ကျွန်တော်တို့ငယ်ငယ်တုံးက... (၄)

ရန်ကုန်မှာ ကျောင်းစတက်တော့ အဆောင်က ချက်ခြင်းမရသေးပါ။ ရေကျော်အိမ် မှာ ခတ္တနေရသည်။ ကွန်ပျူတာတက္ကသိုလ် က လှိုင်နယ်မြေ မှာ ဆိုတော့ ၅၀ ကား စီးပြီး သွားရသည်။ တစ်နာရီ ကျော်ကျော်လောက်ကြာသည်။ တစ်ပါတ်လောက်ကြာတော့ အဆောင်ရသည်။ ကျွန်တော်တို့နှစ်က ကွန်ပျူတာကျောင်းသားတွေ က တဆောင်တည်းတွင်မနေကြရ။ ဒါပေမယ့်အားလုံးတော့ ရန်ကုန်တက္ကသိုလ် Main ထဲမှာ အဆောင်ရသည်။ တစ်ချို့က ဒဂုံဆောင် တွင်၊ တစ်ချို့ က အင်းဝဆောင် တွင်နေခွင့်ရသည်။ ကျွန်တော်က ဒဂုံဆောင်မှာ နေခွင့်ရသည်။ ရောက်ကာစက နှစ်ယောက်တစ်ခန်း မြေညီထပ်မှာ နေရသည်။ ဒုတိယနှစ်ကျတော့ ပထမထပ်မှာနေရသည်။ အဆောင် မှာ နေရသည့်ရက်များသည် ကျွန်တော့်ဘ၀တွင် အပျော်ရွှင်ဆုံး အချိန်များ ဖြစ်ပါသည်။

အဆောင်မှာ က ထုံးစံအတိုင်း ထမင်းဟင်းကတော့ မကောင်း။ ၀က်သားချက်လျှင် အဆီတုံး ၉၀ ရာနှုံး ခန့်ပါသည်။ ရေပေါလောဖြစ်သည်။ ပဲဟင်းဆိုလျှင် ပဲကတခြား ရေကတခြားဖြစ်သည်။ ကန်ဇွန်းရွက်ကြော်ဆိုလျှင် မသင်ပဲ နုတ်နုတ်စဉ်းပြီးကြော်ထားသည်။ ဒါပဲရှိတာဆိုတော့ ဒါပဲ စားကြရသည်။ အပြင်မှာဝယ်စားလျှင် ဈေးကြီးသည်။ အိမ်ကထည့်ပေးလိုက်တဲ့ ငပိကျော် ငါးခြောက်ကြော် ဖြင့် ရောနှောပြီး လွေးကြရသည်။ စားလို့တော့ကောင်းသွားတာပဲဖြစ်သည်။ တစ်ခါတလေတော့ ပိုက်ဆံနဲနဲရှိလျှင် ထမင်းစားဆောင် ဘေးလေးမှာ ရောင်းသည့် လက်ဖက်သုတ်လေးတွေ၊ အမဲကြော်လေးတွေ၊ ငါးမွှေချက် လေးတွေ နဲ့ စားကြသည်။ သူငယ်ချင်းတွေနဲ့ ပျော်ပျော်ရွှင်ရွှင် စားရလို့လားမသိ။ စားလို့တော့ တော်တော် မြိန်သည်။

အဆောင် ရောက်ကာ စက တစ်ယောက်နဲ့တစ်ယောက် သိပ်မခင်သေး။ တစ်ယောက်နှင့် တစ်ယောက် လည်း အလွန်လေးလေးစားစား ဆက်ဆံကြသည်။ "အကို" ဟုသုံးနှုံးကြသည်။ "အကို က ကွန်ပျူတာကလားခင်ဗျ" စသည်ဖြင့် မိတ်ဆက်ရသည်။ နောက်တော့လည်း ခင်မင်လိုက်ကြသည်မှာ တစ်ယောက်နှင့်တစ်ယောက်တွေ့လျှင် ငါနှင့် ကိုင်တုတ်ကြသည်အထိ ပြောမနာ ဆိုမနာ တွေ ဖြစ်သွားကြသည်။ ရောက်ခါစက ဆက်ဆံပုံတွေ ပြောပြော ပြီးရယ်ကြရသည်။

အဆောင်မှာတုံးက ကိုယ့် အခန်းကို မနေ။ သူများအခန်းတွေ သွားသွားလည်သည်။ အိပ်ခါနီးမှ ကိုယ့်အခန်းကိုယ် ပြန်အိပ်သည်။ သူငယ်ချင်း တစ်ယောက် ၏ အခန်းဆိုလျှင် လူအလွန်စည်သည်။ စည်မှာ ပေါ့၊ ဖဲဝိုင်းရှိတာကိုး။ စာမေးပွဲ ဝေးတဲ့ ရက်တွေဆိုလျှင် နေ့ရောညရော ဖဲရိုက်ကြသည်။ လူသာလဲသွားသည်။ ဖဲဝိုင်းကမရပ်။ ဖဲထုပ်တွေဆို သုံးရက်လောက်ပဲခံသည်။ ကလဖန်ထိုးပါများပြီး စုတ်စုတ်သွားလို့ဖြစ်သည်။

အဆောင်မှာ ဂစ်တာအတီးကောင်းသည့် သူငယ်ချင်းတွေ ရှိသည်။ ညည ကြလျှင် ကွန်ပျူတာက ကောင်မလေးတွေရှိသည့် ငုဝါဆောင်ကို သွားသွားပြီး သီချင်းဆိုကြသည်။ Main ထဲက နေ သမိုင်းဝင်း ထဲမှာရှိသည့် ငုဝါဆောင်အထိ လမ်းလျှောက်သွားကြသည်။ သီချင်းဖြင့် ရင်ဖွင့်ကြသည်။ မူးကြသည်။ အော်ကြသည်။ ပျော်စရာကြီးဖြစ်သည်။ ငုဝါဆောင်က Hall ပုံစံ ရှည်ရှည်ကြီးဖြစ်သည်။ Container ကြီးနှင့်တူသည်။ ပြူတင်းပေါက်များက ဘေးဘက်မှာရှိသည်။ အဲဒီတုံးက ငုဝါဆောင်ရဲ့ ဘေးဘက်မှာ မြေကြီးပုံကြီးတစ်ပုံရှိသည်။ ပြူတင်းပေါက်များရှိတဲ့ဘက် တဲ့တဲ့ လောက်မှာဖြစ်သည်။ အဲဒီပေါ်က တက်တက်ပြီး အသကုန်အော်ကြ ဆိုကြသည်။ သူငယ်ချင်း ကောင်မလေးတွေကလည်း တော်တော်အားပေးသည်။ သီချင်းစဆိုသည်နှင့်ပြူတင်းပေါက်တွေ တစ်ဝုန်းဝုန်းပိတ်ကြသည်။ အဲဒီလောက် တောင် အားပေးကြသည်။ ကျွန်တော်တို့ကား ဇွဲမလျှော့။ လုံးဝမမှု။ ဆိုမြဲပင်ဖြစ်သည်။ အမူးလည်းပြေ၊ အသံတွေလည်းဝင်၊ မောလောက်မှ ပြန်ကြသည်။ သူငယ်ချင်းတစ်ယောက်က creative အတော်ဖြစ်သည်။ ကျောင်းသားရေးရာ ကိုသွားပြီး ကောင်မလေးတွေရဲ့ အဖေနာမည်တွေ ကြည့်ပြီးမှတ်လာခဲ့သည်။ ဒီအကြံမဆိုး။ အဆောင်ရောက်လျှင် ရည်ရွယ်သူ ကောင်မလေး နာမည်တိုက်ရိုက်မပြော။ အဖေနာမည် ဖြင့် ဘယ်သူ့အတွက် ဆိုတာ အော်ပြောသည်။

တစ်ခါတရံ ငယ်ငယ်တုံးက အဆောင်မှာနေတုံးကအဖြစ်အပျက်များကို တော်တော်လွမ်းမိသည်။



ဆက်ပါဦးမည်...