Mars က ထွက်လာဦးမယ့် “လူဖြစ်ရတဲ့ဒုက္ခ” နဲ့ “ဟဲ့..ကား!”

ပရိုဂျူဆာ ဦးဆန်းဝင်း

လှိုင်ဦးမော်ရဲ့ No.2 Album ကို ထုတ်လုပ်ခဲ့တဲ့ MARS တေးထုတ်လုပ်ရေးဟာ ဆက်လက်ပြီး မျိုးကျော့မြိုင်ရဲ့ လူဖြစ်ရတဲ့ဒုက္ခ VCD, DVD ကို  စက်တင်ဘာလထဲမှာ ဖြန့်ချိဖို့ စီစဉ်လျက်ရှိကြောင်း သိရပါတယ်။ အဲဒီဗွီစီဒီမှာ ဒါရိုက်တာရဲမြင့်သူရဲ့ လက်ရာများ အများဆုံးပါဝင်ပြီး သီချင်းတွေကို MTV ဆန်ဆန် ရိုက်ကူးထားတယ်လို့ ဆိုပါတယ်။ ထူးခြားတာကတော့ 'လူဖြစ်ရတဲ့ဒုက္ခ' သီချင်းကို တစ်ပုဒ်လုံး အစအဆုံး 3D animation ပြုလုပ်ရိုက်ကူးထားတယ်လို့ ဆိုပါတယ်။
နောက်ထပ်တစ်ခုကတော့ “ဟဲ့ကား” လို့အမည်ပေးထားတဲ့ သီချင်းခွေတစ်ခုဖြစ်ပါတယ်။ မောင်မောင်ဇော်လတ်၊ ကျားပေါက်၊ အရိုးနဲ့ ဆင်ပေါက်တို့ ရေးဖွဲ့သီဆိုထားပြီး ခရီးသွားရင်း ပျော်ပျော်ရွှင်ရွှင် ဖွင့်လို့ဆိုလို့ရမယ့် သီချင်းမျိုး၊ ပျော်စရာသီချင်းမျိုးတွေ ပါဝင်ကြောင်း သိရပါတယ်။ “ဒီအခွေကို အစတုန်းကတော့ အခွေကြီးဖြစ်သွားဖို့ မရည်ရွယ်ခဲ့ပါဘူး။ သူငယ်ချင်းတွေ စပြီး တည်ခဲ့ရကနေ နောက်တော့ လူကြီးတစ်ယောက်ပါရင်ကောင်းမယ်ဆိုပြီး ကိုမောင်မောင်ဇော်လတ်ကို ခေါ်ခဲ့ပါတယ်။ အဲဒီတော့မှ ပိုပြီးအတည်လုပ်ဖြစ်လာတယ်၊ နောက် ထုတ်လုပ်သူ ကိုဆန်းဝင်းနဲ့တွေ့ပြီး အခွေထုတ်ဖို့ ဖြစ်လာတာပါ။ သီချင်းတွေက အချစ်အကြောင်းသိပ်မပါဘူး၊ ခရီးသွားရင်းနားထောင်ဖို့ ရည်ရွယ်ပါတယ်”လို့ တေးရေးတေးဆို အရိုးက ပြောပြခဲ့ပါတယ်။ ဒီအခွေကတော့ Tape နဲ့ CD အရင်ဖြန့်မှာဖြစ်ပြီး ရောင်းအားကိုကြည့်ပြီးမှပဲ ဗွီစီဒီရိုက်ဖို့ ဆုံးဖြတ်မယ်လို့ ထုတ်လုပ်သူက ပြောပါတယ်။
Mars ရဲ့ထုတ်ဝေမှု၊ The Sun Music ရဲ့ ဖြန့်ချိမှုနဲ့ အသစ်ထွက်လာမယ့် သီချင်းခွေနဲ့ ဗွီစီဒီတွေကို စောင့်မျှော်အားပေးနိုင်ဖို့ Planet ပရိသတ်ကြီးဆီ ကြိုတင် သတင်းကောင်း ပါးထားလိုက်ရပါတယ်။

Ref: http://www.planet.com.mm/news/?linkpage=desc&id=10916