Tuesday, September 11, 2007

ကိုရွှေရိုး

ပျော်ဘွယ်မှာနေတုံးက အင်မတန် ရိုးတဲ့ လူတစ်ယောက် ကိုတွေ့ဖူးပါတယ်။

အညာသားများဟာ နဂိုတည်းက ရိုးသားတတ်ကြတယ်။ အဲဒီ ကိုလူရိုးကတော့လေ အင်မတန်ကြီးကို ရိုးအပါတယ်။ "ရိုးအ" တယ်လို့ သုံးရတာက ရိုးသားတဲ့ အဆင့်ထက် တော်တော်ပိုပြီး "အ" တဲ့ ဘက်ကိုနဲနဲရောက်နေလို့ ဖြစ်ပါတယ်။ သူက အိမ်က ပွဲရုံမှာ ကုန်တွေဘာတွေ တင်ချလုပ်တယ်။ အားယင် အိမ်ရဲ့ ဗာဟီရ အလုပ်လေးတွေ လုပ်ပေး ပါတယ်။

တစ်ခါက အုန်းနို့ခေါက်ဆွဲဆွမ်းကပ်ဖို့ အဒေါ်တစ်ယောက်က အုန်းနို့ညှစ်ခိုင်းလိုက်တယ်။ အုန်းသီးတွေ ဆွဲခြင်းနဲ့ထည့်ပြီး ပေးလိုက်တယ်။ သူကြိုးစားပန်းစား အုန်းသီးတွေကို တစ်လုံးပြီးတစ်လုံး ခွဲတယ်။ တခြမ်းပြီးတခြမ်း ခြစ်တယ်။ ပြီးတော့ အုန်းသီးခြစ်ဖတ်တွေကို အ၀တ်လေးထဲထုပ်ပြီး ညှစ်ပါတယ်။ အားလုံး လုပ်ပြီးတော့မှ အုန်းဆံ အဖတ်လေး တွေ ချည်း ပြန်လာပေးပါတယ်။ ဟဲ့ "အုန်းနို့တွေရော" ဘယ်မှာလဲ လို့ အဒေါ်ကမေးတော့... "မြောင်းထဲ ညှစ်ချလိုက်ပြီ" တဲ့။ အဲလောက်ကို "အ" ပါတယ်။

နောက်တစ်ခါကျတော့ အမေက သူ့ကို ပါမိုးလစ်(Palmolive)ဆပ်ပြာခဲတွေ ၀ယ်ခိုင်းလိုက်တယ်။ ဟုတ်ကဲ့ဟုတ်ကဲ့ ဆိုပြီး ပိုက်ဆံယူပြီး လှစ်ကနဲ့ထွက်သွားတယ်။ တော်တော်လေးကြာတော့ ပြာယာပြာယာနဲ့ ပြန်လာပြီး လက်ထဲက ကျွတ်ကျွတ်အိတ်ထုတ်ကို လာပေးတယ်။ ဖွင့်ကြည့်လိုက်တော့ ကာဘော်လစ် ဆပ်ပြာတောင့် အရှည်လိုက်ကြီးတွေဖြစ်နေပါရော။

ဘာပစ္စည်းဝယ်ခိုင်း ၀ယ်ခိုင်း တစ်ခါမှ ဈေးမဆစ်ဘူး။ လမ်းဘေးတွေမှာ ၀ယ်ရင် ဈေးလေးဘာလေး ဆစ်ရတယ် လို့ အမေတို့က သင်ထားရတယ်။ ဒီလိုနဲ့ နောက်တစ်ခေါက် အမေက ဘုရားပန်းကပ်ဖို့ မေမြို့ပန်းတွေ ဂန္ဓမာပန်းတွေ သူ့ကိုသွားဝယ် ခိုင်းပါတယ်။ အပြန်ရောက်တော့ သူက ဂုဏ်ယူဝံ့ကြွားစွာနဲ့ ပြုံးပြီး "ကျွန်တော်ဈေးဆစ်လာတာ အမ" လို့ပြောပါတယ်။ အမေက "ဘယ်လောက်နဲ့ရခဲ့တာလဲ" လို့မေးတော့ သူက ဒီလိုပြန်ပြောပြတယ်။
ပန်းသည်။ ။ မေမြို့ပန်းတွေ၊ ဂန္ဓမာတွေ၊ ဇော်စိမ်း တွေရမယ်...
ကိုရွှေရိုး။ ။ ဂန္ဓမာ "တစ်စည်းဘယ်လောက်လဲ"
ပန်းသည်။ ။ တစ်စည်းမှ ငါးကျပ်မတ်တင်းပါ အကို...
ကိုရွှေရိုး။ ။ နှစ်စည်းယူမှာမို့ တစ်ဆယ်ထားလိုက်ပါ.. အမ...
ပန်းသည်။ ။ ပြုံး၍... ရပါတယ်ရှင့်.... ယူသွားပါ... ဆိုပြီး ကမန်းကတန်း ထုတ်ပေးလိုက်တယ်တဲ့။
အဲဒါကျွန်တော်ဆစ်လို့ရလာတာ.. တဲ့...(မှတ်ချက်။ ။ ငါးကျပ်မတ်တင်း = 4.75)

2 comments:

Anonymous said...

ဒီ post လေးကို ကြိုက်တယ်.... ရီရတယ်.... အဲဒီလို ဟာမျိုးတွေ များများရေးပါ....

Philip Shield said...

ှSMH ရေ ... အားပေးတဲ့ အတွက် ကျေးဇူး...း)