ကျွန်တော်လည်း ရှက်မိပါတယ်။ သခင်ကတော့ သခင့်ဘက်က အပြည့်အ၀ အားစိုက်ပြီး ရေသယ် ရတယ်။ ဒါပေမဲ့ ကျွန်တော့် ဘေးဘက်မှာ ရှိတဲ့ အက်ကြောင်းလေး ကြောင့် သခင်သယ်သမျှ ရေတွေ အပြည့်မရဘူး... တစ်ဝက်က အလဟဿ ဖြစ်ရတယ်... လို့ ၀မ်းနည်း ပက်လက်နဲ့ ပြောမိတယ်။

အဲဒီအခါမှာ ရေထမ်းသမားက ဘယ်လိုပြန်ပြောသလဲဆိုတော့... အိုးကလေး... မင်းကြည့်လိုက်စမ်း.... ရေခပ်လမ်း တလျှောက်မှာ မင်းရှိတဲ့ ဘက်ခြမ်း တစ်လျောက်လုံး ပန်းတွေပွင့်နေတာ မင်းသတိပြုမိရဲ့လား... တဲ့။ ငါက မင်း ရေစိမ့်နေ တယ်ဆိုတာ သိတာပေါ့။ ဒါကြောင့် မင်းရှိတဲ့ ဘက်ခြမ်းမှာ ပန်းမျိုးစေ့တွေ ချထားခဲ့တယ်။ နှစ်နှစ်လုံးလုံး ရေခပ်လမ်း ကအပြန်မှာ မင်း က ဒီပန်းပင်လေးတွေကို ရေမှန်မှန် လောင်းပေးခဲ့တယ်။ အခုဆိုကြည့်စမ်း ... လှပတဲ့ ပန်းတွေပွင့်နေပြီ။ အိမ်မှာလည်း ပန်းအိုးလေးတွေ မှာလည်း ပန်းတွေ နဲ့ အလှဆင်နိုင်ပြီ... မင်းသာမရှိရင် ဒီလို ပန်းပွင့်လေးတွေနဲ့ ကျက်သရေ ရှိတဲ့ အိမ် ဖြစ်လာပါ့မလား။ စဉ်းစားကြည့်စမ်း...

သင်ခန်းစာ ။ ။ လူတိုင်းမှာ အားနည်းချက် လေးတွေ ကိုယ်စီ ရှိပါတယ်။ ဒါပေမယ့် ဒီအားနည်း ချက်ကလေး တွေ ရှိနေတာကြောင့်ပဲ ပိုပြီး unique ဖြစ်လာတယ်...ပိုပြီး ချစ်စရာလည်း ကောင်းပါတယ်။ ဒီအားနည်းချက်အတွက် သဘာဝတရားကြီးက အစားတစ်ခုခုလည်း ပြန်ပေးတတ်ပါတယ်။ ဒါပေမယ့် မြင်သာချင်မှ လည်း မြင်သာမယ်၊ ချက်ခြင်း ရချင်မှလည်းရမယ်။

Green green grass of home

ပင်ပန်းမှု မှ သက်သာဖို့ စိမ်းစိမ်းစိုစို လေးများကြည့်ကြစို့

Powered by ScribeFire.