လွမ်းမိသောနေ့

ဒီနေ့ တစ်နေကုန်....

မိုးတွေရွာနေတယ်...

သူမလာမှန်း သိပေမယ့်...

သတိရလွန်းလို့...

လာနိုးနိုးနဲ့...

ချောင်းချောင်း ကြည့်နေမိတယ်...

လွမ်းတယ်ဟာ...

Cracked Pot

တစ်ခါတုံးက တရုတ်ပြည်မှာ ရေထမ်းတဲ့လူ တစ်ယောက်ရှိတယ်။ သူဟာ ကြီးမားတဲ့ ရေအိုး နှစ်လုံး ကို ပခုံး တစ်ဘက် တစ်ချက်မှာ ထမ်းပြီး ရေသယ်လေ့ရှိတယ်တဲ့။

အိုးတစ်လုံးက နဲနဲ အက်နေတယ်။ အိုးက မလုံဘူး၊ ရေတွင်းကနေ သူ့အိမ်ဘက် ရေသယ်လာတိုင်း စိမ့်တာပေါ့။ ဒီတော့ အိမ်ရောက်တဲ့ အခါ ရေတစ်ဝက်ပဲ ပါသတဲ့။

ကျန်တဲ့ အိုးတစ်လုံးကတော့ အပြစ်အနာအဆာ မရှိဘူး။ ဒီတော့ သူ ရေတွင်းကနေ ရေထမ်းပြီး ပြန်လာတိုင်း ရေအပြည့်ပါတာပေါ့။

ဒီလိုနဲ့ အိမ်ရောက်ရင် အိုးတစ်လုံး နဲ့ တစ်ဝက် ပဲ... ရေသယ်လာလိုက်တာ နှစ်နှစ်လောက် ကြာ သွားသတဲ့။ ဒီတော့ အိုးအကောင်းလေး က သူ့ ကိုယ်သူ သိပ်ဂုဏ်ယူသတဲ့။ ငါက အပြစ်အနာအဆာမရှိဘူး... ဒါကြောင့် များများ သယ်နိုင်တယ် လို့ အထင်ရှိနေတယ်တယ် တဲ့။ အက်နေတဲ့ အိုးကလေးက စိတ်ထဲမှာ တော်တော်လေး သိမ်ငယ် နေရှာ တယ်။ အော်.. ငါ့မှာ အားနည်း ချက်ရှိတယ် ...သူများလို အပြည့်မသယ်နိုင်ဘူး... တစ်ဝက်ပဲ သယ်နိုင်တယ် ပေါ့။ ၀မ်းနည်းလဲဝမ်းနည်း နေတယ်တဲ့။

ဒီလိုနဲ့ တရက်မှာ အက်နေတဲ့ အိုးကလေးက ရေထမ်းသမား ကို ရင်ဖွင့် ရှာတယ်။ သခင်ရယ်... ကျွန်တော် သခင့်ကို တောင်းပန်ချင်ပါတယ်။ ကျွန်တော့်ကိုယ် ကျွန်တော်လည်း ရှက်မိပါတယ်။ သခင်ကတော့ သခင့်ဘက်က အပြည့်အ၀ အားစိုက်ပြီး ရေသယ် ရတယ်။ ဒါပေမဲ့ ကျွန်တော့် ဘေးဘက်မှာ ရှိတဲ့ အက်ကြောင်းလေး ကြောင့် သခင်သယ်သမျှ ရေတွေ အပြည့်မရဘူး... တစ်ဝက်က အလဟဿ ဖြစ်ရတယ်... လို့ ၀မ်းနည်း ပက်လက်နဲ့ ပြောမိတယ်။

အဲဒီအခါမှာ ရေထမ်းသမားက ဘယ်လိုပြန်ပြောသလဲဆိုတော့... အိုးကလေး... မင်းကြည့်လိုက်စမ်း.... ရေခပ်လမ်း တလျှောက်မှာ မင်းရှိတဲ့ ဘက်ခြမ်း တစ်လျောက်လုံး ပန်းတွေပွင့်နေတာ မင်းသတိပြုမိရဲ့လား... တဲ့။ ငါက မင်း ရေစိမ့်နေ တယ်ဆိုတာ သိတာပေါ့။ ဒါကြောင့် မင်းရှိတဲ့ ဘက်ခြမ်းမှာ ပန်းမျိုးစေ့တွေ ချထားခဲ့တယ်။ နှစ်နှစ်လုံးလုံး ရေခပ်လမ်း ကအပြန်မှာ မင်း က ဒီပန်းပင်လေးတွေကို ရေမှန်မှန် လောင်းပေးခဲ့တယ်။ အခုဆိုကြည့်စမ်း ... လှပတဲ့ ပန်းတွေပွင့်နေပြီ။ အိမ်မှာလည်း ပန်းအိုးလေးတွေ မှာလည်း ပန်းတွေ နဲ့ အလှဆင်နိုင်ပြီ... မင်းသာမရှိရင် ဒီလို ပန်းပွင့်လေးတွေနဲ့ ကျက်သရေ ရှိတဲ့ အိမ် ဖြစ်လာပါ့မလား။ စဉ်းစားကြည့်စမ်း...

သင်ခန်းစာ ။ ။ လူတိုင်းမှာ အားနည်းချက် လေးတွေ ကိုယ်စီ ရှိပါတယ်။ ဒါပေမယ့် ဒီအားနည်း ချက်ကလေး တွေ ရှိနေတာကြောင့်ပဲ ပိုပြီး unique ဖြစ်လာတယ်...ပိုပြီး ချစ်စရာလည်း ကောင်းပါတယ်။ ဒီအားနည်းချက်အတွက် သဘာဝတရားကြီးက အစားတစ်ခုခုလည်း ပြန်ပေးတတ်ပါတယ်။ ဒါပေမယ့် မြင်သာချင်မှ လည်း မြင်သာမယ်၊ ချက်ခြင်း ရချင်မှလည်းရမယ်။

Singapore မှ မိုးကုတ်ဝိပဿနာတရားစခန်းပွဲ

MAHAMUNI BUDDHIST SOCIETY ၊ ဗုဒ္ဓဂယာသုခါရာမကျောင်း၊ မှ ကြီးမှုး ကျင်းပမည့် မိုးကုတ်ဝိပဿနာတရားစခန်းပွဲ ကို ၃၀.၁၁.၂၀၀၇ မှ ၆.၁၂.၂၀၀၇ ထိ (၇) ရက်တိုင်တိုင် ကျင်းပသွားမည် ဖြစ်ပါသည်။ နေရာမှာ Kovan MRT အနီးရှိ 33 B Lowland Road SINGAPORE 547429 တွင်ဖြစ်သည်။

စခန်းချိန်အတွင်း တရားအားထုတ်ရန် ယခုချိန်ထိ စာရင်းပေးထားသူပေါင်း အမျိုးသားယောဂီ-၆ ဦး၊ အမျိုးသမီး ယောဂီ(ညအိပ်) ၂၇ ဦး၊ အမျိုးသမီး ယောဂီ(ညမအိပ်) ၅ ဦး၊ ပေါင်း ၃၈ ဦးရှိပြီဖြစ်သည်။

တရားအားထုတ်ချိန်များမှာ နံနက် လေးနာရီ မှ ည ဂ နာရီ ခွဲ အထိ ဖြစ်ပြီး၊ စည်းကမ်းသေ၀ပ်စွာ ကျပ်ကျပ်မတ်မတ် သတိသမ္မဇဉ် အကြားမလပ်ရအောင် အထူးကြိုးပမ်း အားထုတ်ကြရမည် ဖြစ်သည်။

ကျောချစရာ နေရာပင် မလွယ်ကူလှသော စင်္ကာပူ လို နိုင်ငံမျိုးတွင် ယခုလို (၇) ရက်တရားစခန်းများ စီစဉ် ဖွင့်လှစ်နိုင်ခြင်းသည် ဗုဒ္ဓသာသနာတော်အတွက် အလွန် ၀မ်းမြောက်ဖွယ် ဖြစ်ပါသည်။

မိမိတို့ တတ်အားသ၍ MAHAMUNI BUDDHIST SOCIETY, 23-A Jalan Mas Puteh Singapore 128628 Ph: 6777 7018 တွင် ဆက်သွယ် ကုသိုလ်ယူ၊ လှူဒါန်း နိုင်ကြပါ ကြောင်း ကောင်းမြတ်သည့် အကျိုးမျှော်၍ နှိုးဆော်လိုက်ရပါတယ်။

ဗုဒ္ဓသာသနံ စိရံ တိဌတု

ဆေးပေါင်းခတဲ့ ည ကို တိတ်ဆိတ်စွာဖြတ်ကျော်ခြင်း

"မြိုင်မြိုင်ဆိုင်ဆိုင်၊ မြိုင်မြိုင်ဆိုင်ဆိုင် လတန်ဆောင်တိုင်၊
ကထိန်ပွဲခင်းပါတဲ့၊ လတန်ဆောင်တိုင်...."

တန်ဆောင်မုန်းလပြည့်ည ရောက်ပြန်လေပြီ။ ဒီည ကို ဆေးပေါင်းခတဲ့ ညဟုလည်း ခေါ်ဆိုကြလေသည်။ ငယ်ငယ်ကဆို ဒီလိုနေ့တွေမှာ ကထိန်သင်္ကန်းကပ်ကြသည်။ မယ်ဇလီဖူးသုတ် ကလေးတွေ စားခဲ့ကြရတာ အမှတ်ရသည်။ နယ်မှာဆိုတော့ ခုလိုအခါတွင်းတွေ၊ သင်္ကြန်တွေ ဘာတွေဆိုလျှင် မုန့်တစ်ခုခုလုပ်တဲ့ပွဲတွေ ဆိုလျှင် အိမ်နီးနားခြင်းတွေက လာပို့ကြသည်။ ကိုယ်အိမ်ကလုပ်တာလဲ သူများအိမ်တွေပို့၊ သူများအိမ်ကလုပ်တာလဲ ကိုယ့်အိမ်လာပို့ ကြသည်။ တကယ်တော့ ချစ်စရာ ဓလေ့တစ်ခုဖြစ်ပါသည်။ ရပ်ထဲရွာထဲ ချစ်ကြည်ရင်းနှီးမှုကို ပိုမိုဖြစ်စေပါသည်။ နက္ခတ်စုံလင်သောည ကောင်းကင်ယံကို ကြည့်ခဲ့ကြသည်။ တစ်ခါတရံ ကြယ်ကြွေတာလေးတွေ၊ ကြယ်တံခွန်လေးတွေ၊ ဥက္ကာပျံလေး တွေပင် မြင်တွေ့ ရပါသည်။

ဒီလိုညတွေမှာ လူကြီးတွေဆီက မုန့်ဖိုး တောင်းကြသည်။ လူကြီးတွေက ပိုက်ဆံကြဲ၊ ကလေးတွေက တပျော်တပါး ကောက်ကြသည်။ လူကြီးတွေက ပိုက်ဆံလေးတွေ ထုပ်ပြီးတော့ ပံ့သကူ ပစ်၊ ကလေးတွေက အဲဒါလေး လိုက်ရှာကြသည်။ အင်မတန် ပျော်စရာကောင်းပါသည်။

တန်ဆောင်တိုင် ပွဲ ရောက်ပြီဆိုလျှင် ကျောင်းအလိုက်၊ ရပ်ကွက်အလိုက်၊ စုပေါင်း ပဒေသာပင်များ အပြိုင်အဆိုင်ပြုလုပ်ကြသည်။ ပုံအမျိုးမျိုးဖော်ထားသော ပဒေသာပင်များကို ရွှေပြည်သာ ဘုရားကွင်းကြီးထဲတွင် ရာဇမတ်များ ကာရံပြီး ထားရှိခဲ့ကြသည်။ တချို့ နှစ်တွေမှာ ကျောက်တိုင်ကွင်းကြီးထဲတွင် ပြသထားရှိသည်။ ကျွန်တော်တို့ မူလတန်းကျောင်းသားဘ၀ ကတော့ တန်ဆောင်တိုင်နားနီးပြီဆိုလျှင် ကျောင်းက ပဒေသာပင်လှည့်သည်။

အဲဒီအချိန်က ကျွန်တော်တို့မြို့မှာ အထက်တန်းကျောင်း တစ်ကျောင်းသာရှိသည်။ အရပ်အခေါ် ကျောင်းကြီးဟု ခေါ်သည်။ ကျောင်းကြီး ပဒေသာပင်လှည့်ပြီဟေ့ ဆိုလျှင် ပဒေသာပင်တန်းကြီးက တမျှော်တခေါ် အရှည်ကြီးဖြစ်သည်။ မူလတန်းမှ အထက်တန်းအထိ ရှိတာဆိုတော့ ပဒေသာပင်တွေကလည်း နည်းနည်းနောနောမဟုတ်ပါ။ ကျောင်းက အတန်းအလိုက် အခန်းအလိုက် စုပေါင်း ပဒေသာပင်များလုပ်ကြသည်။ ဆင်က ကျွဲက သမင်က တိုးနယားက၊ ဦးရွှေရိုး ဒေါ်မိုး၊ ဖိုးသူတော်ယိမ်း စတာ တွေ ထည့်ကြသည်။ ကျွဲလုပ်ရတာ လွယ်ပါသည်။ ကျွန်တော်တို့ စုပေါင်းပြီး ကိုယ့်ဘာသာကို လုပ်ကြပါသည်။ ၀ါးများခွဲကာ ကိုယ်ထည် နှင့် ခေါင်းပုံစံ ရအောင်ခွေရသည်။ ခေါင်းကို ၀ါးလုံး တလုံးဖြင့် အောက်မှထိုးထားသည်။ ကတဲ့သူက အဲဒီဝါးလုံးကို ဘယ်ညာရမ်းပြီး ခေါင်းလှုပ်ပြီး ကနိုင်ရန်ဖြစ်ပါသည်။ ကိုယ်ထည် အပေါ်မှ ၀ါးဖျာများကပ်သည်။ အဲဒီအပေါ်မှာ ကော်များဖြင့် Body နှင့် ခေါင်း တွင် ဘိလပ်မြေစက္ကူများ ထပ်ကပ်သည်။ ဓါတ်ခဲအဟောင်းများကို ဖောက်ပြီး ဂျုံကော်ရည်နှင့်ရောနယ်ကာ ဆေးအမည်းအဖြစ် သုတ်ကြသည်။ လည်ပင်း နေရာတွင် ဂုံနီအိတ် အချောစားကို ဆေးအမည်း သုတ်ကာ ခေါင်းအပိုင်း နှင့် ကိုယ်အပိုင်း ကိုဆက်ပြီး တပ်ရသည်။ မျက်စိနေရာတွင် ဆေးဖြူဖြင့် မျက်လုံးပုံ။ ကိုယ်ထည် ဘေးမှာ ကျွဲကို ခပ်မိုက်မိုက် နာမည် တစ်ခုပေးကာ ဆေးဖြူဖြင့် ရေးလိုက် ကြသေးသည်။ နောက် ဗုံတွေ လင်းကွင်းတွေနဲ့ ဇာတ်တိုက်ရသေးသည်။ ပဒေသာပင်လှည့်တော့ ပဒေသာပင်နောက်က လိုက်ကကြသည်။ ပျော်စရာကြီးဖြစ်ပါသည်။

ကွန်ပျူတာ တက္ကသိုလ်ရောက်တော့လည်း တန်ဆောင်တိုင် ရောက်ပြီးဆိုလျှင် နှစ်စဉ်နှစ်တိုင်း Batch အလိုက် ပဒေသာပင်များသီးကြသည်။ ကျွန်တော်တို့အတန်းက တော်တော် ကွန့်ပါသည်။ နှစ်ဆယ်တန်ဖြင့် ပုဇွန်ရုပ်များ အတန်းဖော် သူငယ်ချင်းတတွေ တပျော်တစ်ပါး ၀ိုင်းချိုးကြသည်။ ပဒေသာပင် အမြင်တင့်တယ်ပြီး၊ Balance ညီစေရန် ၀ိုင်းဝန်းကြည့်ရှု ပြင်ဆင်ကြသည်။ ပုဇွန်ရုပ်ချိုးရာတွင် နှစ်ဆယ်တန်က စိမ်းစိမ်းစိမ်းစိမ်းနှင့် အကောင်းဆုံး အလှဆုံး ဖြစ်သည်။ နောက် Honours တန်းတို့ Master တန်းတို့ရောက်တော့ ကထိန်ပွဲကို လှိုင်နယ်မြေမှာ မကျင်းပဖြစ်တော့ပါ။ ရွှေပြည်သာ ကျောင်းကို သွားပို့ကြရသည်။ ကျွန်တော်တိုလည်း အဲဒီတော့မှ ရွှေပြည်သာ ကွန်ပျူတာ တက္ကသိုလ်ဘက် ကိုရောက်ဖူး ခဲ့တော့လေသည်။

ပျော်ဘွယ်မှာ ဆို ဒီလိုညတွေမှာ အိမ်ရှေ့တွေ မှာ တစ်...နှစ်..သုံး ပိုက်ဆံကြဲပါအုံး ဆိုပြီး လိုက်အော်နေတဲ့ အသံတွေကြား ခဲ့ကြရသည်။ ကျီးမနိုးပွဲ သူခိုး စောင့်ဖမ်း ခဲ့ကြရသည်။

အင်း... ခုတော့လည်း မြိုင်မြိုင်ဆိုင်ဆိုင် လတန်ဆောင်တိုင် နှင့် ၊ ဆေးပေါင်းခတဲ့ တန်ဆောင်မုန်း လပြည့်ည တို့ ကို တိတ်တိတ်ဆိတ်ဆိတ် ဖြင့် ဖြတ်ကျော် ရပေအုံးတော့မည်။

Clementi ဘုန်းကြီးကျောင်း မှ ကထိန်သင်္ကန်းကပ်ပွဲ

ဒီနေ့ Clementi ဘုန်းကြီးကျောင်း ဘက် ရောက်ပါတယ်။ ကထိန်သင်္ကန်း ကပ်ပွဲပေါ့။ ပရိတ်သတ် တွေတော့ ကျောင်းတိုက်နှစ်ခန်းစလုံး တရုံးရုံးနဲ့ အပြည့်ပါပဲ။ နေရာအခက်အခဲကြောင့် မနက်တကြိမ် နေ့လည်တကြိမ် နှစ်ကြိမ် ခွဲပြီး ကျင်းပရ ပါတယ်တဲ့။
ကထိန်လျှာ မြတ်သင်္ကန်းများ ဆက်ကပ် လှူဒါန်းခဲ့ကြတယ်။ ဆရာတော်ကြီး ရဲ့ ကထိန်အနုမောဒနာတရား နာကြားပြီးတဲ့ အထိခဏနေခဲ့ကြတယ်။ ပြီးတော့ နေ့ခင်းစာလည်း ကျောင်းမှာပဲ စားခဲ့ကြတယ်။ နေ့လည်စာ တာဝန်ယူကြတဲ့ အလှူ့ရှင်များကလည်း စေတနာသဒ္ဓါတရား ထက်သန်စွာနဲ့ ရောက်လာသမျှပရိသတ်ကို ကျွေးမွေးကြ ပါတယ်။ အလှူထမင်းဟင်းတွေ အချိုပွဲတွေ ကတော့ ရှယ်ပါပဲ။ မှတ်မှတ်ရရ ရခိုင်ငါးပိထောင်းကလေး ကတော့ တော်တော်ကို ထိတယ်။ ဓါတ်ပုံ မှတ်တမ်းလဲ တင်လာခဲ့ပါတယ်။

Moral Story of the Day

တစ်ခါတုံးက ကလေးတစ်ယောက်ဟာ သူ့အမေ ဈေးဝယ်တာ လိုက်သွားတယ်။ သူတို့ ဈေးဆိုင် တစ်ဆိုင်ထဲကို ၀င်သွားတယ်။ ဈေးဆိုင်ပိုင်ရှင်က အင်မချစ်စရာကောင်းတဲ့ ကလေးကို ကြည့်ပြီးတော့
"သားသားရေ... ဦးဦးမင်းကို ချိုချဉ်လေးတွေ ကျွေးမယ် " ဆိုပြီး ဗူးကို ဖွင့်ပြီးကမ်းပေးလိုက်တယ်။

ဒါပေမယ့် ကလေးလေးက မယူဘူး။

ဆိုင်ပိုင်ရှင်က နဲနဲ အံ့သြသွားတယ်။ ဒီ ကလေးလေးက အဆန်းပဲ ဘာလို့မယူပါလိမ့် ဆိုပြီး ပေါ့လေ။
ဒါနဲ့ပဲ "ယူလေ.. သားသား" လို့ ထပ်ပြောကြည့်တယ်။

ကလေးလေးက မယူဘူး။

ဒီတစ်ခါ အမေဖြစ်သူကကြားသွားတယ်... အမေဖြစ်သူက "သား... ယူလိုက်လေ"...

ကလေးလေးက မယူဘူး။

နောက်ဆုံး ဆိုင်ပိုင်ရှင်က သူ့ဘာသာ ချိုချဉ် လက်တစ်ဆုပ်ကို ယူပြီးပေးလိုက်တယ်။

အဲဒီတော့မှ ကလေးလေးက ပြုံးပြုံးရွှင်ရွှင်နဲ့ လက်နှစ်ဖက် နဲ့ ဖြန့်ပြီး ယူလိုက်တယ်။

အပြန် လမ်းမှာ ကျတော့ အမေဖြစ်သူက မေးတယ်။ ဆိုင်ရှင်က သားကို ပေးတုံးက သားက ဘာလို့ မယူရတာလဲ။




ကလေးလေး က ဘာပြန်ဖြေလဲ သိလား..................




မေမေကလဲ သားလက်က သေးသေးလေး။ သားဘာသာ ယူရင် နဲနဲလေးပဲရမှာပေါ့။ ဟို ဦးဦး လက်ကအကြီးကြီး နဲ ပေးတော့ အများကြီးရတယ်။ တွေ့လား။


သင်ခန်းစာ ။ ။ ရယူနိုင်လျှင် ကောင်းပါတယ်။ သို့သော် သူ့ဘာသူ ပေးချင်စိတ်တွေ တဖွားဖွား ဖြစ်လာအောင် လုပ်နိုင်လျှင် ပို၍ ကောင်းပါတယ်။ သူ့ဘာသာသူ ပေးလာတဲ့ အချိန်မှာ ကြည်ကြည်ဖြူဖြူလဲ ဖြစ်တယ်... ထင်တာထက်လဲ ပိုရတတ်ပါတယ်။ လစာတို့ ဘာတို့လည်း ဒီလိုသဘောမျိုး ရှိတတ်ပါတယ်။

Sunset Way, Clementi

မနေ့ကမှ ရထားပေါ်မှာ သူငယ်ချင်းတွေနဲ့ တွေ့လို့ စကားပြောကြရင်း... မြို့ဆန်ဆန်နေရတာ ကြာလာတော့လည်း တောရိပ်တောင်ရိပ်လေးတွေ နဲ့ နေချင်လာတယ်၊ မြင်ချင်လာကြတယ် ဆိုတဲ့အကြောင်းကို စကားစပ်မိ ကြတယ်။ အဲဒါ တကယ်ပါပဲ။

စလုံး ရောက်ကာစတုံးကတော့ သွားစရာနေရာတွေများ ပေါများလိုက်တာ၊ သွားချင်လိုက်တာ။ Sentosa သွားလိုက်။ Orchard သွားပြီး ဟိုငေး သည်ငေးနဲ့ လမ်းသလားလိုက်။ ရှော့ပင်းတွေထွက် လိုက်ပေါ့ဗျာ။ Vivo City ဖွင့်ပြန်ပြီတဲ့ဟေ့.. သွားလိုက်ကြ။ ကြည့်လိုက်ကြ။ Discount ချတဲ့နေရာတွေ လိုက်ရှာလိုက်ကြ၊ ၀ယ်လိုက်ကြ နဲ့ ရှယ်ပေါ့ဗျာ။

နောက်တော့လည်း အကြောင်းမရှိပဲ Shopping Center တွေ၊ လူတရုံးရုံး နေရာတွေ သွားရတာ feel မလာတော့ပါဘူး။ အိမ်မှာပဲ သက်တောင်သက်သာလေး အနားယူရတာကို ပိုနှစ်ချိုက် တတ်လာပါတယ်။ ရထားဖြတ်သွားသံ၊ မော်တော်ကားသံ တွေအစား... သစ်ရွက်တွေကြားထဲကို လေတိုးသွားတဲ့ အသံလေးတွေ၊ ငှက်သံလေးတွေကို လည်း ကြားရရင် ပိုကောင်းမှာ ပဲလို့ တစ်ခါတစ်ခါ စဉ်းစားမိပါတယ်။

အင်း... စကားစပ်မိလို့ Clementi နားနေတဲ့သူများ နီးနီးနားနား ညွှန်းရမယ် ဆိုရင်တော့ Sunset Way ကို ညွှန်းရမယ်။ Clementi Ave 4 ဟိုးဘက်ထိပ် လမ်းဆုံးဘက် ရောက်ရင် ဂငယ်ဂွေ့ တစ်ခုရှိတယ်။ အဲဒီကနေ အောက်ကို ထပ်ဆင်းသွားရင် အောက်ထဲက ချောင်းရိုးတလျှောက် အတိုင်း လမ်းလေး တစ်ခုရှိတယ်။

ဒီလမ်းကလေးက သာယာတယ်။ ကျေးငှက်သံ လေးတွေလဲ ကြားရတယ်။ ပုစဉ်းရင်ကွဲ တွေ စီစီ စီစီ နဲ့ အော်မြည်သံလည်း ကြားရတယ်။ ရေစီး ငြိမ်လုလု ဖြစ်နေတဲ့ ချောင်းလေးတစ်ခုရှိတယ်။ ရေကို ဖြတ်တိုက်လာတဲ့ သဘာဝဆန်တဲ့ လေတမျိုးလဲ လဲရတယ်။

အဲဒီဘက်မှာ ညနေခင်းလေးတွေ လမ်းလျှောက်လို့ကောင်းတယ်။ Jogging လုပ်လို့လည်း ကောင်းတယ်။ ဟိုဘက်ထိပ် သည်ဘက်ထိပ် Jogging လုပ်ရင် တစ်နာရီ နဲ့ ၁၅ မိနစ် ကျော်ကျော် လောက်ကြာတတ်တယ်။

လမ်းလျှောက်ယုံပဲ ဆိုရင်တော့ ညချမ်း အချိန်လည်း ကောင်းတာပါပဲ၊ လမ်းတလျှောက် မီးတိုင်လေးတွေ ထွန်းပေးထားတယ်။ အင်းလျားကန်ဘောင် ဘက်တောင် အမှတ်ရတယ်။ နီးနီးနားနား ရသေ့စိတ်ဖြေပေါ့...

Table Mountain, Cape Town

ဒီနေ့ နဲနဲအားလို့ Windows Movie Maker နဲ့ အတိုအစလေးတွေ ပြန်ဆက် ထားတာ

Money cannot be eaten

This photo is taken by Ye Lin's phone when we were in Macritchie Reservoir.

နောက်ဆုံး သစ်ပင်ကို လှဲဖြိုပြီးတဲ့အခါ ကျတော့မှ...

နောက်ဆုံး မြစ် ကို အဆိပ်သင့်စေ ပြီးတဲ့အခါ ကျတော့မှ...

နောက်ဆုံး ငါး ကို ဖမ်းပြီးတဲ့အခါ ကျတော့မှ...


ပိုက်ဆံ ဆိုတဲ့အရာဟာ စားလို့မရပါလား ဆိုတာ

သင် တွေ့ရှိ လိမ့်မယ်...


(အင်ဒီယန်း အဘိုးအို တစ်ဦး)

MyanmarITPros.com is launched

မနေ့က U.S က ကိုချစ်ထွန်းဖေ ဆီက အီးမေးလ် တစ်စောင်ရပါတယ်။ မြန်မာ အိုင်တီသမား တွေ အတွက် အထူး website တစ်ခု ning.com မှာ သူစပြီး ထူထောင်ထား ပါတယ်တဲ့။ ဒီလိုနဲ့ စစချင်း ဒီကွန်ယက်ထဲမှာ ကိုချစ် နဲ့ ကျွန်တော်နဲ့ နှစ်ယောက်တည်း ရှိပါတယ်။ ဒါနဲ့ ကျွန်တော်တို့ နှစ်ဦးလည်း Site ကို look and feel လေး နဲနဲ ပြင်ပြီးတော့၊ ကိုယ့်မှာ ရှိနေတဲ့ Resources လေးတွေ Knowledge လေးတွေ စတင်မျှဝေကြပါတယ်။ Blog လေးတွေ Discussion လေးတွေ ကျွန်တော်တို့ စရေးလိုက် ကြပါတယ်။ နီးစပ်ရာကိုလည်း Invite လုပ်ပါတယ်။ ဒီလိုနဲ့ အံ့သြစရာ ကောင်းတာက စတင်ပြီး ၂၄နာရီအတွင်း Member ၄၅ ဦး ဖြစ်လာပါတယ်။ အခုရေးနေရင်းနဲ့တောင် တစ်ဦးနှစ်ဦး ထပ်ဝင်လာနေကြပါတယ်။ Member တွေကလည်း စပြီး မကြာမီ အချိန်တွင်းမှာပဲ Blog တွေ post လုပ်ကြ၊ Forum တွေဝင်ရေး ကြပါတယ်။ အားလည်း တက်ပါတယ်။ ကျေးဇူးလည်း တင်ပါတယ်။

ဒီလိုနဲ့ပဲ ညတွင်းချင်းပဲ MyanmarITPros.com ဆိုတဲ့ domain ၀ယ်ပြီး setup လုပ်လိုက်ကြပါတယ်။ နဂိုက mmitpros.ning.com ပါ။

အခု MyanmarITPros.com မှာ လောလောဆယ် Discussion Forum အနေနဲ့

75% tuition waiver scholarship (USA)
International Undergraduate Student Scholarship (University of Dayton, USA)
Can Myanmar sell their IT outsourcing services through ODesk.Com?
Good self-study resources from UC Berkeley
Download Cisco References (Cisco Press Books)
Download MCTS/MCPD Exam Resources here!
Download Cambridge Practice Tests for IELTS
64 Interview Answers
Job Oppotunities for Myanmar People

စသည်ဖြင့် ၀င်ရောက်ဆွေးနွေးလျှက် ရှိနေကြပြီး.. Blog တွေအနေနဲ့တော့

Breaking news - @live.com email
Some of Job seeking Tips (Singapore)
Sharing some of IT e-book
Singapore to Australia
Technical Interview Questions and Answers
Myanmar Onscreen Keyboard Online

စသည်တို့ ၀င်ရောက် ရေးသား ခဲ့ကြ ပါတယ်။

Special Interest Group အနေနဲ့ကတော့ SIG - Web 2.0 ဆိုတာ ရှိပါတယ်။ စိတ်ဝင်စားရင် ၀င် join နိုင်ပါတယ်။

Launched လုပ်ပြီးပြီးချင်း ရှေးဦးစွာ စေတနာထက်သန်စွာ Post လုပ်ပေးခဲ့ကြတဲ့ မျှဝေပေးခဲ့ကြတဲ့ ကိုအောင်နိုင်ဦးနဲ့ ကိုညီညီထွန်း တို့ကိုလည်း MyanmarITPros.com မှ ကျေးဇူးအထူး တင်ရှိပါကြောင်း။

တရားရှုမှတ်ခြင်း

Powered by ScribeFire.

Google/OpenSocial vs. Microsoft/Facebook

Google နဲ့ Microsoft တို့ စီချင်း ထပ်ထိုး ကြပြန်ပါပြီ။

Facebook နဲ့ပွဲမှာ Microsoft က တကွက်သာ သွားခဲ့ပါတယ်...(ဒီသတင်းဖတ်ကြည့်)။ ဆုလဒ် အနေနဲ့ နောင်အနာဂတ် Facebook မှာ Microsoft က ကြော်ညာများ ကိုသာ ဖော်ပြတော့မှာဖြစ်ပါတယ်။

ဒီသတင်းဟာ "လူတွေလက်ထဲ Free Product တွေ အရင်ထည့်ပေး၊ ကြော်ငြာဘက်မှ ငွေပြန်ရှာ" ဟူသည့်မူ ဖြင့် စီးပွားဖြစ်လာသူ Google အတွက်တော့ "ရည်းစားလူလု အူနုကျွဲခတ်" ဖြစ်သွားရပါတယ်။ ဘာပဲပြောပြော Facebook နဲ့ပွဲမှာ Google ရှုံးခဲ့ပါပြီ။

ဒီတော့ Google ဘာဆက်လုပ်မလဲ။ ငုံ့မခံပါဘူး။ လက်တုံ့ပြန်တဲ့ အနေနဲ့ ဒီနေ့ပဲ OpenSocial ကို Launch လုပ်တော့မှာ ဖြစ်ပါတယ်တဲ့။ Facebook မှာက Application တွေ ရေးသားဖြန့်ဝေချင်ရင် FBML ကိုနားလည်မှ ရေးလို့ရမယ်။ ပြီးတော့ FaceBook မှာပဲ ဖြန့်ချိလို့ရမယ်။ သို့သော် Google ရဲ့ OpenSocial တော့ Universal API တစ်ခုဖြစ်ပါတယ်တဲ့။ အလွန် Flexible ဖြစ်ပါတယ်တဲ့။ Javascript တွေ HTML တွေ နဲ့ ရောနှောပြီး Application ကို ပိုပြီး လွပ်လွပ်လပ်လပ် ရေးလို့ ရတဲ့အပြင်၊ Flash object တွေပါ Embed လုပ်လို့ရပါ သေးသတဲ့။ Host တွေက ဒီ OpenSocial API ကို သူတို့ရဲ Site တွေမှာ ထည့်သွင်းပေးတော့မယ်။ Developer တွေက Application တွေ ၀ိုင်းရေးပေး ကြမယ်ပေါ့။ အခုလောလောဆယ် Host တွေကတော့ Orkut, Salesforce, LinkedIn, Ning, Hi5, Plaxo, Friendster, Viadeo, Oracle တို့ ဖြစ်တယ်။ ဒီတော့ကာ OpenSocial နဲ့ Online Application များရေးပြီးရင် သူတို့တွေ ဆီမှာ တစ်ခါတည်းနဲ့ ဖြန့်ချိလို့ရမယ်ဆိုတဲ့ သဘောပေါ့။ အဲ... Developer များကတော့ Flixster, iLike, RockYou, Slide တို့ဖြစ်ကြပါတယ်တဲ့။

The Google OpenSocial site is now live (here).

64 Interview Answers

"အလျှောက်ကောင်းတော့ အထောင်းသက်သာ" တဲ့။ အင်တာဗျူးတွေမှာ Technical ပိုင်းတွေ မေးတာက သိရင်သိသလို သိပါတယ်၊ မသိရင်မသိသလို မသိပါဘူး လို့ ဖြေလိုက်လို့ ရပါတယ်။ ကျနော်တို့ အတတ်ပညာရှင် အများစုက အတတ်ပညာကို ပဲ ဇောက်ချလုပ်ခဲ့တော့ HR မေးခွန်းတွေ မေးရင် အဖြေတွေက နဲနဲ ကမောက်ကမ တွေဖြစ်တတ်ပါတယ်။ တချို့ကျတော့လဲ Over-confident တွေဖြစ်ပြီး "တောရဲသား လူကြားထဲ ဆွဲထုတ်" ဆိုသလိုလည်းဖြစ်တတ်ပါတယ်။ ကိုယ်ဖြေလိုက်တာက ရယ်စရာတွေ ဖြစ်နေတတ်ပါတယ်။ တခါတလေ အင်တာဗျူးသူတွေက What is your weakness? Tell me about something you failed. Why should I hire you? How do you define success? တို့ ကောက်ခါငင်ခါမေးတတ်ပါတယ်တဲ့။ မေးလေ့ရှိတဲ့ မေးခွန်း 64 မျိုးလောက် ရှိပါတယ်တဲ့။ ဒီတော့ သူက ဘယ်လိုတွေ မေးမလဲ ကိုယ်ကဘယ်လိုတွေဖြေရင် အကောင်းဆုံးဖြစ်မလဲ ဆိုတာ သိထားရင် ပိုမကောင်းပေဘူးလား။ ဒီမှာကြည့်ကြပါ။ (Link)

သူများကို မဆုံးမခင် ကိုယ့်ကိုယ်ကို အရင်ပြင်

တစ်ခါတုံးက အမျိုးသမီးတစ်ယောက်က သူ့သားလေးကို လက်ဆွဲပြီး ဂန္ဒီကြီး ဆီကို လာတယ်။
"ဂန္ဒီကြီး... ကျွန်မသားလေး က အချိုတွေ သိပ်စားတယ်။ ကျွန်မလဲပြောတာပဲ... မရဘူး။ ကလေးက စားမြဲ စားတာပဲ။ အဲဒါ ဂန္ဒီကြီး ဆုံးမပေးပါအုံးရှင့်" ဆိုပြီး လာပြောတယ်။
ဂန္ဒီကြီးက ပြုံးပြုံးရွှင်ရွှင်နဲ့ "နောက် တစ်လလောက် နေမှ ပြန်လာခဲ့" လို့ပြောလိုက်တယ်။
ဒီလိုနဲ့ တစ်လလောက်ကြာတော့ အဲဒီအမျိုးသမီး နဲ့ သူ ကလေး ပြန်ရောက်လာပြန်တယ်။
အဲဒီတော့မှ ဂန္ဒီကြီးက ကလေးကို ကြင်နာစွာနဲ့ကြည့်လိုက်ပြီး "သားလေး... အချိုတွေ သိပ်မစားနဲ့" လို့ ရိုးရိုးလေးပဲပြောလိုက်တယ်။
အဲဒီတော့ ကလေးလေး က ရွှန်းရွှန်းစားစား ပြန်ကြည့်ပြီး "ဟုတ်ကဲ့" လို့ပြောလိုက်တယ်။
အဲလိုနဲ့ ကလေး အမေက "ဂန္ဒီကြီးရယ် ဒါလေးပြောတာများ အရင်လတည်းက ပြောလိုက်ရောပေါ့" လို့ပြန်ပြောလိုက်မိတယ်။
အဲဒီတော့မှ ဂန္ဒီကြီးက "ငါလည်း အရင်တုံးက အချိုတွေသိပ်စားတယ်... ဒါပေမယ့် အရင်တလက စပြီး ငါအချိုတွေ မစားတော့ဘူး... ရှောင်လိုက်ပြီ... ဒီကလေးကို အချိုမစားနဲ့ လို့ ဆုံးမဖို့ ဆိုတာက ငါက အရင်ဦးဆုံး အချိုမစားတဲ့သူ ဖြစ်ရမယ်။"

Lion Dance

ဒီနေ့မှ ph နဲ့ ရိုက်ထားတဲ့ပုံလေးတွေ ပြန်ကြည့်မိလို့ Lion Dance လေး မျှဝေဖို့မေ့နေတာ တွေ့ရတယ်။ အိမ်နားမှာကသွားတာ ပါ။ တရုတ်တွေလုပ်တဲ့ ပွဲဆိုတော့ ထုံစံအတိုင်း တဂျမ်းဂျမ်းနဲ့ ပေါ့ဗျာ။ ခြင်္သေ့တွေက တိုင်တွေပေါ်တက်က ကြပါတယ်။ ဆိုးတော့မဆိုးပါဘူး။
ဒါပေမယ့် တကယ်က သိပ်အဆန်းတော့ မဟုတ်လှပါဘူး။ ကျနော်တို့ မြန်မာပြည်က ကျောက်ဆည် ဆင်ကကို ဆို တိုင်ပေါ်တက်ကတယ် ဆိုတာပျင်းတောင်ပျင်းသေး၊ ပုလင်းခွံပေါ်တောင် တက်က တာကိုး။ ငယ်ငယ်တုံးကဆို ကြိုက်လို့ ဆင်ကတွေတွေ့ရင် လိုက်လိုက်ကြည့် နေကြဖြစ် ပါတယ်။ ဆင်ဆိုပေမယ့် ကျောက်ဆည်ကဆင်က ဟာ အဆင့်မြင့်ပါတယ်။ ဥပမာ ကိုကြီးကျော် သီချင်းနဲ့ နတ်ဒိုးသံ နဲ့ ကပြီဆိုရင် ဆင်ကြီးကပါ အရက်မူးနေသလို ကိုယ်လုံးကြီး ယိမ်းထိုးပြီးကတာ။
နဂါးနီလို "ဆင်းရဲခြင်းလွတ်ကင်းအောင် လမ်းပြဆောင်ပါမည်.." ဆိုတဲ့ မြူးမြူးကြွကြွ တီးလုံးမျိုးနဲ့ဆို ဆင်ကြီးကပါ တကိုယ်လုံး မြူးကြွ ပြီး တက်တက်ကြွကြွရွရွလေး ကတာ။ မမပုသိမ်သူ လိုသီချင်းနဲ့ကရင် ပတတ်ရပ်ပြီး ပုသိမ်ထီးလေး ဆောင်းပြီးကတယ်။ အင်မတန် တော်တယ်။ တော်တော် လေ့ကျင့်ထားရတာ။ ဆက်တိုက်ကရင် ပင်ပန်းလွန်းလို့လူလဲလဲပြီးကရတယ်။ ကပြီးထွက်ထွက်လာရင် ချွေးတွေရွဲနေတယ်။ တချို့ နာမည်ကြီးဆင်တွေဆိုရင် ပုလင်းတွေစီပြီးထောင် ပြီး အပေါ်ဆုံးက ပုလင်းလေးပေါ်မှာ ကတာ။ အပေါ်ကလူက မီးကွင်းတောင် ယမ်းလိုက်သေးတယ်။

Related Post : ကျောက်ဆည်မှ ဆင်အက (Sep 16, 2006)

Microsoft and Facebook Hook Up

ယခုတလော Facebook.com ဟာ တစ်နေ့တခြား လူကြိုက်အများဆုံး နဲ့ အကြီးဆုံး online social network website တစ်ခု ဖြစ်လာပါတယ်။ Facebook ရဲ့ Architecture သည်ကောင်းမွန်လှပြီး Extensible ဖြစ်ပါတယ်။ ၀ါသနာပါရင် Facebook Markup Language ကို သုံးပြီး ကိုယ့်ဆောဖ်ဝဲကို ၀င်ရေးကာ အွန်လိုင်းပေါ်တင် ဖြန့်ချီလို့ရပါတယ်။ ပါဝင်တဲ့ Features များမှာ လူများစွာက ၀ိုင်းရေးထားသောကြောင့် လည်းကောင်း၊ ၀ိုင်းစမ်းသုံးကြပြီး ကောင်းမှ ဆက်သုံးကြ သောကြောင့်လည်းကောင်း စုံလည်းစုံ အလွန်လည်း စိတ်ဝင်စားဖွယ် ဖြစ်ပါတယ်။ "ဥပမာ။ ။ သင်ဟာ သင့် သူငယ်ချင်းဆီကို ပန်းအိုးလေး ပို့ပေးလို့ရပါသည်။ ပန်းအိုးလေး က တစ်နေ့တခြားကြီးပြင်း လာပါလိမ့်မယ်။ သူငါ့ကို ဘာပေးထားတာပါလိမ့်၊ ဘာပန်းပွင့်လေး ပွင့်လာမလဲ စသည်ဖြင့် ရင်တထိတ်ထိတ် စောင့်ကြည့်ရပါတယ်။ ဒါနမူနာ ပြောပြတာပါ၊ "ဥ"ကလေး ပေးတာမျိုး တွေလဲရှိတယ်။ အရုပ်လေးတွေ လဲ လက်ဆောင်ပေးလို့ ရတယ်။ သီချင်းလေးတွေ လည်း မျှဝေလို့ရတယ်။ Facebook ထဲမှာတင် MyGarden application နဲ့ ကိုယ်ပိုင်ဥယျာဉ်လေး စိုက်ထားလို့ရတယ်။ သူငယ်ချင်းတွေက လက်ဆောင် ပေးထားတဲ့ ပန်းလေးတွေ ဖူးပွင့်နေ တာကို ကြည်နူးလို့ရတယ်။ ဗေဒင်ဝါသနာပါရင်လည်း နေစဉ်ဟောစာတမ်း Application ကို Install လုပ်လိုက်ရုံပဲ.. ၀ါသနာ တူရာတူရာ Group တွေထဲ ၀င်လို့ရတယ်။ " အဲဒါတွေ ကြောင့် နာမည်ကြီးလှပါတယ်ဆိုတဲ့ Freindster တောင်မှ လူကြိုက်နည်းနည်းလာပြီး တနေ့တခြား မှေးမှိန် ပျောက်ကွယ် မယ့်ပုံစံရှိတယ်။ Microsoft ဟာ အွန်လိုင်းစစ်ပွဲမှာ ခံတပ်များစွာ ကို ကျဆုံးခဲ့ရတယ်။ သူ့ရဲ့ MySpace သည်ပင်လျှင် ခဲလေသမျှ သဲရေကျ ရပြီလို့ ပြောရမလားပဲ။ ဒီလိုနဲ့ သူတို့ရှုံးခဲ့သမျှ အဖတ်ဆယ်ဖို့ ၁၅ ဘီလီယံ တန်ကြေးရှိတဲ့ Facebook ကနေ ၂၄၀ မီလီယံ တန်ကြေးရှိသော ကြော်ညာအပိုင်းလေးကို ကမန်းကတမ်း ၀ယ်ယူလိုက်ပုံရတယ်။

More detail...

ရမှာပါ

ကြားဖူးတဲ့ ဟိန္ဒူပုံပြင်လေး တစ်ပုဒ် ပြောပြမယ်။ တစ်ခါက နာရာဒ ဆိုတဲ့ လူတစ်ယောက် ရှိတယ်ဆိုပဲ၊ အဲဒီလူဟာ ကောင်းကင်ဘုံက ပုဂ္ဂိုလ်တွေနဲ့ စကားပြောလို့ရတယ်တဲ့။ တစ်နေ့မှာ နာရာဒဟာ တောအုပ်ကြီး တစ်ခုအတွင်းကို ဖြတ်ဝင်သွားတယ်။ သစ်ပင်တစ်ပင် အောက်မှာ ယောဂီကြီးတစ်ဦး ထိုင်နေတာကို တွေ့ရတယ်၊ သူ့ရဲ့ အကျင့်က ထိုင်ပြီးကျင့်ရတဲ့ အကျင့်ဖြစ်တယ်၊ အဲဒီယောဂီကြီးကို နာရာဒက "ဒီနေ့ ကောင်းကင်ဘုံက ပဂ္ဂိုလ်တွေနဲ့ တွေ့ဖို့ရှိတယ်၊ ဘာမှာ အုံးမလဲ" လို့ မေးလိုက်တယ်။ အဲဒီတော့ ယောဂီကြီးက "ကျုပ်ဒီလို ထိုင်ပြီးကျင့်နေတာ အနှစ်လေးဆယ်ရှိပြီ၊ ဘယ်တော့ ကောင်းကင်ဘုံ တံခါးကို ဖွင့်ပေးမလဲ လို့ မေးလိုက်စမ်းပါ" လို့ ပြန်ပြီးပြောတယ်၊ အဲဒီမှာ နာရာဒက "ကောင်းပြီလေ၊ မေးပေးပါမယ်" ဆိုပြီးထွက်သွားတယ်၊ တောနက်ထဲရောက်တော့ ကောင်းကင်ကို မော့ပြီး ယောဂီကြီး မေးတဲ့စကားကို ကောင်းကင်ဘုံက ပုဂ္ဂိုလ်တွေ ကို မေးပေးတယ်။ အဲဒီမှာ ကောင်းကင်ဘုံက အသံတစ်သံကြားရတယ်။ "အဲဒီယောဂီထိုင်နေတဲ့ သစ်ပင်မှာရှိတဲ့ သစ်ရွက် အရေအတွက်ဟာ သူဖြည့်ကျင့်ဖို့ ကျန်တဲ့ ဘ၀အရေအတွက်ပဲ" လို့ပြန်ပြီးဖြေတယ်။ အဲဒီအဖြေကို နာရာဒက ယောဂီကြီးထံ ပြန်လာပြီး ပြောပြတယ်၊ အဲဒီမှာ ယောဂီကြီးက အတော်ကို ဒေါပွသွားတယ်၊ အခုလုပ်လာတာလည်း အနှစ်လေးဆယ်ရှိပြီ၊ ဒါကလည်း မပြီးသေးဘူး၊ နောက်လုပ်ရမည့်ဟာတွေကလည်း နှစ်တွေမဟုတ်ဘူး၊ ဘ၀တွေတဲ့၊ သစ်ရွက် အရေအတွက်လောက်လုပ်ရမယ်ဆိုတော့ သစ်ရွက်အရေအတွက်ကလည်း မနည်းဘူး၊ သစ်ပင်ကလည်း မကျည်းပင်၊ မလုပ်တော့ဘူး၊ ပြန်မယ် ဆိုပြီး ထပြီးပြန်သွားတယ်။

အဲဒီအခါမှာ နာရာဒဟာ ရှေ့ဆက်ပြီး လျှောက်သွားတော့ သစ်ပင် တစ်ပင် အောက်မှာ ယောဂီလူငယ်တစ်ယောက် ခုန်နေတာကို တွေ့ရတယ်၊ အဲဒီယောဂီလေးကို နာရာဒက ကောင်းကင်ကို ဘာမှာချင်သေးလဲ။ သူဒီနေ့ ကောင်းကင်ဘုံက ပုဂ္ဂိုလ်တွေနဲ့ စကားပြောစရာရှိတယ်လို့ ပြောလိုက်တယ်။ အဲဒီယောဂီလေး ကျင့်နေတဲ့ကျင့်စဉ်က ခုန်ပြီးကျင့်တဲ့ ကျင့်စဉ်လိုတယ်၊ ယောဂီလေးက "ကျုပ်ကတော့ ကျင့်နေတာပါပဲ၊ ကောင်းကင်ကို မေးပေးစေချင်တာကတော့ နောက်ထပ် ဘယ်လောက် ခုန်ရအုံးမှာလဲ" လို့ပြန်ပြီး ပြောလိုက်တယ်။ အဲဒီအခါမှာ နာရာဒက တောထဲကို ၀င်သွားတယ်၊ ကောင်းကင်ကို မော့ပြီးတော့ ယောဂီလေးအတွက် မေးပေးပြန်တယ်၊ ကောင်းကင်ဘုံကလည်း ပြန်ပြီးဖြေတယ်၊ "ဒီတောထဲမှာရှိတဲ့ မကျည်းပင် တွေမှာရှိတဲ့ မကျည်းရွက်ကလေးတစ်ရွက်ဟာ ဘ၀တစ်ခုပါ။ အဲဒီဘ၀တွေလောက် ခုန်ပြီးရင် တံခါးဖွင့်ပေးမယ်" လို့ပြန်ပြီးပြောတယ်၊ အဲဒီတော့ နာရာဒဟာ ယောဂီလေးဆီပြန်လာပြီး အဲဒီအတိုင်း ပြန်ပြောတယ်၊ ယောဂီလေးဟာ နာရာဒရဲ့ စကားကို ကြားတာနဲ့ အတော်ကို ပျော်သွားတယ်၊ ပြီးတော့ ... "ကော်တာပဲ၊ အရင်တုံးက ဘယ်လောက် လုပ်ရမှန်းမသိပဲ လုပ်နေရတာ၊ အခုတော့ အရေအတွက် သိရပြီ။ ဒီအချက်ဟာ အားရှိစရာ ကောင်းတဲ့ အချက်ပဲ၊ ဆက်ပြီးခုန်မယ်" လို့ပြောပြီး ပေါ့ပါးသွက်လက်တဲ့ စိတ်နဲ့ ခုန်လိုက်တယ်၊ အဲဒီအခါမှာပဲ ကောင်းကင်ဘုံက ကောင်းချီးပေးသံကြားရတော့တယ်၊ တံခါးဖွင့်လိုက်ပါပြီတဲ့။ ဒီအချက်ကို ကြည့်ရင်ယောဂီအိုကြီးဟာ အတော့်ကို အကြောင့်အကျ များတယ်၊ ဘယ်လောက်လုပ်ပြီးပြီ။ ဘယ်လောက်ကျန်သေးလဲ။ အဲဒီလောက်အများကြီးဆို ခက်တော့တာပဲ၊ ဘာညာပေါ့။ ယောဂီလူငယ်လေးကတော့ အကြောင့်အကျနည်းတယ်။ အရေအတွက် ကို မေးမယ့်မေးတာပါ။ သူ့သဘောထားကတော့ မပွင့်မချင်း ခုန်မယ်ဆိုတဲ့ သဘောထားမျိုးရှိပြီးဟန်တူပါတယ်။ အဲဒီလူမျိုးတွေ အတွက် အရာခပ်သိမ်းဟာ အစဉ်သဖြင့် ပွင့်နေပါတယ်....။


မင်းသိင်္ခ ၏ မနောမယ ကိုပီတာမှ

ဘယ်ပစ္စည်း ဘယ်ဈေးလဲ သိချင်လို့လား Bountii မှာရှာ

Bountii is a new price search engine started by two founders from the latest Y Combinator class. They focus on the incredibly popular and competitive category of electronics, currently crawling over 30 merchants. Bountii says they differentiate themselves from other price search engines by digging deeper into the prices. Their data includes shipping and handling, and finds especially low prices normally hidden from basic searches, like the ones Costco only shows at check out. The system can add shipping and handling by zip code.

Powered by ScribeFire.

Singapore မှ Australia သို့ (၄)

ကျွန်တော် Australia migration ကိစ္စလုပ်တုံးကတော့ OCSC ဆိုတဲ့ agent(immigration consultancy) နဲ့ လုပ်ခဲ့ပါတယ်။ nTrust ဆိုတာလည်း စုံစမ်းကြည့်ပြီးပြီ။ nTrust က တွေ့တွေ့ချင်း consultation fee ဆိုပြီး150$ တောင်းတယ်။ Agent Fee လည်းပိုများတယ်။ အဲဒါနဲ့ nTrust နဲ့ မလုပ်ဖြစ်တော့ဘူး။ OCSC က ဈေး ပိုသက်သာတယ်။ ပြီးတော့ အလုပ်မအပ်ခင် consultation ကို အလကား လုပ်ပေးတယ်။ စိတ်လည်း ရှည်ကြပါတယ်။ အဲဒီရုံးက Orchard ဘက်က Shaw Centre မှာရှိတယ်။ ၀န်ထမ်းတွေ လည်းအများကြီးပါ။ သူ့လိုင်းနဲ့သူ တစ်ဦးချင်းရှိကြတယ်။ ဥပမာ... သူတို့နဲ့ တကယ်လုပ်ဖို့ စာချုပ်ချုပ်ပြီးသွားပြီဆိုရင်တော့ IT လိုင်းဆို IT သမားတွေအတွက် migration consultant အထူး လုပ်ပေးတဲ့ သူနဲ့ ဆက်လုပ်ရတယ်။ သူကမှ လိုတဲ့ စာရွက်စာတမ်း ရေးပုံသားပုံ အသေးစိတ် ညွှန်ပြပေးပါလိမ့်မယ်။ စာရွက်စာတမ်းတွေအားလုံးကို certified true copy လုပ်ရပါတယ်။ လိုတဲ့ Certified True copy တို့ဘာတို့ ကို သူတို့ရှေ့နေနဲ့ သူတို့ လုပ်ပေးပါတယ်။ အဲဒီအတွက် သပ်သပ်ပေးရတယ်... သိပ်တော့ မကုန်ပါဘူး... ကျွန်တော့်တုံးကတော့ ရှိတဲ့စာရွက်စာတမ်းတွေ latest payslips တွေပါမကျန်... အကုန် certified true copy လုပ်လိုက်တယ်။ ရှေ့နေခ ဆိုပြီး 50-100 လောက် သပ်သပ်ပေးရတယ်။

အသေးစိတ်သိချင်ရင်တော့ အောက်ပါလိပ်စာတွေမှာ ဖုံးဆက်ပြီး မေးမြန်း စုံစမ်းကြည့်လို့ရပါတယ်။ Email နဲ့ မေးလို့လည်း ရပါတယ်။ လူသွားတွေ့ လို့ လဲရပါတယ်။ ဈေးတွေလည်း နှိုင်းယှဉ်ကြည့်လို့ရပါတယ်။ Agent သုံးတာ မသုံးတာ အပထား သိထားတော့လည်း ကောင်းတာပေါ့။

OCSC - Singapore
1 Scotts Road
#26-10 Shaw Centre
Singapore 228208
Tel: +65 6238 0777
Fax: +65 6734 3706
E-mail: consultant@ocscglobal.com
Website: http://www.ocscglobal.com


NTRUST (Singapore) Pte Ltd
16 Upper Circular Road
AMCIS House, Level 5
Singapore 058414
Office Hours
Mon - Fri: 10.00am - 7.00pm
Saturday: 9.00am - 3.00pm
Telephone
During office hours: (+65) 6535 1611
After office hours: (+65) 9828 0183
Fax: (+65) 6535 1621
Email: migrate@ntrust.com.sg
website: http://www.ntrust.com.sg

ရိုးဖြောင့်ရာ၏။ ထို့ထက်ပို၍ ရိုးဖြောင့်ရာ၏။

ဖြောင့်ဖြောင့် သွား လျှင်ခရီးတွင်မည်။ ကွေ့ကောက် သွားက ခရီးကြန့်ကြာမည်ဟု အမရပူရမြို့ မဟာ ဂန္ဓာရုံ ဆရာတော်ဘုရားကြီး က နံနက်ခင်းဩဝါဒများ တွင် မြွက်ချွေ ဆုံးမ ခဲ့လေသည်။ အလွန်အဓိပ္ပာယ် ထိမိလှ၏။ တန်ဖိုးရှိလှ၏။

လောကအသီးသီး အလွှာအသီးသီးမှ ပုဂ္ဂိုလ်တို့သည် ကိုယ့်အယူအဆ၊ ကိုယ့်မူဝါဒ၊ ကိုယ့်လမ်းစဉ်နှင့်ကိုယ် ခရီးချီ နေကြရာတွင် ဖြောင့်ဖြောင့်သွားဖို့လိုပါ၏။ ဖြောင့်ဖြောင့်သွားမှသာခရီးတွင်ပါလိမ့်မည်။ ဘုရားရှင်ကဖြောင့်မတ်ခြင်းဟူသည် မာယာသာဌေယျ ကင်းရှင်းခြင်းကို ခေါ်သည်ဟု မိန့်၏။

မာ ယာဟူသည်ကိုယ့်မှာရှိနေသည့်အ ပြစ်ကို သူများမသိအောင် ဆင်ခြေအမျိုးမျိုး ဖုံးကွယ်ခြင်း ကာကွယ်ခြင်းဖြစ်သည်။ သာဌေယျက ကိုယ့်မှာမရှိသောဂုဏ်၊ မရှိသော အရည်အချင်းကို ရှိဟန်ဆောင်ခြင်း၊ ရှိ သည်ထက်ပိုအထင်ကြီးအောင် ဟန်ဆောင်ပန်ဆောင်လုပ်ခြင်း၊ ဟိတ်ကြီးဟန်ကြီးလုပ်ခြင်း၊ ဟိတ်ဟန် များခြင်းဖြစ်၏။ မာယာက ရှိတာကိုမရှိဟန်ဆောင်ခြင်းဖြစ်၏။ သာဌေယျက မရှိတာကိုရှိဟန်ဆောင် ခြင်းဖြစ်၏။ နှစ်ခုလုံးဟန်ဆောင်တာချင်းကတော့ တူ၏။ ထိုသို့ ဟန်ဆောင်ပန်ဆောင်လုပ်ခြင်းသည် မြင်ရသူ၊ သိရသူ၊ အမြင်မှား၊ အမှတ်မှား၊ အသိမှားသွားအောင် လှည့်စားခြင်း၊ လိမ်ညာ ခြင်းပင် ဖြစ်၏။

လူအများစုသည် အပြစ်မကင်းကြ။ သို့သော် ကိုယ့်အပြစ် ကိုယ်မြင် ကြ တာမဟုတ်။ မြင်ပါသော်လည်း မပြင်ချင်ကြ။ အပြစ်ရှိပါလျက် အပြစ်တင်ပြန်တော့လည်း မကြိုက် ပြန်။ အပြစ်ကိုလည်း ဝန်မခံချင်။ အပြစ်ပြောတာ ကိုလည်းမကြိုက်။ အပြစ်ကိုလည်း မပြုပြင်ချင်။ ထို သဘောထား အားလုံးသည် မာယာတွေပဲဖြစ်၏။ လူ၏အပြင်းပြဆုံးအာသာက အထင်ကြီးမှုကို ခံယူ လိုခြင်းဖြစ်၏။ ထို့ကြောင့် သူများအထင်ကြီးအောင် ဟန်ဆောင်ပန်ဆောင်လုပ်ကြ၏။ ဟိတ်ကြီးဟန် ကြီးလုပ်ကြ၊့ ကားကြ၊ ဝါကြ၊ ညာကြ၏။

ဘုရားရှင်က လူတစ်ယောက်၏ အရည်အသွေးကိုပြဆိုရာ၌ သက္ကော-စွမ်းဆောင်နိုင်ရမည်။ ဥဇု- ရိုးဖြောင့်ရမည်။ သုဟုဇု- ထို့ထက်ပို၍ ရိုးဖြောင့် ရမည်ဟု မေတ္တာသုတ်နိဒါန်းမှာ ဟောကြားညွှန်ပြ ခဲ့၏။ လောက မှာလူတော်လူကောင်းဟု သတ်မှတ်ရာ၌ လူတော်ဖြစ်ဖို့အတွက် သက္ကော-တစ်ခုခုစွမ်းဆောင် နိုင်ရ မည်။ လူကောင်းဖြစ်ဖို့အတွက် ဥဇု- ရိုးဖြောင့်ရမည်။ သုဟုဇု- ထို့ထက်ပို၍ ရိုးဖြောင့် ရမည်။ အရည် အချင်းရှိသူက လူတော်၊ ရိုးသားဖြောင့်မတ်သူက လူကောင်း၊ နှစ်ခုလုံးပြည့်စုံလျှင်တော့ သိပ်ကောင်း မည်။ တစ်ခုသာရွေးချယ်ခွင့်ရှိလျှင်တော့ မတော်ချင်နေပါစေ၊ ကောင်းတာကိုသာရွေးတော့မည်။

ရိုးသားမှုသည်စိတ်ကို ရှင်းရှင်းလင်းလင်းဖြစ်စေ၏။ စိတ်ထဲကရှင်းနေမှ မျက်နှာကလည်းရှင်း၏။ စိတ်ထဲကမရှင်းလျှင် မျက်နှာကလည်းမရှင်း၊ ရှုပ်နေ၏။ ရှုံ့နေ၏။ မှုန်သုန်နေ၏။ မကြည်လင်ဖြစ်နေ ၏။ ရှင်းသောမျက်နှာနှင့် မရှင်းသောမျက်နှာနှစ်ခုသည် အလွန်ကွာခြား၏။ ရှင်းသော မျက်နှာက ကြည်လင်နေ၏။ အေးချမ်းနေ၏။ ဖြူစင်နေ၏။ ကျက်သရေရှိနေ၏။

ရိုးရိုးရှင်းရှင်း ဖြောင့်ဖြောင့်စင်းစင်း ဟူသောဂုဏ်သည် သမိုင်းတင်၍ မော်ကွန်းဝင်သော ဂုဏ်ဖြစ်၏။ ရိုးရိုးရှင်းရှင်းဖြောင့်ဖြောင့်စင်းစင်းနှင့် လုပ်မှသာ အောင်မြင်မှုပန်းတိုင်ကို အမှန်တကယ်ရောက်ရှိ နိုင်၏။ ထို့ကြောင့် ကျေးဇူးတော်ရှင် အမရပူရမြို့၊ မဟာ ဂန္ဓာရုံ ဆရာတော်ဘုရားကြီး က ဖြောင့်ဖြောင့်သွားလျှင် ခရီးတွင်မည်။ ကွေ့ကောက်သွားကခရီးကြန့်ကြာမည် ဟု ဆုံးမတော်မူ ခဲ့ဖူးလေသည်။

Ref: http://www.weeklyeleven.com/modules.php?name=News&file=article&sid=7680

Singapore မှ Australia သို့ (၃)

ယခု တစ်ခေါက် Employment Letter ရေးသားနည်း ကို မျှဝေ လိုက်ပါတယ်။ အောက်ပါရေးနည်းမှာ MODL ၀င်နိုင်စေရန် ပံ့ပိုးမှုပေးသော ရေးသားပုံနမူနာ ဖြစ်တယ်။ မူရင်းကို ကျွန်တော့် Migration Agent ထံမှ ရခဲ့ပါသည်။ MODL ၀င်သွားလျှင် နေရင်းထိုင်ရင်း 15 မှတ်ပိုရမယ်။

တကယ်တမ်း Employment Letter ကို Company Letter Head ဖြင့် ထုတ်ခိုင်း လို့ရနိုင်လျှင်အကောင်းဆုံးပါပဲ။ ဒါပေမယ့် Letter Head ဖြင့်ထုတ်လို့မရနိုင်ခဲ့လျှင် ကုမဏ္ဏီ လိပ်စာ ကို မိမိဘာသာရိုက်ထည့်ပေး လိုက်ရပါမယ်။ အဲဒီလို လိပ်စာမပါခဲ့လျှင်လည်းရတော့ရပါသေးတယ်... စာရွက်ပေါ်မှာ လိပ်စာနဲ့ပါတ်သက်တာ ဘာမှ မပါလျှင် အနည်းဆုံး လက်မှတ်ထိုးပေးသူ ကုမဏ္ဏီလူကြီး၏ Business Card တော့ ပါရပါမယ်။ နောင်တွင် Australia Government မှ သင့်မှာ တကယ့်စစ်မှန်သော Experience ရှိမရှိ သူတို့နည်း သူတို့ဟန်ဖြင့် စုံစမ်းမှာမို့လို့ ဖြစ်ပါတယ်။

မှတ်ချက်။ ။* Relevant Experience အနည်းဆုံး ၃ နှစ် ရှိရပါမယ်။

အောက်ပါနမူနာပုံစံကိုကြည့်ပါ။ ဒီလိုပုံစံရေးနည်း ကတော MODL မှ (2231-79) Computing Professional - specialising in C++/C#/C တွင်ဘောင်ဝင်စေရန် ရေးသားနည်း ဖြစ်ပါတယ်။

-------------------------------------------------------

Date: ????

TO WHOM IT MAY CONCERN

This letter is to certify that (applicant name) is a permanent full-time employee working in our organization as (Designation Title) since (start date) till present / (last day of service).

(applicant name)’s duties and responsibilities for the above-mentioned designation includes:

(အောက်ပါ list မှာ နမူနာဖြစ်ပါသည်။ မိမိတို့နှင့် သင့်တော်သလို ဖြတ်ညှပ်ကပ်လုပ်ပြီး ပြန်လည်ရေးသားရပါမည်။ နှစ်ခုလောက် သုံးခုလောက်ပါလျှင် လုံလောက်သည်။)

• Plan, coordinate and liaise with users and the development team on system requirements gathering, documentation, technical evaluation
• Develop detailed architecture and designs, then write the code [e.g. using C, C#, C++ for an embedded platform] (please specify) to implement it
• Development of the application in .NET, C#, C++, XML, SQL Server (please specify)
• Software development on Windows using MS Visual C++
  
• Design, develop and document software components in Visual C++ in the Windows environment, using DirectX for 3D graphics development (please specify)
• Design, development and upgrade of system and applications (e.g. real-time systems) in C & C++
• Developing and maintaining application software and web based applications associated with C / C++ / C# programming
• Involved in creation and performance of user acceptance tests for system implementation projects
• To perform detailed software and application designing, programming and documentation for business group users
• Conduct software development for Production and Hardware Reliability Test
• Problem solving (debugging code)
• Conduct testing – Unit and system level tests
• testing complex web services, internet-based services and related applications
• Perform migration of existing software systems in C++ into ? (please specify) platform (e.g. Microsoft.Net platform)
• Perform software releases to clients and dispatch the software
• Product documentation e.g. user manuals, installation manuals, reference manuals, online help

If you need further information, you can contact the undersigned at Tel: ???? or via email: ????.

Thank you.



Yours sincerely,


Full Name (Mr./Miss/Mrs.)
Position held (eg. Manager/Director etc.)

(Company Name)
(Company Full Address)

-------------------------------------------------------

Macritchie Reservoir မှ သဘာဝအလှအပများ

အရင်လက Macritchie Reservoir ဘက်ရောက်လို့... စိတ်နှလုံးကို အေးချမ်းစေတဲ့ သဘာဝအလှအပလေးတွေကို မှတ်တမ်းတင်လာခဲ့ပါတယ်။

Powered by ScribeFire.

တရုတ် လက်ရေးစာ ရေးနေသူတစ်ဦး

ဟိုးတစ်ပါတ်လောက်က ဟိုဟိုဒီဒီလျှောက်သွားရင်း Ann Mo Kio MRT နားလေးမှာ တရုတ်လက်ရေးစာရေးနေသူတစ်ဦးတွေ့ပါတယ်။ ဘာတွေရေးနေမှန်းတော့ မသိပါဘူး။ သူရေးတာ အတော်လေးတော့ ကြည့်လို့ ကောင်းပါတယ်။ အဆုံးသတ်နားလေးထိကြည့်ကြည့်.. ဘယ်လက်ရော ညာလက်ရော နှစ်ဘက်လုံး စုံချရေးတာ စာလုံးသုံးလုံး တပြိုင်တည်းထွက်တယ်ဗျ။ ဘာရယ်တော့မဟုတ်ပါဘူး။ အဲဒါလေးကို မိတ်ဆွေတို့ကိုလည်း မျှဝေကြည့်စေချင်တာနဲ့ မှတ်တမ်းတင်လာခဲ့ပါတယ်။

Powered by ScribeFire.

Singapore မှ Australia သို့ (၂)

ACS မတင်မီ Guideline ကို ကြေညက်စွာဖတ်ရန်ဖြစ်ပါသည်။
URL: http://www.acs.org.au/index.cfm?action=show&conID=skillguidelines
Guide Line: https://www.acs.org.au/assessment/docs/Current_PIMGuidelines.pdf

မိမိဘာသာပဲလုပ်လုပ် Agent နဲ့ပဲလုပ်လုပ် ကြိုတင် ပြင်ဆင်ထားရမည့် စာရွက်စာတမ်းများ မှာ အောက်ပါအတိုင်းဖြစ်သည်။

ACS တင်ရန်

1) Passport
- Personal Particulars များပါသော စာမျက်နှာများ
-Australia သွားဖူးထားလျှင် Australia immigration တံဆိပ်တုံးများ ပါဝင်သော စာမျက်နှာများ

2) Birth Certificate (မွေးစာရင်း နိုတြီ)
3) မူရင်းမွေးစာရင်း မြန်မာလို

4) Master Degree Certificate
5) Master Degree Transcripts
6) Bachelor Degree Certificate
7) Bachelor Degree Transcripts
မှတ်ချက်။ ။ ကျောင်းပြီးသော်လည်း ဘွဲ့ မယူရသေးလျှင် သက်ဆိုင်ရာ တက္ကသိုလ် ကောလိပ်တို့မှ Letter of Completion ဖြင့်တင်ရန်

8) ဆယ်တန်း အောင်လက်မှတ် နိုတြီ
9) ဆယ်တန်း အောင်လက်မှတ် မြန်မာလို မူရင်း
10) ဆယ်တန်း အမှတ်စာရင်း နိုတြီ
11) ဆယ်တန်း အမှတ်စာရင်း မြန်မာလို မူရင်း

12) Professional Qualification Certificates (eg. MCSD certificate)
13) Professional Qualification Transcripts (eg. Exam Centre မှ Print ထုတ်ပေးသော ဘာသာတိုင်း ၏ အမှတ်စာရင်းများ)

14) အမည်ပြောင်းထားလျှင် ( အမည်ပြောင်းကြေညာချက် နိုတြီ နှင့် မူရင်း )

15) လက်ရှိ အလုပ်ရှင်ထံမှ Employment Letter (Full Name, Duration of Employment, Position, Detailed Job Descriptions, Duties, Scope of Work)
16) နောက်ဆုံး လစာထုတ်ပြေစာ (Payslip) ၃ လစာ (၃ ရွက်)

17) ယခင် အလုပ်ရှင်များ ထံမှ Employment Letter များ (Full Name, Duration of Employment, Position, Detailed Job Descriptions, Duties, Scope of Work)
Tips: Employment Letter များသည် Assessment Test လျှောက်ရာတွင် လည်းကောင်း၊ PR လျှောက်ရာတွင်လည်းကောင်း၊ လွန်စွာအရေးကြီးလေသည်။ မိမိ၏ ကျွမ်းကျင်မှုသည် MODL တွင်ပါဝင်နေလျှင် လျှင် 15 မှတ်ပိုရမည်။ MODL စာရင်းကို ကြည့်ပါ။ အဲဒီ list ထဲမှာ မိတ်ဆွေရဲ့ ကျွမ်းကျင်မှုက အမှန်တကယ် ပါနေပါသလား? ပါနေပြီဆိုလျှင် မိမိကျွမ်းကျင်မှုတို့ကို ပိုမိုပေါ်လွင်အောင် အထူး Highlight လုပ်ပြီး ရေးသားကြရမည်။ MODL စာရင်းကို ဒီမှာ ရှု။
ဥပမာ။ ။ C# သမားဖြစ်လျှင်Resume၊ နှင့် Employment Letter များ တွင် C# နဲ့ နှစ်တွေ အကြာကြီးလုပ်ခဲ့တယ်၊ ဘာပရောဂျက်တွေပြီးခဲ့တယ်၊ C# နဲ့ ဘာCertificate တွေရခဲ့တယ်၊ ဆိုတာ ပေါ်လွင်စွာ ထည့်ရေးရသည်။ အဲဒါကို ကြည့်ပြီး ACS မှ MODL ဘောင်ဝင်မ၀င် ဆုံးဖြတ်မည်။

18) English လို အသေးစိတ်ရေးသားထားသော Resume (အလုပ်လျှောက်ရာတွင် သုံးသော Resume နှင့် အတူတူ ဖြစ်သည်။)
19) Application Fee ($350 AUD) by Bank Draft
ွှ
မှတ်ချက်။ ။ Bank Draft က ဘဏ် (DBS တို့ဘာတို့) မှာ မေးပြီးဝယ်လို့ရသည်။ ဘဏ်တွင် ဖောင်ဖြည့်ရမည်။ Payable နေရာတွင် Australian Computer Society ဖြည့်၊ Address တွင် LEVEL 3 , 160 CLARENCE STREET, SYDNEY NSW 2000, AUSTRALIA ဟူ၍ ဖြည့် ရပေမည်။ ငွေသားကဲ့သို့ တန်ဖိုးရှိသည့် ချလံတစ်ခု ထုတ်ပေးသည်။ အဲဒါကို နောင်တွင် လျှောက်လွှာများ၊ စာရွက်စာတမ်းများနှင့်တကွ တင်ရမည် ဖြစ်သည်။

ACS အောင်ပြီးနောက် PR လျှောက်လျှင် အထက်ပါစာရွက်စာတမ်း များအပြင် ထပ်မံလိုအပ်ချက်များ

1) IELTS အောင်လက်မှတ်
2) အိမ်ထောင်ရှိလျှင် လက်ထပ်စာချုပ် (နိုတြီ နှင့် မူရင်း)
3) 35mm x 45 mm ပတ်စပို့အရွယ် ဓါတ်ပုံများ

စသည့် ကိုယ်ဘက်ကလုပ်ရမည့် စာရွက်စာတမ်းများကို ကြိုတင်ပြင်ဆင် ကြရမည်။

Free IELTS Resources (books & audio)

ဒီနေ့ ကျနော် Post လုပ်ခဲ့တဲ့ "FREE IELTS Listing Practices" မှာ Comment တစ်ခု ရပါတယ်။ အဲဒါကတော့ IELTS text book တွေနဲ့ Audio တွေ အလကား Download လုပ်လို့ရတဲ့ နေရာပါ။ အပြင်မှာ အစုံလိုက်ဝယ်ရရင် ဈေးအရမ်းကြီးပါတယ်။ ဒီနေရာမှာ FREE Download လုပ်လို့ရပါတယ်။

Download Here

Related Post: http://phyowaikyaw.blogspot.com/2007/04/free-ielts-listing-practices-in-order.html

Singapore မှ Australia သို့ (၁)

Singapore မှ Australia သို့ (၁)

"လူ့အလို နတ်မလိုက်နိုင်" ဟု ဆိုရိုးစကားရှိပါသည်။

နယ်မှတက်လာ... ဆယ်စုနှစ်တစ်ခု ကျော်မျှ ရန်ကုန်တွင် စာသင်၊ အလုပ်လုပ်၊ အချိန်ကုန်ခဲ့ပြီး Singapore သို့ မထင်မှတ်ပဲရောက်လာ ခဲ့သည်။ ကံအခွင့်ပေးလို့ ဒီကို ရောက်တုံး အလုပ်တစ်ခု ရအောင်အမြန်ရှာ ခဲ့ရသည်။

အဲဒီလိုနဲ့ Singapore သို့ရောက်ပြီး အလုပ်လုပ်၊ နှစ်နှစ်ကျော်ခန့် ကြာပြီးချိန်၊ တညနေခင်း တွင် ထုံးစံအတိုင်း ငိုက်စိုက် ငိုက်စိုက်ဖြင့် ပြန်လာရင်း...
"ငါ့ဘ၀က ဒါအကုန်ပဲလား?"....."ဒီလိုကြီးနဲ့ ပြီးတော့မှာလား?".... ဆိုသော အတွေးတစ်ချက် ၀င်လာလေသည်။ "Second Thought" ၀င်သည် ဟုဆိုချင်ဆို။
အဲဒီနောက်ပိုင်း အိုက်စပ်သောနွေကာလ ညမှောင်မှောင်ကြီး အချိန်တွေ အိမ်ပြန်ပြန်လာတိုင်း "Door Closing..." ဟုကြားရသော အသံကို ပင် မုန်းချင် သလိုလို ဖြစ်လာသည်။
အဲဒီအသံကြီးက ကိုယ့်ကို စောင်းပြောနေသလိုဖြစ်နေသည်။
"ဒီလောက်နဲ့ပဲ ပြီးရတော့မှာလား?" ဘ၀ကို တတ်နိုင်သမျှ အကောင်းဆုံး တည်ဆောက်ချင်တယ်ဆို။ စသဖြင့်ပေါ့လေ။

ဒီလိုဆိုကောင်းပြီ.....
ဒီမှာမနေဘူးကွာ၊ ဆယ်နှစ်လောက် ငွေစု၊ မြန်မာပြည်ပြန်၊ စီးပွားရေးလုပ်... စိတ်ကူးယဉ်ကြည့်စမ်းပါ၊ စိတ်ကူးထဲတော့ အရာရာချောမွေ့နေ၏။ သိပ်ကောင်းပါသည်။ လက်တွေ့မတော့ နမူနာပြောပြပါမည်။ ကျွန်တော်နှင့်သိသော ဂျပန်ပြန် မိတ်ဆွေ လင်မယား ရှိလေသည်။ သူတို့ အတော်ထောလာကြသည်။ လင်မယားနှစ်ယောက်လုံး ဆယ်နှစ်နှစ်ကြာမျှ ဟိုမှာ အငှားတိုက်ခန်းကျဉ်းကျဉ်းလေးထဲမှာ ကျပ်ကျပ်တည်းတည်းလေးနေ၊ ပင်ပန်းကြီးစွာ အလုပ်တွေလုပ်၊ ငွေတွေစု။ မြန်မာပြည်ပြန်ရောက်တော့၊ တိုက်ခန်း ကောင်းကောင်းလေး ၀ယ်လိုက်သည်။ ကားတစ်စီး ၀ယ်စီးလိုက်သည်။ အမျိုးတွေထဲမှာ စတားဖြစ်နေသည်။ ဟိုလူကေခ်းပါ... ဒီလူကငွားပါအံုး။ ချေးသည်။ ငှားသည်။ ပိုက်ဆံတွေ ကပိုနေသည်။ အာရှဓန ဘဏ်မှာ ထည့်ထားလိုက်သည်။ အိမ်ဝယ်ပြီး... အိမ်အတွင်းပိုင်း ပြုပြင်သလိုလို ဟိုလျှောက်လည်သလိုလို ဒီလျှောက်လည်သလိုလို အနားယူသလိုလို ဘာလိုလို နှင့် တစ်နှစ် နှစ်နှစ်လောက် အချိန်တွေကုန်သွားသည်။ ငွေတွေက တဖြည်းဖြည်း ဖောင်းပွလာလေသည်။ အသက်တွေလည်းကြီးကြပြီ။ ကလေးတွေက နှစ်ယောက်။ စီးပွားရေးလေး တစ်ခုခုလုပ်မှပဲ ဟု မိန်းမက ယောင်္ကျားကို တချိန်လုံး တိုက်တွန်းလေသည်။ နိုင်ငံခြားမှာ အကြာကြီးနေလာတော့ အလုပ်က မကျွမ်း၊ မလုပ်တတ်တော့ပါ။ အသက်ကြီးမှ ခွေးကြီးလက်ပေးသင်သလိုဖြစ်နေသည်။ လူလိမ်တွေက ၀ိုင်းလာသည်။ ဒါတောင် အသောက်အစား အပျော်အပါး မရှိလို့ တော်သေးသည်။ ဟိုဟာလေးလုပ်ကြည့် ဒီဟာလေးလုပ်ကြည့် အတတ်နိုင်ဆုံး ရင်းနှီးမြုပ်နှံမှုတွေ လုပ်သည်။ ကားဝယ်ရောင်း လုပ်သလိုလို ဘာလိုလို လုပ်သည်။ အစုရှယ်ယာတွေ Arrow ထဲထည့်သည်။ ဧရာမြေ ထဲလည်း ထည့် လိုက်သည်။ ကံမကောင်းချင်တော့ အကုန်ပြုတ်သွားသည်။ ကားကို ရောင်းလိုက်ရသည်။ နောက် အိမ်ကို လည်းရောင်းလိုက်ရသည်။ နောက်ဆုံး နှစ်လုံးဒိုင်လေး ဘာလေး ပွဲခလေးပဲ ရရဆိုပြီး လုပ်ရသော ဘ၀ ဖြစ်သွားသည်။ ငွေတွေက တန်ဘိုးကျ၊ စီးပွားရေးတွေက မယ်မယ်ရရ လုပ်လို့မကောင်း၊ အသက်ကြီးမှ စံစားရမည့်အစား တဖြုန်ဖြုန်ကေးသွားလေသည်။ (အများစုဖြစ်တတ်သော Pattern များကို ပြောပြခြင်းဖြစ်ပါသည်။ လူတိုင်းကို မဆိုလိုပါ။)

ဒီလိုဆို မြန်မာပြည် မပြန်တော့ဘူး၊ စလုံးမှာပဲနေတောမည်။ အဲ... ပုံမှန် Pattern အရဆိုလျှင်... မြန်မာတွေ စလုံးရောက်၊ ကျောင်းတက် (သို့) အလုပ်လုပ်၊ ပိုက်ဆံစု၊ ကျောင်းပြန်တက် (သို့) professional certificates တွေအတွက် တက်၊ PRဖြစ်၊ CPF စု၊ အိမ်ထောင်ပြု၊ HDB အိမ်ဝယ်၊ အနှစ် နှစ်ဆယ်၊ သုံးဆယ်လောက်ဆပ်။ သည်ကြားထဲ အခန်းလေး ဖဲ့ဖဲ့ပြီး ပြန်ငှားစား။ ငှားစရိတ်လေးတွေစု၊ စလုံး အစိုးရကိုသွင်း။ နောက်ဆုံးတွင် အိမ်ကလေး တစ်လုံးပိုင်သွားသည်။ ဘ၀ကတော့ တည်ငြိမ်သွားသည်။ မဆိုးပါ။

ကိုင်း...သည်လိုဆို သည့်ထက် ဘာပိုကောင်းအောင်လုပ်လို့ ရသေးလဲ။ ကျွန်တော် West ဘက်က ဟိုနိုင်ငံ ဒီနိုင်ငံလေးတွေ နဲနဲပါးပါး လျှောက်လည်ခဲ့ဖူးလေသည်။ လူနေမှု အဆင့်အတန်း၊ လူတွေရဲ့ စိတ်ဓါတ်၊ လူကိုလူလို သဘောထားသည့် လောကပါလတရား တို့ တွင် စလုံးနဲ့ အနောက်ကမ္ဘာသည် တော်တော်ကွာသည် ဟုထင်မိပါသည်။ ရေရှည်အခြေချမည့်သူအတွက် ဟိုမှာတော့ ပိုကောင်းပေလိမ့်မည်။ လူတစ်ကိုယ် အကြိုက်တမျိုးဖြစ်ပါသည်။ လူနေမှုအဆင့်အတန်း ပိုမြင့်မည်။ ကား တွေကလည်း ဒီဘက်ထက် ပိုဈေးချိုမည်။ အသက်ကြီး လျှင်လည်း ဒီမှာထက်တော့ ငြိမ်းငြိမ်းနေရမည် ထင်ပါသည်။ ဆရာဝန် ၊ ကွန်ပျူတာ၊ အင်ဂျင်နီယာ စသည့် Professional သမားတွေအတွက်တော့ ဒီတစ်သက် ကိုယ်ပိုင် ခြံကလေး ၀င်းကလေးဖြင့် နေနိုင်ဖို့ ဖြစ်နိုင်ချေရှိပါ လိမ့်မည်။ ဒီဘက်မှာထက် ဇိမ်နည်းနည်းပိုကျမည်။ အလုပ်လက်မဲ့ဖြစ်နေလည်း အစိုးရထံမှ ထောက်ပံ့ကြေးလေးနဲ့ နေလို့ရမည်။ အသက်ကြီးလာလျှင်လည်း အခမဲ့ ဆေးကုသခွင့်ရမည်။ စနေ တနင်္ဂနွေဆို Beach လေးဘာလေးသွား။ အခြား မြန်မာမိသားစု တစ်စုနှစ်စု နဲ့ပေါင်း ပျော်ပွဲစားထွက်ကြ။ ဒါမှမဟုတ် ဟိုအိမ်နဲ့ သည်အိမ်သွားလည်၊ အိမ်တစ်အိမ်မှာဘုန်းကြီးပင့်၊ တရားနာ၊ အခြားမိသားစုတွေ ရှိတဲ့လူတွေအကုန်သွားကြ။ အဲ... မနေချင်ပါဘူးတဲ့... မြန်မာပြည် ကို ပြန်ပြီးခေါင်းချမယ်တဲ့....သို့မဟုတ်... မြန်မာပြည်က အခြေအနေကောင်းလာလို့... စီးပွားရေး အလုပ်အကိုင်ပိုပွင့်လာလို့ ပြန်မယ် ဆိုပါစို့... ဘာပဲဖြစ်ဖြစ် ပြန်သည့်အချိန်တွင် ငွေက ဒီဘက်... အရှေ့တိုင်းဘက်၊ မှာရှာတဲ့ငွေထက် ပိုများနေမှာလည်း သေချာသလောက်ရှိ ပါသည်။

အဲဒါလေးတွေ တွေ့မြင်ပြီး နောက်တော့ ရောဂါတစ်ခုရလာသည်။ စလုံးမှာနေပြီး နိုင်ငံခြားသွားချင်သည့်ရောဂါဖြစ်ပါသည်။ အခွင့်ကြုံရင်တော့ US ဒါမှမဟုတ်၊ Canada၊ ဒါမှမဟုတ် Australia မှာသွားနေမည် ဟု စိတ်ကူးမိလေသည်။ ဒီလိုနဲ့ အကြံထုတ်နေတုံး တရက်မှာ ငယ်သူငယ်ချင်းတစ်ယောက်နှင့် ဆုံသည်။ သူက Australia PR လျှောက်ထားတာ ပူပူနွေးနွေးဖြစ်သည်။ ကျွန်တော်က တစ်နေရာရာ ခုန်ချင်နေသူဖြစ်သည်။ သူ့ထံမှလမ်းကြောင်းလေးတွေ စုံစမ်းရသည်။ သူကပြောပြပါသည်။ Website များ လည်းပေးသည်။ အကြံကောင်းများလည်း ပေးသည်။ အစက သူပြသည့် http://www.immi.gov.au မှာ ကိုယ့်ဘာသာကိုယ် ဖတ်ပြီး လုပ်မလို့ စိတ်ကူးထားသည်။ နောက် သူက ကိုယ့်ဘာသာကိုယ် မဖတ်နဲ့၊ အချိန်တအားကုန်တယ်၊ စာမျက်နှာ တစ်ထောင်ကျော်ဖတ်ရမှာ။ တစ်ခုခု မှားပြီးလုပ်မိရင် မကောင်းဘူး။ Agent သုံး သင့်တယ်။ Agent တွေက ဒါကို တစ်သက်လုံးလုပ်လာတာ။ ကျွမ်းကျင်တယ်။ အမှား နည်းမယ်။ ငွေတော့ ပေးရတာပေါ့။ သူက ဆိုသည်။ ဒါတွေ အတွက် ကိုယ့်ဘာသာကို အချိန်ကုန်ခံမည့်အစား ငွေ ၃ထောင်(S$) လောက်ကို စလုံးမှာ ပြန်ရှာဖို့ လွယ်ပါတယ်...ဟုဆိုသည်။ သူ့ အကြံပေးချက်အတိုင်း Agent ရှာရသည်။ Website တွေလိုက်ကြည့်ရသည်။ ဟိုလူ့မေး သည်လူ့မေး လုပ်ရသည်။ နောက်ဆုံး Agent ကုမ္မဏ္ဏီ ကောင်းကောင်းတစ်ခု ကိုတွေ့သည်။ ငွေတော့ တော်တော်ကုန်သွားသည်။ လမ်းကြောင်းတွေ၊ ဘယ်လောက်ကြာကြာစောင့်ရမလဲ၊ လုပ်ပုံကိုင်ပုံ တွေ၊ စာရွက်စာတမ်းတွေ၊ ရေးပုံသားပုံတွေ၊ လိုအပ်တာတွေ... ကိုယ့်ဘာသာကိုယ် ဖတ်တုံးကထက် နဲနဲ ပိုမိုသိရှိလာခဲ့သည်။ Computer သမားတွေအတွက် တော့ အဆင့်က နှစ်ဆင့်ရှိသည်။ ACS (Australian Computer Society) Website:http://www.acs.org.au မှ Assessment Test အောင်ရမည်။ IELTS ကို လေးဘာသာလုံး 6.0 ရအောင် ဖြေရမည်။ အဲဒီအောင်လက်မှတ် တွေနဲ့ PR လျှောက်ရမည်။ ကျွန်တော့်ယခု status က ACS မှ Assessment Test အောင်ပြီးပြီ.. အဲဒီမှာ MODL(Migration Occupations in Demand List) လည်းဝင်ပြီးပြီ။ IELTS လည်းအောင်ပြီးပြီ။ အဲဒီလိုတာတွေ ပြင်ဆင်ပြီး PR လဲလျှောက်ပြီးပြီ။ ယခု visa ကို စောင့်ဆိုင်းဆဲ ဖြစ်ပါသည်။

ဟိုမရောက်သေးသော်လည်း... ဒီက မိတ်ဆွေတွေကို မျှဝေချင်လာသည်။ သူငယ်ချင်းများက လည်း တောင်းဆိုသည်။ ဘာတွေလိုလဲ... ဘယ်လိုလုပ်ရမလဲ စသည်ဖြင့် လာလာ မေးကြသည်။ အဲဒါနဲ့ "Singapore မှ Australia သို့" ကို ကျွန်တော် သိသမျှ မချွင်းမချန်ရေးသားကာ ဆက်တိုက် ဖော်ပြပေးသွားပါမည်။

Corporate Lesson 3

အရောင်းစာရေးမ တစ်ဦး၊ စီမံရေးရာ စာရေး တစ်ဦး နှင့် မန်နေဂျာ တစ်ဦးတို့ နေ့လည်စာ အတူထွက်စားကြသည်။ တစ်နေရာ အရောက်တွင် လွန်စွာ အိုမင်းဟောင်းနွမ်းနေပြီ ဖြစ်သော ကြေးဝါမီးခွက် ကလေးတစ်လုံးကို တွေ့လေ၏။ သူတို့ ပွတ်တိုက်ကြည့်ကြ၏။ ထိုအခိုက် အတွင်းမှ မီးခွက်စောင့်နတ်သမီး ဂျင်းနီ ထွက်လာလေသည်။ ဂျင်းနီက " သင်တို့ လိုရာကို ပြောလော့၊ ကျွန်ုပ် ဖန်ဆင်းပေးမည် " ဟုပြောလေသည်။

ထိုအခါ စီမံရေးရာစာရေးက "ကျုပ်အရင်ပြောမယ်... ကျုပ်အရင်ပြောမယ်" ဟုဆိုကာ "ကျွန်ုပ် ဖလော်ရီဒါနားက Bahamas ကျွန်း လေးကို သွားချင်တယ်။ Speed Boat စီးပြီး ဇိမ်ကျကျနေမယ်...ဘယ်သူ့မှဂရုစိုက်စရာ မလိုဘူး..."။ ပြောပြီးပြီချင်း ဂျင်းနီက ခေါင်းတချက် ငြိမ့်လိုက်ရာ သူ မြင်ကွင်းမှ ပျောက်ကွယ်သွားသည်။

နောက်..."ဒီတစ်ခါ... ငါ့အလှည့်" ... အရောင်းစာရေးမက အတင်း ၀င်ပြောသည်။ ငါ ဟာဝိုင်ယီကျွန်း ကို သွားမယ်။ ကမ်းခြေမှာ massage နှိပ်ပေးတဲ့သူ နဲ့ "Pina Coladas" သီးစုံဖျော်ရည်လေး မြုံပြီး မှိန်းနေမယ်...။ သူမပြော ပြီးပြီး ချင်း ဂျင်းနီက ခေါင်းတစ်ချက်ငြိမ့်လိုက်သည်။ သူမ မြင်ကွင်းမှ ပျောက်ကွယ်သွားသည်။

နောက်... "ရှင့် အလှည့်" ဂျင်းနီကပြောသည်။
မန်နေဂျာက ခေါင်းတချက်ညိတ်လိုက်ပြီး "ဟို နှစ်ကောင်ကို ထမင်းစားပြီးချိန်မှာ ရုံးကို ပြန်ရောက်လာအောင်လုပ်ပေးပါ။"

သင်ခန်းစာ။ ။ တစ်ခုခု ပြောစရာရှိလျှင် မန်နေဂျာကို ဦးစွာ ပြောခွင့်ပြု သင့်သည်။

Corporate Lesson 2

မိန်းမ ဖြစ်သူက ရေချိုးခန်းထဲ မှ ထွက်လာပြီးနောက် ယောကျာင်္း ဖြစ်သူက ရေချိုးခန်းတွင်းသို့ ရေချိုးရန် ၀င်လိုက်လေသည်။ ထိုအခိုက် တံခါးခေါင်းလောင်း မည်လာလေသည်။ မိန်းမဖြစ်သူလည်း ရေချိုးခန်းသုံး တဘက်စောင်ကို ကမန်းကတန်း ပတ်ကာ အိမ်အောက်သို့ ခပ်လောလော ပြေးဆင်းလိုက်သည်။ တံခါးဖွင့်ပေးလိုက်ရာ တဖက်အိမ်မှ "ဘောဘ့်" ဖြစ်နေသည်။ သူမ ဘာမှ မပြောရသေးခင် "ဘော့ဘ်" က ကျေးဇူးပြုပြီး တဘက်စောင်ကို ဖယ်ပေးပါ.. $800 ပေးပါမယ် ဟုဆိုလေ၏။ သူမ ခဏမျှ မင်သက်သွားပြီး "ဘောဘ့်" ရှေ့တွင် တဘက်စောင်ကို ဖယ်ပြပြီး ခတ္တ ရပ်နေလိုက်သည်။ စက္ကန့် အနည်းငယ်ကြာပြီးနောက် "ဘောဘ့်" က $800 ကို ကမ်းပေးလိုက်ပြီး တိတ်ဆိတ်စွာ ထွက်ခွာသွားသည်။ မိန်းမဖြစ်သူလည်း တဘက်စောင်ကို အမြန်ပြန်ဝတ်ကာ အပေါ်ထပ်သို့ ပြန်တက်လာသည်။ ရေချိုခန်းနား အရောက်တွင် အထဲမှ ယောင်္ကျားဖြစ်သူက "ဘယ်သူလဲ" ဟုမေး၏။ ဟိုဘက်အိမ်က "ဘောဘ့်" ပါ... သူမက ပြန်ဖြေ၏။ ယောင်္ကျားဖြစ်သူက "အင်း... ကောင်းတယ်.. သူ့ဆီမှာ ငါ ရစရာ $800 ရှိတဲ့ အကြောင်း ပြောသေးလား?"

သင်ခန်းစာ။ ။ သင့်မှာ ရစရာ ပေးစရာ ရှိနေပါက၊ အခက်အခဲများ ရှိနေပါက၊ လုပ်ဖော်ကိုင်ဘက်များ၊ အစုရှယ်ယာရှင်များ ကို စောစောစီးစီး ပွင့်လင်းစွာ ဖွင့်ပြောခြင်းဖြင့် မလိုလားအပ်သော ဖြစ်ရပ်များမှ ကောင်းစွာ ရှောင်ရှားနိုင်ပေမည်။

Explore the sky with Google Earth

တစ်ခုခု သိချင်တယ် ဆိုရင် Google မှာ ရှာလိုက်ပေါ့ လို့ပြောကြပါတယ်။ ကွန်ပျူတာတက္ကသိုလ် မှာတုံးက သူငယ်ချင်း မိန်းကလေး တစ်ယောက် ဆို Google က ဘာရိုက်ရိုက် အကုန်သိလွန်းလို့ သူ့ကိုများ သိနေမလား မသိဘူး ဆိုပြီး သူ့နာမည်သူ ရိုက်ထည့် ပြီး ရှာကြည့်ပါသတဲ့။ မတွေ့ပါဘူးတဲ့။ အဲဒီတုန်းကတော့ ပြန်ပြောပြီး ရယ်ကြ ရတာပေါ့။ အခုခောတ်မှာတော့ တကယ် ရှာလို့ရပါတယ်။ ကိုယ့်ရဲ့ အချက်အလက်တွေက အင်တာနက်တနေရာရာမှာ ရှိနေရင်တို့၊ Blog ရေးရင်တို့၊ friendster တို့ facebook တို့ သုံးယင်တို့၊ ဆိုရင်လည်း လူနာမည် ကို Google မှာ ရှာရင် ပေါ်လာမှာပါပဲ။ ဘာပဲပြောပြော Google က ကျွန်တော်တို့ရဲ့ နေ့စဉ်ဘ၀ထဲကို မသိမသာနဲ့ ၀င်ရောက်နေပါပြီ။

အခု Google က ကမ္ဘာပေါ်မှာ ရှိတာအကုန် ရှာလို့ရယုံတင် ရပ်မနေပါဘူး။ အခုဆို စကြ၀ဠာ အထိကို မွှေနှောက် ကြည့်ရှုနိုင် အောင်လုပ်လိုက်ပါပြီ။ ကြယ်စု ပေါင်း သန်း တစ်ရာခန့်၊ ဂလက်ဆီပေါင်း သန်း နှစ်ရာခန့် ကို Google Earth ထဲက ကောင်းကင်ပြင် ကြီးပေါ်မှာ မျက်ဝါးထင်ထင် ကြည့်ရှု ရင်း ခံစားမှု အသစ်တစ်မျိုးကို ခံစားရစေ မှာဖြစ်ပါတယ် တဲ့။ အဲဒါကို NASA နှင့်ပူးပေါင်းပြီး တည်ဆောက်ထား ပါတယ်တဲ့။ ကြည့်ချင်ရင်တော့ Google Earth ရှိပြီးသူများ Help>Check for Update Onlines လုပ်ရမယ်။ မရှိသေးရင်လည်း http://earth.google.com/sky/skyedu.html မှာ Download လုပ်ရမယ်။

Corporate Lesson - 1

တနေ့သ၌ ကျီးတစ်ကောင် သည် သစ်ပင်မြင့်ကြီး တစ်ပင်၏ အကိုင်း တစ်ခုတွင် သစ်ကိုင်းပေါ်တွင် တစ်နေကုန် ဘာမှ မလုပ်ပဲ အေးချမ်းစွာ နားနေလေသည်။

ထိုအခိုက် တောအုပ်ထဲ မှ ယုန်တစ်ကောင် ထွက်လာပြီး အေးချမ်းစွာထိုင်နေသည့် ကျီးကို မြင်လေ၏။

ယုန်က ထိုင်နေသည့် ကျီးကို လွန်စွာအားကျလှသဖြင့် ... "အဆွေကျီး... ကျွန်ုပ်မှာ တစ်နေကုန် ပြေးလွှား ရုန်းကန် နေရပါသည်။ ကျွန်ုပ်လည်း အသင်ကဲ့သို့ အေးချမ်းစွာ ထိုင်နေ လို့ ရမည်လော" ဟုမေးလေ၏။

ကျီးက "အင်း" ဟု တိုတိုတုတ်တုတ် ဖြေလိုက်၏။

ထို့နောက် ယုန်လည်း မြေပြင်ပေါ်တွင် ထိုင်နေလိုက်လေ၏။

များမကြာမီ ၀ံပုလွေတစ်ကောင်ထွက်လာပြီး ထိုင်နေသည့် ယုန်ကို ကိုက်စားလိုက်လေသည်။


သင်ခန်းစာ။ ။အေးအေး ထိုင်နေဖို့ ဆိုတာက နေရာမြင့်မြင့် မှာ ရောက်နေရင် ကိစ္စမရှိဘူး။

When Your Gone - Avril Lavigne

I always needed time on my own
I never thought I'd need you there when I cry
And the days feel like years when I'm alone
And the bed where you lie
Is made up on your side

When you walk away
I count the steps that you take
Do you see how much I need you right now?

When you're gone
The pieces of my heart are missing you
When you're gone
The face I came to know is missing too
When you're gone
The words I need to hear to always get me through the day
And make it OK
I miss you

I never felt this way before
Everything that I do
Reminds me of you
And the clothes you left
They lie on the floor
And they smell just like you
I love the things that you do

When you walk away
I count the steps that you take

Do you see how much I need you right now?

When you're gone
The pieces of my heart are missing you
When you're gone
The face I came to know is missing too
When you're gone
The words I need to hear to always get me through the day
And make it OK
I miss you

We were made for each other
Out here forever
I know we were
Yeah Yeah

All I ever wanted was for you to know
Everything I do I give my heart and soul
I can hardly breathe I need to feel you here with me
Yeah

When you're gone
The pieces of my heart are missing you
When you're gone
The face I came to know is missing too
And When you're gone
The words I need to hear will always get me through the day
And make it OK
I miss you
mMm

Powered by ScribeFire.

ကိုရွှေရိုး

ပျော်ဘွယ်မှာနေတုံးက အင်မတန် ရိုးတဲ့ လူတစ်ယောက် ကိုတွေ့ဖူးပါတယ်။

အညာသားများဟာ နဂိုတည်းက ရိုးသားတတ်ကြတယ်။ အဲဒီ ကိုလူရိုးကတော့လေ အင်မတန်ကြီးကို ရိုးအပါတယ်။ "ရိုးအ" တယ်လို့ သုံးရတာက ရိုးသားတဲ့ အဆင့်ထက် တော်တော်ပိုပြီး "အ" တဲ့ ဘက်ကိုနဲနဲရောက်နေလို့ ဖြစ်ပါတယ်။ သူက အိမ်က ပွဲရုံမှာ ကုန်တွေဘာတွေ တင်ချလုပ်တယ်။ အားယင် အိမ်ရဲ့ ဗာဟီရ အလုပ်လေးတွေ လုပ်ပေး ပါတယ်။

တစ်ခါက အုန်းနို့ခေါက်ဆွဲဆွမ်းကပ်ဖို့ အဒေါ်တစ်ယောက်က အုန်းနို့ညှစ်ခိုင်းလိုက်တယ်။ အုန်းသီးတွေ ဆွဲခြင်းနဲ့ထည့်ပြီး ပေးလိုက်တယ်။ သူကြိုးစားပန်းစား အုန်းသီးတွေကို တစ်လုံးပြီးတစ်လုံး ခွဲတယ်။ တခြမ်းပြီးတခြမ်း ခြစ်တယ်။ ပြီးတော့ အုန်းသီးခြစ်ဖတ်တွေကို အ၀တ်လေးထဲထုပ်ပြီး ညှစ်ပါတယ်။ အားလုံး လုပ်ပြီးတော့မှ အုန်းဆံ အဖတ်လေး တွေ ချည်း ပြန်လာပေးပါတယ်။ ဟဲ့ "အုန်းနို့တွေရော" ဘယ်မှာလဲ လို့ အဒေါ်ကမေးတော့... "မြောင်းထဲ ညှစ်ချလိုက်ပြီ" တဲ့။ အဲလောက်ကို "အ" ပါတယ်။

နောက်တစ်ခါကျတော့ အမေက သူ့ကို ပါမိုးလစ်(Palmolive)ဆပ်ပြာခဲတွေ ၀ယ်ခိုင်းလိုက်တယ်။ ဟုတ်ကဲ့ဟုတ်ကဲ့ ဆိုပြီး ပိုက်ဆံယူပြီး လှစ်ကနဲ့ထွက်သွားတယ်။ တော်တော်လေးကြာတော့ ပြာယာပြာယာနဲ့ ပြန်လာပြီး လက်ထဲက ကျွတ်ကျွတ်အိတ်ထုတ်ကို လာပေးတယ်။ ဖွင့်ကြည့်လိုက်တော့ ကာဘော်လစ် ဆပ်ပြာတောင့် အရှည်လိုက်ကြီးတွေဖြစ်နေပါရော။

ဘာပစ္စည်းဝယ်ခိုင်း ၀ယ်ခိုင်း တစ်ခါမှ ဈေးမဆစ်ဘူး။ လမ်းဘေးတွေမှာ ၀ယ်ရင် ဈေးလေးဘာလေး ဆစ်ရတယ် လို့ အမေတို့က သင်ထားရတယ်။ ဒီလိုနဲ့ နောက်တစ်ခေါက် အမေက ဘုရားပန်းကပ်ဖို့ မေမြို့ပန်းတွေ ဂန္ဓမာပန်းတွေ သူ့ကိုသွားဝယ် ခိုင်းပါတယ်။ အပြန်ရောက်တော့ သူက ဂုဏ်ယူဝံ့ကြွားစွာနဲ့ ပြုံးပြီး "ကျွန်တော်ဈေးဆစ်လာတာ အမ" လို့ပြောပါတယ်။ အမေက "ဘယ်လောက်နဲ့ရခဲ့တာလဲ" လို့မေးတော့ သူက ဒီလိုပြန်ပြောပြတယ်။
ပန်းသည်။ ။ မေမြို့ပန်းတွေ၊ ဂန္ဓမာတွေ၊ ဇော်စိမ်း တွေရမယ်...
ကိုရွှေရိုး။ ။ ဂန္ဓမာ "တစ်စည်းဘယ်လောက်လဲ"
ပန်းသည်။ ။ တစ်စည်းမှ ငါးကျပ်မတ်တင်းပါ အကို...
ကိုရွှေရိုး။ ။ နှစ်စည်းယူမှာမို့ တစ်ဆယ်ထားလိုက်ပါ.. အမ...
ပန်းသည်။ ။ ပြုံး၍... ရပါတယ်ရှင့်.... ယူသွားပါ... ဆိုပြီး ကမန်းကတန်း ထုတ်ပေးလိုက်တယ်တဲ့။
အဲဒါကျွန်တော်ဆစ်လို့ရလာတာ.. တဲ့...(မှတ်ချက်။ ။ ငါးကျပ်မတ်တင်း = 4.75)

GTalk ရဲ့ theme ကို သင့်ရဲ့ ကိုယ်ပိုင်ဒီဇိုင်းဖြင့် ပြုလုပ်လိုပါသလား

MySuboo.com မှာ တွေ့လို့ မိတ်ဆွေတွေကို Share လုပ်ချင်တဲ့စိတ်ပေါ်လာလို့ ပြန်လည်ကူးယူ ဖော်ပြ လိုက်တာပါ။

ဂျီတော့ ရဲ့ theme ကို သင့်ရဲ့ ကိုယ်ပိုင်ဒီဇိုင်းဖြင့် ပြုလုပ်လိုပါသလား။ သင်ဟာ HTML နဲ့ stylesheet ကျွမ်းကျင်ရင်တော့ ဒါက လွယ်လွယ်လေးပါ။
ပထမဦးဆုံးအနေနဲ့

%userprofile%\Local Settings\Application Data\Google\Google Talk\themes\system\chat

အပေါ်မှာပြထားတဲ့ စာကြောင်းကို ကော်ပီကူပြီး My Computer Address bar မှာ ရိုက်လိုက်ပါ။ ကျွန်တော်က အခုဒီ theme folder ထဲက အရိုးရှင်းဆုံးတစ်ခုဖြစ်တဲ့ classic Picture ကိုရွေးလိုက်ပါတယ်။ ပြီးရင် ဒီ folder ကို ကော်ပီကူးပြီး အခုရောက်နေတဲ့နေရာမှာပဲ ပြန်သိမ်းထားလိုက်ပါ။ folder name ကိုတော့ သင့်ရဲ့ နံမည် ပေးလိုက်ပေါ့။
ပြီးရင် ဒီ Folder ကိုဖွင့်ပြီး Contents Folder အောက်ထဲက Resources ကိုထပ်ဖွင့်လိုက်ပါ။ ကဲ .. ဒီနေရာကတော့ သင့်စိတ်ကြိုက် ဒီဇိုင်းတွေ ဖန်တီးရမယ့် နေရာပါပဲ။
သင့်ရဲ့ ဂျီတော့ကို သင် ပုံတစ်ခု တင်ချင်တယ်ဆိုရင် ဒီ Resources folder အောက်မှာ images ဆိုတဲ့ Folder တစ်ခု တည်ဆောက်လိုက်ပါ။ ပြီးရင် သင်ထည့်ချင်တဲ့ ပုံတစ်ပုံကို ကော်ပီကူးပြီး ဒီ images folder အောက်မှာ back.jpg ဆိုတဲ့ နံမည်နဲ့ သိမ်းထားလိုက်ပါ။
ဒါပေမယ့် သင့်ရဲ့ image ရဲ့ အလျားနဲ့အနံကတော့ ၃၀၀ နဲ့ ၂၂၅ ဖြစ်ရပါမယ်။ ပြီးရင် Resources folder ဆီကို ပြန်သွားလိုက်ပါ။
ပြီးရင် main.css file ကို ဖွင့်လိုက်ပါ။ ပြီးရင်

BODY
{
margin: 6px;
}

အစား

BODY
{
margin: 6px;
background-image: url("images/back.jpg");
}

ကို ပြောင်းလိုက်ပါ။ ဒါဆိုရင်တော့ သင့်ရဲ့ ဂျီတော့ဟာ သင်ကိုယ်ပိုင်စိတ်ကြိုက် ဒီဇိုင်း ပြုလုပ်နိုင်ပြီပေါ့။

Ref: MySuboo.com

Powered by ScribeFire.

အောင်သုခ ဓမ္မရ်ိပ်သာ (သန်လျှင်)

View Album

Get your own

ဓါတ်ပုံ ဆလိုက်မှာ မြင်ရတဲ့ အတိုင်းပါပဲ။ တည်ထောင်ကာစ အောင်သုခ ဓမ္မရိပ်သာ ဖြစ်ပါတယ်။ ပဲခူးအောင်သုခ ဆရာတော်ဘုရားကြီး ၏ နည်းနိသယ အတိုင်း ကောင်းစွာ တရားပြသပေးလျှက်ရှိပါတယ်။ ဆရာတော်၏ သီလ၊ မေတ္တာ ကြောင့် လည်းကောင်း၊ အားထုတ်ကြသူများမှ ဓမ္မပီတိ အထူးရရှိကြသည်ဟု ညွှန်းကြသဖြင့် လည်းကောင်း၊ တဆင့်စကား တဆင့်နားဖြင့်၊ ထပ်မံပြီး၊ လာရောက်အားထုတ်ကြသူများ တနေ့တခြား ဆိုသလို များပြားလာနေပါတယ်။ အဲဒါကြောင့် စခန်းချိန်တွေမှာဆို ရေ အခက်အခဲ တော်တော်လေး ရှိပါတယ်။ သောက်ရေသုံးရေ အဆင်ပြေရန်အတွက် ရေစင် တည်ဆောက်ဖို့ စင်္ကာပူမှ ကိုရဲမင်းစိုးက ဦးဆောင်ပြီး အလှူငွေကောက်ခံလျှက်ရှိပါတယ်။ လှူဒါန်းလိုသူများ ကိုရဲမင်းစိုး +65 9754 9355 သို့ ဆက်သွယ်လှူဒါန်း နိုင်ကြပါသည်။

လိုချင်တာတွေ အားလုံးရှိလာမယ့် စုဘူးလေးပါ

အခုတစ်လော ကောင်းမွန်သပ်ရပ်တဲ့ မြန်မာWebsite အသစ်လေးတွေ မကြာမကြာထွက်လာတာ သတိပြုမိပါတယ်။ ကျွန်တော်တို့တွေ မြန်မာ Website တွေကိုကြည့်ကြရင် အများဆုံးကြည့်ဖြစ်ကြတာက မြန်မာ e-book တွေတင်ထားတဲ့ site တွေတို့... မြန်မာ Mp3 site တွေတို့... မြန်မာလိုရေးထားတဲ့ Blog တွေတို့ ကို အများဆုံးကြည့်ဖြစ်ကြတယ်... မြန်မာလိုရေးထားတဲ့ ဖိုရမ်တွေဝင်ဖတ်ကြတယ်...၀င်ဖွကြတယ်... မြန်မာသတင်း website တွေ ၀င်ကြည့်ကြတယ်...

သတိပြုမိမလားတော့မသိဘူး... မြန်မာဘလောဂ့်တွေ ပေါ်ပြီး... နောက်ထွက်လာတဲ့ မြန်မာWebsite လေးတွေကလည်း... ဘလောဂ့်ဆန်ဆန်လေးတွေဖြစ်လာကြသလိုပဲ...

ဒီလိုနဲ့ မနေ့တစ်နေ့ကမှ ဘလော့ဂ်ဒေး နှင့် အပြိုင် အသစ်ထွက်ရှိလာတာကတော့ MySuboo.com ဖြစ်ပါတယ်။ Music တွေ... Myanmar Book တွေ... မြန်မာ Wiki ... Forum... Blog စသည်ဖြင့် ပါဝင်ပါတယ်။ မကြာမီတော်တော် Hot လာမယ့် Website တစ်ခုပါ...

နောက်ပြီးတော့ အဲဒီမှာ မြန်မာဘလောဂ့် တစ်ခုဆောက်ဖို့ ပိုလွယ်တယ်... ကျွန်တော်အထင်တော့ ဒီလိုဆားဗစ်မျိုးက လိုပါတယ်... လိုနေတာကြာပါပြီ... Blogger မှာတော့ ရေးလို့ရတာပေါ့... ဒါပေမယ့် သိတဲ့ အတိုင်းပဲ... မြန်မာဘလော့ တစ်ခုရေးဖို့ Template ဆောက်ရ... ဇော်ဂျီ EOT ဖိုင်လုပ်ရ... XML Code တွေပြန်ပြင်ရေးရနဲ့ တယ်မလွယ်ပါဘူး။ ပြီးရင်လဲ ဇော်ဂျီဖွန့် လုံးဝမရှိတဲ့ စက်တွေမှာ ကိုယ့် Website ကိုယ် EOT အလုပ်လုပ်ရဲ့လားဆိုပြီး ပြန်စစ်ကြည့်ရသေးတယ်...

ဒီလိုဆိုတော့ သာမန် Layman တစ်ယောက်အတွက် ဆိုရင်မြန်မာဘလောဂ့်ကောင်ကောင်း တစ်ခုဖြစ်ဖို့ နဲနဲ လက်ဝင်တယ်... SuBoo မှာတော့ ဒါတွေလုပ်ဖို့ မလိုဘူး... ZawGyi က Build In ပါပြီးသားကိုး... Sign Up လုပ်ပြီး ၀င်ရေးလိုက်ရုံပဲဆိုတော့ လွယ်တယ်... ဒါပေမယ့် မြန်မာစာ ရိုက်တတ်ဖို့တော့လိုတာပေါ့ဗျာ... လက်ရှိ ဘလောဂ့်သမားများလည်း... ကိုယ့်ရဲ့ လက်ရွေးစင် Featured Blog လေးတွေရှိရင်... မြန်မာပရိတ်သတ်တွေကို ဝေမျှချင်တယ်ဆိုရင် SuBoo မှာ လာလာပြီး တင်ထားလို့ရတယ်... ဒီထဲမှာက မြန်မာပရိတ်သတ်တွေက လည်း စုမိနေတာဆိုတော့...

"..... လိုချင်တာတွေ အားလုံးရှိလာမယ့် စုဘူးလေးပါတဲ့ ....."

Website URL: http://www.mysuboo.com

Heart's Ease

တစ်ခါက ဥရောပတိုက်ဘက်မှာ ဘုရင်တစ်ပါးရှိတယ်။ အဲဒီဘုရင်ဟာ သူ့ဥယျာဉ်ထဲမှာရှိတဲ့ ပန်းပင်တွေ၊ သစ်ပင်တွေနဲ့ စကားပြောလေ့ရှိတယ်။ သူဟာ ဥယျာဉ်ထဲရောက်တဲ့ အခါတိုင်း အပင်တွေကို အရမ်းပွင့်၊ အရမ်းသီးခိုင်းလေ့ ရှိတယ်။ တစ်နေ့မှာ သူဟာ ဥယျာဉ်ကြီးထဲကို ရောက်သွားတယ်၊ ၀က်သစ်ချပင်ကြီးဟာ ညှိုးပြီး ခြောက်သွေ့ နေတယ်၊ အဲဒီတော့ "ဘာဖြစ်တာလဲ" လို့ သူက မေးလိုက်တယ်၊ ၀က်သစ်ချပင်ကြီးက "ဘယ်လိုဖြစ်ရမှာတုံး၊ ကျုပ်က ထင်းရှူးပင်ကိုတုပြီး အပေါ်ကို တက်တော့ ထင်းရှူးပင် မဟုတ်လေတော့ အမြစ်အားက မခံနိုင်တော့ သေရတာပေါ့"။ အဲဒါနဲ့ ထင်းရှူးပင်ဆီကို သွားပြန်တော့ ထင်းရှူးပင်ကြီးက ကိုင်းပြီးကွေးကျနေတယ်။ အဲဒီတော့ ထင်းရှူးပင်ကြီးကို "ဘယ်လိုဖြစ်တာလဲ" လို့ဘုရင်ကြီးက မေးလိုက်ပြန်တယ်။ အဲဒီတော့ ထင်းရှူးပင်ကြီးက "ကျုပ်ကလည်း စပျစ်ပင်ကြီးကို အားကျပြီး အသီးတွေ အရမ်းသီးလိုက်တယ်၊ စပျစ်ပင် မဟုတ်လေတော့ မခံနိုင်တော့ဘဲ အခုလို အရမ်း ကွေးသွားတာပေါ့" လို့ပြောတယ်။ စပျစ်ပင်ကြီးကလည်း သေမလိုဖြစ်နေတယ်၊ "ဘယ်လိုဖြစ်တာလဲ" လို့မေးတော့ "ကျုပ်က နှင်းဆီပင် ကို အားကျပြီး သူလို လိုက်ပွင့်တာဗျို့၊ အဲဒီတော့ စပျစ်သီးလည်း မသီးတော့ဘူး၊ နှင်းဆီပန်းလဲ မပွင့်တော့ပဲ အခုလို သေလုမျောပါး ဖြစ်သွားရတာပဲ" လို့ပြောပြန်တယ်။ အဲဒီမှာ ဘုရင်ကြီးက ဆက်ပြီးလျှောက်သွားတဲ့ အခါမှာ အပင်လေးတစ်ပင်ကို တွေ့တယ်။ အပင်က သိပ်မကြီးပါဘူး။ အရွက်လေးတွေ အကိုင်းအခက်လေးတွေလည်း စိုစိုပြေပြေနဲ့၊ အပွင့်က ရနံ့လေးတွေကလည်း သင်းပျံ့လို့၊ အဲဒီအပင်ရဲ့ နာမည်က Heart's Ease (နှလုံးအေးချမ်း ပန်း) လို့ခေါ်လေ့ ရှိတဲ့ အပင်လေးပါပဲ။ ဘုရင်ကြီးက အဲဒီအပင်လေးကို ကြည့်ပြီး "ငါ့ရဲ့ ဥယျာဉ်တစ်ခုလုံး မှာရှိတဲ့ အပင်တွေ သေတာတွေ သေကုန်ပြီ၊ တချို့လည်း သေလုမျောပါ ဖြစ်နေပြီ။ နှလုံးအေးချမ်းရယ်... မင်းကတော့ ရှင်သန်စိုပြေလို့ ပါလား... ဘာကြောင့်လဲ" လို့မေးလိုက်တယ်။ အဲဒီမှာ အပင်ကလေးက ဘာပြန်ပြောသလဲ ဆိုတော့ "အသင်မင်းကြီး ကျွန်ုပ်ကို ဒီဥယျာဉ်မှာ စိုက်ကတည်းက နှလုံးအေးချမ်းကို နှလုံးအေးချမ်းလိုပဲ ဖြစ်စေချင်ပုံရပါတယ်... ၀က်သစ်ချပင်လို မဖြစ်စေချင်ဘူး... ဒါကြောင့် ၀က်သစ်ချပင်ကိုလည်း အားမကျခဲ့ဘူး... အဲဒီလိုပဲ ထင်းရှူးပင်မြင့်မြင့်ကြီးတွေကို လည်း အားမကျခဲ့ဘူး... အသီးတွေပြွတ်နေအောင်သီးတဲ့ စပျစ်ပင်ကိုလည်း အားမကျခဲ့ဘူး... အပွင့်ကြီးတွေ ဝေဆာနေတဲ့ နှင်းဆီပင်ကိုလည်း အာမကျခဲ့ဘူး... နှလုံးအေးချမ်းဟာ နှလုံးအေးချမ်းလိုပဲ နေခဲ့တယ်... နှလုံးအေးချမ်းလိုပဲ ရှင်သန်ခဲ့တယ်... အားကျပြီး ဘာကိုမှမလုပ်ခဲ့ဘူး... ဒါကြောင့် နှလုံးအေးချမ်း အဖြစ်နဲ့ပဲ ရှင်သန်ရပ်တည်နေနိုင်တာပေါ့... တခြားဘာမှမဟုတ်ဘူး" လို့ပြန်ပြီးပြောလိုက်တယ်....

မင်းသိင်္ခ ၏ "မနောမယ ကိုပီတာ" မှ...

Read before you buy

Powered by ScribeFire.

မွေးစား စကားလုံးလေးတွေ

မြန်မာစကားတွင် အင်္ဂလိပ်စကားမှ မွေးစားစကားလုံးများ အတော်ပါလေသည်။ တခါတလေကျတော့ အင်္ဂလိပ်လိုပြောရင် မြန်မာသံအတိုင်း ယောင်ယောင်ပြီးပြောမိတတ်သည်။ တချို့မွေးစား စကားများမှာ အသံထွက် တိုက်ရိုက်နီးပါး အသံထွက်လို့ရပါသည်။ တချို့ စကားများ ကျတော့ မြန်မာစကားလား၊ အင်္ဂလိပ်စကားလား ပင် မခွဲတတ်တော့ပါ။

တနေ့က စကားစပ်မိလို့ မိတ်ဆွေတစ်ဦးပြောမှ သိသည်။ ရှေးရှေး အင်္ဂလိပ်ခောတ်က ရန်ကုန်တွင် ခံတပ်ကြီးတစ်ခု တည်ဆောက်ထားခဲ့ ပါသတဲ့။ ခံတပ်ကြီးက ကောင်းလွန်းလို့ အင်္ဂလိပ်များက Come and Die လို့ အမည်ပေးထားပါသတဲ့။ မြန်မာသံဖြင့် ခေါ်လိုက်တော့ "ကြည့်မြင်တိုင်" ဖြစ်သွားပါသတဲ့။ နောက်... အင်္ဂလိပ်တွေ ရထားသံလမ်းတွေ ဖောက်တော့ အောက်က အလျားလိုက်ခင်းမည့် သစ်တုံးများကို "Sleeper" လို့ခေါ်ပါသတဲ့။ မြန်မာသံနှင့် အသံထွက်လိုက်တော့ "ဇလီဖား" တုံး ဖြစ်သွားပါသတဲ့။ အရင်တုံးက အသံလွှင့်ရုံနားလေးက ရပ်ကွက် (၀ဂ္ဂီ ဘက်ဖြစ်မည်ထင်သည်)ကို Plymouth လို့ခေါ်သတဲ့။ မြန်မာသံနှင့် ထွက်လိုက်တော့ "လိုင်းပေါက်" ဖြစ်သွားလေသတဲ့။ အဲဒါကြားရတော့ ပြုံးမိလေသည်။

ကုန်းဘောင်ခောတ်က ရတနာပုံသတင်းစာ တစ်ခုတွင် နိုင်ငံတကာသတင်းကဏ္ဍ တစ်ခု၌ "ဇာမဏီပြည်ကြီး တွင်...." ဟုသုံးနှုံးထားသဖြင့် ဘယ်နိုင်ငံပါလိမ့်ဟု အတော်စဉ်းစားလိုက်ရသည်။ နောက်မှ Germany ကို ဆိုလိုမှန်း နဲနဲရိပ်မိလာလေသည်။ ဒါတွင်မကပါ။ Chevrolet ကားကိုခေါ်ရင်းခေါ်ရင်းဖြင့် "ချက်ပက်လက်" ကား ဟူ၍ ဖြစ်သွားလေသည်။ Fiat ကားက တော့မဆိုးပါ အသံထွက် ခပ်ဆင်ဆင်ရှိလေသည်... လက်ပရိုး သဲချောင်း ကုန်းတက်ကြီးတွင်.. ဖိဖိပြီး ယက်ရသဖြင့် ဖိယက် ဟုခေါ်ကြောင်း အနောက်ကုန်း ကားသမားတစ်ဦး ကပြောပြတာ ကြားဖူးလေသည်။

အခုခောတ်ကျတော့ ဘောလုံးအသင်းများ၊ ဘောသမားအမည်များ ကို အချို့ အင်္ဂလိပ်စာ အတော်အားနည်းသော လူများစုက အားကစား ဂျာနယ်တွေဖတ်ပြီး အဲဒီထဲက အတိုင်း တစ်တစ်ခွခွ အသံထွက်ကြလေသည်။ ပရီးမီးယားလိပ်ကြီး ဟုတစ်ဦးပြောတာကြားရဖူး သဖြင့် ဘယ်လိုလိပ်အမျိုးအစားပါလိမ့် ဟုတွေးမိလေသည်။ ပြီးမှ Premier League ကိုပြောတာမှန်းသိသွားသည်။ ရေဆင်း တို့ ရော့စတော့ တို့စတဲ့ ဘောအသင်းများလည်း ရှိသေးပေသည်။ ရေဆင်း သည် ပျဉ်းမနားနားက စိုက်ပျိုးရေးတက္ကသိုလ် မဟုတ်ပါ။ Spain မှ Racing ဘောလုံးအသင်းဖြစ်ပါသည်။ ရောစတော့ (ယောစတော့ဟုထွက်ကြ) ကတော့ ဂျာမဏီမှ Hansa Rostock Football club ဖြစ်လေသည်။ Tottenham Hotspur အသင်းကို "စပါး" ဟု ဂျာနယ်များတွင်ရေးကြလေသည်။ တခါတုံးက မြေနီကုန်းဘက်မှာ ဘောပွဲကြည့်ရင်း... Spur ဘက်မှ အလွန်လှသော ကန်ချက်ဖြင့် သွင်းလိုက်လေရာ နောက်မှ လူအုပ်ကြီးက "စ..စပါး တို့အားထားကွ" ဟု အားပါးတရကြီး ထအော်လေသည်။ (စပါးစေ့ မှ စပါး ကဲ့သို့ အသံထွက်ကြသည်)

ဒါတွေကတော်သေးသည်... Tottenham ကို "ဒေါ်တင်ဟံ ကလပ်" ဟုခေါ်သူတွေလည်းရှိသည်။ ပြင်သစ်အသင်း ဂိုးဖမ်းသူ Barthez ကို "ဘသက်" ဟုခေါ်သောသူတွေလည်းတွေ့ဖူးလေသည်။(ကိုဘသက်...မောင်ဘသက် မှ အသံ)။ အင်္ဂလန်မှ နောက်ခံလူ အဖြစ် ကစားလေ့ရှိသူ Sol Campbell ကို "ကင်းဘဲ" ကြီး ဟုခေါ်ကြသည်။ Chelsea နည်းပြ Mourinho ကို "မောင်ရင်ညို" ဟုအလွယ်ခေါ်ပစ်လိုက်ကြသည်။ မဆိုးတော့မဆိုး Mourinho ကတော့ နဲနဲ နီးစပ်လေသည်။ အဲဒါတွေသည် ရန်ကုန်မှာ ဖြစ်ပါသည်။

HealthyMyanmar.com

မိတ်ဆွေတစ်ဦးမှ Forward လုပ်သော email ကို သတင်းဆောင်းပါးအဖြစ် ပြန်လည်ဖော်ပြပေးလိုက်ပါသည်။

" www.healthymyanmar.com ဟာ ကျန်းမာရေးသတင်းအချက်အလက်များ၊ ဆောင်းပါးများကို ပုံမှန် တင်ဆက်ပေးနေတဲ့ ကျန်းမာရေးဝက်ဆိုက် တစ်ခုဖြစ်ပြီး မြန်မာလို ဖတ်ရှုနိုင်သောကြောင့် ကျန်းမာရေး ဗဟုသုတ ရှာမှီးလိုသူများအတွက် တန်ဖိုးရှိသော နေရာတစ်ခုဖြစ်ပါတယ်။ ကျန်းမာရေးလိုက်စားသူများ၊ ကျန်းမာရေးဆောင်းပါးများကို စိတ်ဝင်စားသူများ၊ ကျန်းမာရေးဆိုင်ရာ သတင်းအချက်အလက်များကို သိရှိလိုသူများ အတွက် အပတ်စဉ် လစဉ်ထုတ် ကျန်းမာရေးမဂ္ဂဇင်း၊ ဂျာနယ်များမှ ဆောင်းပါးများကို ရွေးချယ်တင်ပြပေးထားခြင်းဖြစ်ပါတယ်။ အထူးသဖြင့် ကျန်းမာရေးဆောင်းပါးများ၊ ဆရာဝန်ကြီးများနှင့် အင်တာဗျူးကဏ္ဍများ၊ အမေးအဖြေကဏ္ဍများ၊ အစာအာဟာရများအကြောင်း၊ ကျန်းမာရေး အထွေထွေဗဟုသုတများအကြောင်း၊ အလှအပနှင့် ကျန်းမာရေး၊ စိတ်ကျန်းမာရေး၊ ကိုယ်ကာယကျန်းမာရေး၊ အရေပြားကျန်းမာရေး စသဖြင့် ကဏ္ဍအလိုက် ခွဲခြား ဖော်ပြပေးထားခြင်းကြောင့် မိမိဖတ်လိုရာ အကြောင်းအရာများကို လွယ်လင့်တကူ ဖတ်ရှုလေ့လာနိုင်သော နေရာတစ်ခု ဖြစ်ပါတယ်။

ထို့အပြင် ကျန်းမာရေးဦးစီးဌာန၊ ဗဟိုကျန်းမာပညာဌာနမှ ပညာပေးကဏ္ဍများနှင့် ကျန်းမာရေးနှင့် ပတ်သက်တဲ့ နောက်ဆုံးသတင်းများကို အချိန်နှင့် တပြေးညီ ဖော်ပြပေးနေသော ၀က်ဆိုက်တစ်ခု ဖြစ်ပါတယ်။ မိတ်ဆက်ကဏ္ဍအနေနဲ့ ဆေးဝါး၊ ဆေးပစ္စည်းများအပြင် ဆေးရုံ၊ ဆေးပေးခန်းများကို မိတ်ဆက်တင်ပြပေးခြင်းများနှင့် ကျန်းမာရေးစာအုပ်များ မိတ်ဆက်တင်ပြပေးလျှက်ရှိပါတယ်။

ကျန်းမာရေးနှင့် ပတ်သက်သော ဆောင်းပါး၊ သတင်းများကို healthymyanmar.com အယ်ဒီတာအဖွဲ့မှ စိစစ်ရွေးချယ်တင်ပြပေးလျှက်ရှိပါတယ်။

ကျန်းမာစွာ နေထိုင်ခြင်း အထူးကဏ္ဍအဖြစ် မိမိကိုယ်ကို ကျန်းမာအောင် ဘယ်လိုနေထိုင်သင့်သလဲ၊ ဘယ်လိုလှုပ်ရှားသွားလာသင့်သလဲ၊ ဘယ်လိုစားသောက်သင့်သလဲဆိုတာတွေကိုပါ မြန်မာဘာသာဖြင့် ဖော်ပြပေးထားပါတယ်။ ထို့အပြင် ကျန်းမာရေးဖိုရမ်တစ်ခုပါရှိသောကြောင့် ကျန်းမာရေးလေ့လာလိုက်စားသူများ အချင်းချင်း ပွင့်ပွင့်လင်းလင်း တိုင်ပင်ဆွေးနွေးနိုင်နေပြီဖြစ်ပါသည်။

ထို့ကြောင့် အင်တာနက်သုံးစွဲသော မြန်မာများအတွက် ဖတ်ရှုလေ့လာသင့်သော ၀က်ဆိုက်တစ်ခုအဖြစ် တင်ပြအပ်တယ်။ "


My Comment: DonetNuke ဆိုသည့် (ASP.NET Open Source) Content Management System ကို အသုံးပြု၍တည်ဆောက်ထားသည် ဟုထင်ပါသည်။

Parent's Wish

On the day when you see us old, weak and weary…… Have patience and do try to understand us…….
"ငါအိုသွားတဲ့အခါ ငါဟာ အရင်က ငါမဟုတ်တော့ဘူး၊ ငါ့ကို နားလည်ပေးပါ၊ စိတ်ရှည်ရှည်ထား ဆက်ဆံပေးပါ။"

If we get dirty when eating…and..If we cannot dress on our own…
Please bear with us and remember the times we spent feeding you and dressing you up.
"ချိနဲ့နဲ့လက်တွေနဲ့ ထမင်းဟင်းတွေ အင်္ကျီပေါ် လောင်းမိတဲ့အခါ၊ ဖိနပ်ကြိုးတွေ ချည်ဖို့မေ့သွားတဲ့အခါ၊ ငါ့ကို မရွံပါနဲ့၊ ငယ်ငယ်တုန်းက ငါသင်ပေးခဲ့တာတွေကို ကျေးဇူးပြုပြီး သတိရပေးပါ။ "

If, when we speak to you, we repeat the same things over and over again…do not interrupt us…..listen to us.
When you were small, we had to read to you the same story a thousand and one times until you went to sleep.
"အပ်ကြောင်းထပ်မက ပြောဖူးတဲ့ စကားတွေကို ငါပြန်ပြောမိတဲ့အခါ စကားမဖြတ်ဘဲ ကျေးဇူးပြုပြီး နားထောင်ပေးပါ၊ ငယ်ငယ်တုန်းက အိပ်ရာဝင်တိုင်း တစ်ထောင့်တည ပုံပြင်တွေကို မရိုးအောင် ပြောရင်း ငါချော့သိပ်ခဲ့ဖူးတာတွေကို သတိရပေးပါ။"

When we do not want to have a shower, neither shame us nor scold us…..
Remember when we had to chase you with your thousand excuses to get you to the shower?
"မလှုပ်မရှားနိုင်လို့ ရေချိုးဖို့ အကူအညီ လိုတဲ့အခါ ငါ့ကိုမငြိုငြင်ပါနဲ့၊ ငယ်ငယ်တုန်းက ချော့တစ်လှည့် ခြောက်တစ်ခါ ရေချိုးပေးခဲ့ဖူးတဲ့ ပုံရိပ်လေးကို မြင်ယောင်ပေးပါ။"


When you see our ignorance of new technologies….Help us navigate our way through these worldwide webs..
We taught you how to do so many things…To eat the right foods, to dress appropriately, To fight for your rights….
"ခေတ်သစ်၊ နည်းပညာသစ်တွေကို မသိနားမလည်ခဲ့ရင် ငါ့ကိုမလှောင်ပါနဲ့၊ ငယ်ငယ်တုန်းက “ဘာကြောင့်”ဆိုတဲ့ မေးခွန်းတိုင်းကို စိတ်ရှည်စွာ ငါပြန်ဖြေခဲ့တာကို သတိရပေးပါ။"

When our tired legs give way and do not allow us to walk without a cane….
Lend us your helping hand the same way we did when you tried your first faltering steps.
စိတ်သွားတိုင်း ကိုယ်မပါ နွမ်းလျပြီး လမ်းမလျောက်နိုင်တဲ့အခါ ခွန်အားပါတဲ့ လက်တစ်စုံနဲ့ ငါကိုကူတွဲပေးပါ၊ လမ်းလျောက်သင်စ အရွယ်တုန်းက တစ်လှမ်းချင်း လှမ်းလျောက်ကျင့်ပေးခဲ့ ဖူးတာကို ကျေးဇူးပြုပြီး သတိရပေးပါ။

When at some moments we loose the memory or the thread of our conversation……...let us have the necessary time to remember… and if we cannot, do not become nervous…..
As the most important thing is not our conversation but simply to be with you and to have you listening to us….
"အသက်ကြီးလာလို့ စကားပြောရာမှာ ရှေ့နောက်မညီဘဲ အကြောင်းအရာ တွေကို ငါမေ့သွားတဲ့အခါ အချိန်ပေးပြီး စဉ်းစားခွင့်ပေးပါ၊ စကားအကြောင်းအရာတွေက ငါ့အတွက် အရေးမကြီးပါဘူး။ ဘေးကနေ ငါပြောသမျှကို နားထောင်ပေးရင် ကျေနပ်ပါပြီ။"

And when someday we say to you that we don’t want to live anymore, that we want to die……….
Do not get angry…. For one day you will understand. Try to appreciate that our age is not just lived but survived.
"တစ်နေ့ထက် တစ်နေ့ အိုစာသွားတဲ့ ငါ့ကိုကြည့်ပြီး ၀မ်းမနည်းပါနဲ့၊ နားလည်ပေးပါ အားပေးပါ၊ အရင်တုန်းက လူ့ဘ၀ တက်လမ်းအတွက် ငါလမ်းညွှန်ခဲ့သလို အခုအချိန်မှာ ငါ့ဘ၀နောက်ဆုံး အချိန်တွေအတွက် အဖော်ပြုပေးပါ။ အချစ်နဲ့ အေးမျှမှုတွေကို ငါပြုံးပြုံးလေး လက်ခံမှာပါ။ အဲဒီအပြုံးတွေထဲမှာ မဆုံးတဲ့ ငါ့မေတ္တာတွေ တွေ့ရမှာပါ။"

Ref:
http://zawmoeaung.blogspot.com/2006/07/blog-post_10.html
http://nineninesanay.blogspot.com/2007/05/blog-post_26.html
http://cmsmdy.blogspot.com/2007/05/blog-post.html

RingTone Big Girls Don't Cry - Fergie

Download

အပယ်ခံခဲ့ရသော Google Logo များ

Supposed to be celebrating: Children’s Day 2003.
Reason for rejection: Too childish.

Supposed to be celebrating: 50th Anniversary of Product Placement.

Reason for rejection: Starbucks didn’t pay enough.

Supposed to be celebrating: 5 Years of Google motto “Don’t be evil.”

Reason for rejection: Too self-obsessed.


Supposed to be celebrating: 20th Anniversary of the Nintendo Entertainment System.
Reason for rejection: Severe complaints by the Pet Duck Association.

ဆက်လက် ကြည့်ရှု့ရန်

Powered by ScribeFire.

ငတ်ကြမယ်ဟေ့ ကောင်းကောင်း

Happy Haven Humanitarian Project

........ ဒီအပြစ်မဲ့တဲ့ အသက်တွေကိုရော မကယ်တင်သင့်ဘူးလား?........

HHHP ဆိုတာ
" HIV ရောပါပိုးကြောင့် ရောဂါဝေဒနာ ခံစားနေရသော ကလေးငယ်နှင့် (HIV infected & affected children) ကို ကြင်နာစွာဖြင့် ၄င်းတို့၏ အသက်ရှင် နေထိုင်နိုင်သမျှ ကာလအပိုင်းအခြားတွင် မိသားစုအခွင့်အရေးများ တတ်နိုင်သမျှ အပြည့်အ၀ ရရှိခံစားနေထိုင်နိုင်ရေးကို ရှေးရှု၍ ကိုယ်ချင်းစာတရား လက်ကိုင်ထားသောသူများ စုပေါင်းကာ တတ်နိုင်သမျှသော မ တည် လှူဒါန်းငွေဖြင့် ပျော်ရွှင်ရိပ်မြုံ လူမှုထောက်ပံ့ရေးစီမံချက်ကို စတင်အကောင်အထည်ဖော်ခဲ့ကြပါသည်။ ရေရှည်တည်တံ့နိုင်ရန်အတွက် ဆက်လက်၍ အများပြည်သူစေတနာရှင်များ၏ အလှူငွေများဖြင့် ဆက်လက် လည်ပတ်သွားမည်ဖြစ်ပါသည်။ "

အလှူငွေများကို ရန်ကုန်တွင် လှူဒါန်းနိုင်သကဲ့သို့ စင်ကာပူနိုင်ငံ ပင်နီဆူလာပလာဇာရှိ ဒဏ္ဏာရီ (၀၄-၅၄) တွင်လည်း လှူဒါန်းနိုင်ပါသည်။

Location :979-982, Tabinshwehti Road, North Dagon, Ward No(11). Yangon(Rangoon), MYANMAR(Burma).

Donation Centres:
In Myanmar: Contact any one of the organizers (or) visit HHHP home at North Dagon
In Singapore: Contact Yaza Kyaw (9186 7376) (or) visit Dandari(#04-54) Peninsula Plaza.

စင်္ကာပူတွင် အလှူငွေ ဦးဆောင် ကောက်ခံ ပေးသူ ဒဏ္ဏာရီမှ ကိုရာဇာကျော် မှ....
"... HHHP မှာ မေလဆန်းအထိ ကလေး အယောက် ၄၀ ရှိပါတယ်။ သူတို့လေးတွေရဲ့ မိဘတော်တော်များများဟာ AIDS နဲ့ ဆုံးကုန်ကြပါပြီ။ မဆုံးသေးတဲ့ မိဘတွေလည်း လူ့ဘ၀ကြီးမှာ အချိန်သိပ်မကျန်တော့တယ့် သူတွေကြီးပါ။ ဒီကလေးတွေဟာ HIV ရောဂါဝေဒနာရှင်လေးတွေ ဖြစ်တဲ့အတွက် သူတို့လေးတွေရဲ့ ကျန်းမာရေးကို အထူးဂရုစိုက်ရပါတယ်။ သာမန်နှာစေး၊ ချောင်းဆိုး ရောဂါလောက်ဟာ ပုံမှန်လူတွေအတွက် ဘာမှ ပြဿနာ မဟုတ်ပေမယ့် ဒီကလေးတွေအတွက်တော့ သေမင်းနဲ့ လက်တကမ်းကို ရောက်သွားတာပါ။
........
........
ဒီကလေးတွေရဲ့ အသက်ကို AIDS ဆေးထွက်လာတဲ့ အချိန်အထိ ဆွဲဆန့်ထားနိုင်ဖို့ HHHP ကမျှော်လင့်ပါတယ် (HHHP အနေနဲ့ နောင် ၁၀နှစ်အတွင်း AIDS ဆေးထွက်မယ်လို့ ခန့်မှန်းထားပါတယ်)။ ဒါကြောင့် သူတို့လေးတွေ အသက်ဆက်ရှင်နိုင်ဖို့ ငွေတွေလိုပါတယ်။ အမှန်အတိုင်းပြောရင် အများကြီးလိုပါတယ်။ တနည်းပြောရရင် HHHP ဟာ အသက်တွေ အများကြီးကို ကယ်တင်နေတာပါ။ ကျနော်တို့ ပြောလေ့ရှိတယ် “အသက်တချောင်း ကယ်ကောင်းပါတယ်” တဲ့။ ဒီအပြစ်မဲ့တဲ့ အသက်တွေကိုရော မကယ်သင့်ဘူးလား။ ၀ိုင်းကယ်ပေးဖို့ တိုက်တွန်းပါရစေ။
.........
.........
နောက်ဆုံးပြောချင်တာက HHHP ဟာ စင်ကာပူက charity organization တွေလို ဦးစီးဦးဆောင်လုပ်တဲ့လူတွေ လခ မရပါ။ organizer တွေအကုန်လုံး စေတနာ သက်သက်နဲ့ လုပ်ကြတာပါ။ ပိုက်ဆံ တပြားမှ မယူပဲ ပိုက်ဆံစိုက်လုပ်နေကြတာပါ။ ကျနော်ကိုယ်တိုင်လည်း ငွေကောက်ခံ ပေးတဲ့အတွက် တပြားမှ မရပါ။ မယူပါ။ (ရှင်းအောင်ပြောထားတာပါ၊ နာမည်ယူတာမဟုတ်ပါ။) "


Blog Website: http://happyhavenproject.blogspot.com/

အ၀ှာ မပါလို့

လူတော်တော်များများက အငြိမ့်တွေကြည့်လျှင် လူရွှင်တော်ပျက်လုံးတွေပဲ စောင့်စောင့်ကြည့်သည်။ တစ်ခါက နယ်အလှူ တစ်ခုမှာ မန္တလေး အငြိမ့်တစ်ခု ကြည့်ဖူးသည်။ မင်းသမီးကလျှင် ချိုးတာ ဆစ်တာ အလွန်ကို ငြိမ့်ညောင်း ပျော့ပြောင်းသည်။ မန္တလေးအငြိမ့် ကြည့်ပြီးသူသည် ရန်ကုန်အငြိမ့် ပြန်ကြည့်လျှင် နဲနဲ ဆတ်တောက်တောက်နိုင် သည်ဟု ထင်ရလေသည်။ အဲဒီ အလှူအငြိမ့်မှာ တုံးက လူရွှင်တော်တွေက မြို့တော် ဦးပေါစံ၊ မြို့တော် ဦးသိန်းဆု တို့ အဖွဲ့ ဖြစ်သည်။ ၀ိုင်းတော်သားတွေကို မိတ်ဆက်ပေးတာတောင် ပျက်လုံးကလေးနဲ့ဖြစ်သည်။ ဆိုင်းဆရာ၊ နှဲဆရာ၊ မောင်းဆရာ၊ ပတ်မကြီးဆရာ တွေပါသည်။

ဦးသိန်းဆု။ ။ ရွှေပွဲလာ ပရိတ်သတ်ကြီးကို ၀ိုင်းတော်သားတွေနဲ့ မိတ်ဆက်ပေးရအုံးမယ်။ ဟောဒီက ဆိုင်းဆရာကြီး စိန်မြသောင်း...

ဆိုင်းဆရာ။ ။ တစ်ချက်နှစ်ချက် လက်စွမ်းပြလိုက်သည်.. (ပလို့ဂျိ.. ပလို့ဂျိ...)။

ဦးသိန်းဆု။ ။ သူဆို နှယ်နှယ်ရရ မဟုတ်ဘူးခင်ဗျ။ အရင်တုံးက ဆရာဝန်ကြီး။ မမွေးနိုင်တဲ့ လူနာတွေကို မွေးပေး တာသိပ်တော်တာ။ နောက်ဆုံး တစ်ခေါက် မိန်းမတစ်ယောက်ကို မွေးပေးအပြီး ပြန်ချုပ်ပေးတာ ချုပ်ကောင်းကောင်းနဲ့ အထက်အထိချုပ်မိလို့ လူနာရဲ့ ယောင်္ကျားက တရားစွဲ လို့ ဆရာဝန် အလုပ်ပြုတ်လာပြီး ကျုပ်တို့ အဖွဲထဲမှာ ဆိုင်းလာတီးနေတာ။

ပရိတ်သတ်။ ။ ရယ်သံများ...

ဦးသိန်းဆု။ ။ ဟော ဟိုက နှဲဆရာ ကိုငွေကိုင်...

နှဲဆရာ။ ။ နှဲကြီးကို တစ်ချက်နှစ်ချက် မှုတ်လိုက်သည် (တယ်နှယ့်.. တူ့နှယ်..တူနှယ်)

ဦးသိန်းဆု။ ။ သူလဲ နှယ်နှယ်ရရ မဟုတ်ဘူး။ အရင်က သမ၀ါယမ ဂိုဒေါင်မှုးကြီး။ သူကျတော့ ဆားနဲ့သကြားနဲ့မှားပြီး သကြားပုံထဲ ဆားအိတ်တွေ လောင်းထည့်မိလို့ အလုပ်ကပြုတ်လာပြီး ကျုပ်တို့ အဖွဲထဲမှာ နှဲလာမှုတ်နေတာ။

ပရိတ်သတ်။ ။ ရယ်သံများ...

ဦးသိန်းဆု။ ။ ထပ်ပြီး မိတ်ဆက်ပေးရ အုံးမယ်... ဟောဒီက မောင်းဆရာ ကိုတုတ်ကြီး...

မောင်းဆရာ။ ။ လက်စွမ်း အနည်းငယ်ပြလိုက်သည်။ (တုံ..တုံ..ထုံ..ထုံ)

ဦးသိန်းဆု။ ။ မောင်ဆရာကြီးက အရင်က နှယ်နှယ်ရရ မဟုတ်ပေဘူးဗျ... အရင်တုံးက အစိုးရရုံးက ငွေကိုင် စာရေးကြီး... သူက မျက်မှန် ချွတ်ထားရင် သိပ်မမြင်ရဘူး။ အဲဒီတုံးက တရက်မှာ ဗိုက်ကြီးသည်တစ်ဦး သူအလုပ်စားပွဲနား မတ်တပ်ရပ်နေတာ မီးခံသေတ္တာနဲ့ မှားဖွင့်မိလို့ အလုပ်ပြုတ်လာပြီး ကျုပ်တို့အဖွဲထဲ မောင်းလာတီးနေရတာ...

ပရိတ်သတ်။ ။ ရယ်သံများ...

ဦးသိန်းဆု။ ။ ဟော ဟိုက ပတ်မကြီး ဆရာ ကိုမြသိန်း... သူကတော့ အရင်က အင်ဂျင်နီယာပေါ့။ ယန္တရားစက်ကြီးတွေ ကိုင်ရတာ။ တစ်ခေါက်က ဘေးနားချထားတဲ့ ထညက်ရည်ပုံးကြီးကို အင်ဂျင်ဝိုင်နဲ့ မှားထည့်မိလို့... အလုပ်ပြုတ်လာပြီး ကျုပ်တို့ အဖွဲ့ထဲမှာ ပတ်မကြီးလာတီးနေရတာဗျို့...

ပရိတ်သတ်။ ။ ရယ်သံများ...

ဒီလိုနဲ့ အငြိမ့်ကတာကြည့်လိုက် ပျက်လုံးတွေထုတ်တာ နားထောင်လိုက်။ ရယ်လိုက်ကြရတာမှ အူတွေပါနာသည်။

မှတ်မှတ်ရရ အဲဒီတုံးက သူဌေးက မင်းသမီးကို ဆုငွေငါးထောင်၊ လူရွှင်တော်တွေကို နှစ်ထောင်စီ ဆုချလိုက်လေသည်။ လူရွှင်တော်သုံးဦး ပြန်ထွက်လာသည်။

ဦးသိန်းဆု။ ။ စာရွက်ကလေးကိုင်ပြီး ... "အလှူ့ဒကာကြီး ဦး... က မင်းသမီး အတွက် ဆုတော်ငွေ ငါးထောင်တဲ့... ကျွန်တော်တို့ သုံးဦးအတွက် ဆုတော်ငွေ နှစ်ထောင်ကျပ်စီ ချီးမြှင့်ပါတယ်... "... အလှူ့ ဒကာကြီး ဦး... နဲ့ အလှူ့အမကြီး ဒေါ်... တို့ ကျန်းမာ ချမ်းသာပြီး စီးပွားဥစ္စာများတိုးတက်ပါစေကြောင်း ဟောဒီ အငြိမ့်စင်ပေါ်ကနေပြီးတော့ ဆုတောင်း ပထ္ထနာပြု လိုက်ပါတယ်ခင်ဗျား....

ဦးပေါစံ။ ။ နေအုံး... ကိုသိန်းဆု... ဆုတော်ငွေဘယ်လောက်ချသလဲ ပြန်ပြော စမ်းပါအုံး...

ဦးသိန်းဆု။ ။ မင်းသမီးကို ငါးထောင်... ကျုပ်တို့ကို နှစ်ထောင်စီ...

ဦးပေါစံ။ ။ ပရိတ်သတ်ကို ကြည့်၍... ကိုင်း... မင်းသမီးကျတော့ ငါးထောင်တဲ့ဗျ.... ကျုပ်တို့ လူရွှင်တော်တွေကျတော့ နှစ်ထောင်စီတဲ့... ကျုပ်တို့က အ၀ှာမပါလို့ နေမှာ ဗျ...နှော့်..

ပရိတ်သတ်။ ။ ရယ်သံများ...

ဦးသိန်းဆု။ ။ ဘာမပါတာလဲဗျ.. ခင်ဗျားဥစ္စာကလည်း...

ဦးပေါစံ။ ။ အ၀ှာမပါလို့ နေမှာပါဆို...

ဦးသိန်းဆု။ ။ ဘာလဲဗျ... ရှင်းစမ်းပါအုံး...

ဦးပေါစံ။ ။ ရယ်ကျဲကျဲဖြင့်.... အော်.. အနုပညာ ဗီဇ ကို ပြောတာပါဗျာ...

ပရိတ်သတ်။ ။ ရယ်သံများ....

ငယ်ငယ်တုံးက ကြည့်ဖူးသော အငြိမ့်တစ်ခုမှ ပျက်လုံးကို မှတ်မိသလောက်ပြန်ရေးထားပါသည်။

ပြီးသွားမှာပါ

မင်းကို ငါ ပုံလေးတစ်ပုံ ပြောပြမယ်ကွ၊ ဟိုးရှေးရှေးတုန်းက ဘုရင်ကြီးတစ်ပါး ရှိတယ်။ အဲဒီဘုရင်ကြီးရဲ့ တိုင်းပြည်ကို အခြားအင်အားကြီးတဲ့ တိုင်းပြည်က ဘုရင်တွေက တိုက်ခိုက်ဖို့ ကြံစည်နေတယ်။ အဲဒီမှာ ဘုရင်ကြီးက စိတ်ညစ်ရတော့တာပေါ့ကွာ။ အဲဒီတော့ သူနဲ့ရင်းနှီးတဲ့ ရသေ့ကြီး တစ်ဦးဆီမှာ အဆောင်တစ်ခု သွားပြီးတောင်းတယ်။ သူတောင်းတဲ့ အဆောင်က စိတ်ညစ်စရာတွေနဲ့ ကြုံခဲ့ရင်လည်း စိတ်မညစ်ရပဲ ပြေပျောက်သွားရမယ်တဲ့၊ ပျော်စရာနဲ့ ကြုံခဲ့ရင်လည်း အရမ်းမပျော်ပဲ တည်တည်ငြိမ်ငြိမ် ဖြစ်သွားရမယ်တဲ့။ အဲဒီလို အစွမ်းထက်တဲ့ အဆောင်လေး တစ်ခုပေးပါ လို့တောင်းတယ်။ အဲဒီတော့ ရသေ့ကြီးက ကျောက်အနက်လေး နဲ့ ကွင်းထားတဲ့ လက်စွပ်ကလေးတစ်ကွင်း လုပ်ပေးလိုက်တယ်။ လက်မှာ ၀တ်ထားဖို့လည်း မှာလိုက်တယ်။ ပြီးတော့ စိတ်ညစ်စရာ ကြုံတဲ့ အခါမှာ အဲဒီလက်စွပ်ကျောက်ကို စိုက်ပြီး ကြည့်လိုက်တဲ့။ ကြည့်တဲ့ အခါမှာ အလင်းရောင်မှာ မကြည့်နဲ့တဲ့။ ကျောက်က အလင်းပြန်တော့ ဘာမှ တွေ့ရမှာ မဟုတ်ဘူးတဲ့။ အမှောင်ရှိတဲ့ နေရာမှာ ကြည့်တဲ့။ သိပ်ပြီးပျော်လာတဲ့ အခါမျိုးမှာလည်း အဲဒီလိုပဲ လက်စွပ်ကလေးကို ကြည့်ပါတဲ့။ အဲဒီအခါမှာ ဘုရင်ကြီးဟာ သူလိုချင်တဲ့ အဆောင် လက်စွပ်လေးရတဲ့ အတွက် အလွန်ပဲ ၀မ်းသာသွားတယ်။

သိပ်ပြီးမကြာပါဘူး။ အခြားတိုင်းပြည်က ဘုရင်တွေရဲ့ ခြိမ်းခြောက်မှုဟာ ပိုပြီးပြင်းထန်လာတဲ့ အတွက် ဘုရင်ကြီးဟာ အတော်ကို စိတ်ညစ်သွားတယ်။ တုန်လည်း တုန်လှုပ်သွားတယ်။ အဲဒီအခါမှာ ဘုရင်ကြီးဟာ မှောင်ရိပ်ရှိတဲ့ ကျောက်တောင်လေး နားကို ကပ်သွားပြီး လက်စွပ်ကျောက်ကို စိုက်ပြီး ကြည့်လိုက်တယ်။ ရသေ့ကြီးက အဲဒီကျောက်ထဲမှာ စာထွင်းပြီးထည့်ထားတာ။ မှောင်ရိပ်ခိုပြီး ဘုရင်ကြီးဟာ အဲဒီကျောက်နက်လေးကို စိုက်ကြည့်လိုက်တဲ့ အခါမှာ ကျောက်နက်လေးထဲက စာကို ကောင်းကောင်းဖတ်လို့ ရသွားတယ်။ ဖတ်မိတာနဲ့ တပြိုင်နက် စိတ်ညစ်တာတွေ၊ ထိတ်လန့်တာတွေ စိုးရိမ်တာတွေ လုံးဝ လွင့်ပျောက်သွားတယ်.... အဲဒီကျောက်နက်ထဲက စာက ဘာလဲဆိုရင်...

" ပြီးသွားမှာပါ "

... ဆိုတဲ့ စာပဲ။

မင်းသိင်္ခ ၏ မနောမယ ကိုပီတာ မှ

တာရာမင်းဝေ ၏ စွဲငြိစေသော ရေးသားဟန်

.....
မြောက်ပြန်လေကတော့ ရွှေရောင်ရိုင်းရိုင်းတွေ မှုတ်ထုတ်ရင်း ဆောင်းပန်းပုရုပ်ကို ပုံဖော်ဆဲပါ မိသံလွင်... ငါ့ရဲ့ လာရာလမ်းမှာ မင်းကိုလွမ်းရင်း လခြမ်းတွေရှုပ်ရှက်ခတ်အောင် ကြွေခဲ့ဖူးတယ် ဆိုတာ ယုံပါ။
.....

ဆံနွယ်ခက်ကလေးတွေကို သပ်တင်လိုက်ပါအုံး သံလွင်ရယ်... ချီချီကြွကြွဖြစ်နေတဲ့ ငါ့ဥယျာဉ်ထဲက မီးတရုံနှစ်ရုံကို မျက်တောင်ကလေး ယိမ်းဝင့်လှုပ်ခတ်ရုံမျှနဲ့ မင်းက ငြိမ်းသတ်နိုင်ပါတယ်...
.....

သူဟာ မနက်မိုးစောစောလင်းချိန်မှာ ခြံထဲက စံပယ်ပင်ကြွေတွေ လိုက်ကောက်ပါတယ်... ကျွန်တော် ကူညီကောက်ပေးချင်ပေမယ့် သူ့ရဲ့ ငြိမ်းချမ်းပျော်ရွှင်မှုလေးကို ကျွန်တော့်ကြောင့် ပျက်ပြိုသွားမှာ စိုးခဲ့တယ်... မကောက်ပေးဖြစ်ခဲ့ ပါဘူး...
.....

National Day Parade, Singapore 2007

ဒီနေ့ National Day... Holiday ဆိုတော့ National Day ကျင်းပနေတဲ့ Esplande ဘေးနားက Marina Bay ဘက် သွားကြည့်ခဲ့ကြတယ်။ ထုံးစံအတိုင်း လူတွေကတော့ ကြိတ်ကြိတ်တိုးပေါ့ဗျာ။ စိတ်ရှည်လက်ရှည်နဲ့ တော်တော်လေး စောင့်လိုက်ရတယ်။ Singapore River ရဲ့ပင်လယ်ဝ၊ Marina Bay က ရေပြင်ကျယ်ကြီး ပေါ်မှာ မီးရှုး မီးပန်းများ ဖောက်တာ အင်မတန် လှပါတယ်။ အဲဒီ ဓါတ်ပုံတွေလဲ ရိုက်လာခဲ့သေးတယ်။

တာရာမရှိတဲ့ကောင်းကင်

"....တို့တတ်နိုင်တာ ဒါပဲရှိတော့တယ်။ သွားတဲ့သူက သွားနှင့်ပြီ။ အကြွေစောတဲ့ ကြယ်ပွင့်တွေ ပင်လယ်နဲ့ အပြည့်ရှိနေပါတယ်။ အဲဒီထဲကို အလင်းဆုံးတာရာတစ်စင်းလည်း ပူးပေါင်းသွားခဲ့ပြန်ပြီ။ ဒါပေမယ့် ဒီတာရာမရှိရင် တို့ကောင်းကင်မှာ ဘယ်တော့မှ နက္ခတ်တွေ စုံတော့မှာ မဟုတ်ဘူး။ အစားလည်း မရနိုင်တော့ဘူး။ ...."

တာရာမင်းဝေ အမှတ်တရ Blog မှ

Welcome to killMAIL

Does it annoy you when websites ask for your email address, for no reason other than to send you stuff you're not interested in?

Well from now on, don't give them your email, give them killMAIL!

Just make up any email addressYouLike@a.killmail.net, then come to www.killmail.net to read it.

Simple. No passwords, get what you want then leave.

Website: http://www.killmail.net

Coporate Culture

Powered by ScribeFire.

ဟာသ

ဖခင်။ ။ သားရေ.. အဖေ မင်းကို မိန်းမပေးစားမလို့ စီစဉ်နေတယ်ကွ။
သား။ ။ ကျုပ်က ကိုယ့်ကြိုက်တဲ့လူပဲ ကိုယ်ယူမှာ ဗျ။
ဖခင်။ ။ နေအုံး သား... ကောင်မလေး က ဘီလ်ဂိတ် သမီးကွ။
သား။ ။ အော် ဒီလိုလား... အဖေ့ စကားနားထောင်လိုက်ပါမယ်။

ထို့နောက် ဖခင် သည် ဘီလ်ဂိတ် ထံသို့သွား ပြီး....
ဖခင်။ ။ ခင်ဗျား သမီးအတွက် အင်မတန်သင့်တော်တဲ့ ကောင်လေးတစ်ယောက်တွေ့ထားတယ်။
ဘီလ်ဂိတ်။ ။ ကျွန်တော့် သမီးလေး က ငယ်ပါသေးတယ်ဗျာ။
ဖခင်။ ။ နေအုံး... ဟိုကောင်လေး က ကမ္ဘာ့ဘဏ် လက်ထောက် ဥက္ကဌ ဗျ။
ဘီလ်ဂိတ်။ ။ အာ.. ဒီလိုဆိုတော့လဲ လက်ခံရမှာ ပေါ့ဗျာ။

နောက်ဆုံးတွင် ဖခင်သည် ကမ္ဘာ့ဘဏ် ဥက္ကဌ ထံသို့သွားသည်။
ဖခင်။ ။ ဥက္ကဌ ကြီးခင်ဗျား... လစ်လပ်နေတဲ့ လက်ထောက်ဥက္ကဌ ရာထူးအတွက် အထူးသင့်တော်တဲ့ သူငယ်လေးတစ်ယောက် တွေ့ထားပါတယ်။
ဥက္ကဌ။ ။ကျွန်တော်မှာ လိုအပ်တာထက် အဲဒီရာထူးအတွက် လိုအပ်တာထက်တောင် ပိုများနေပါတယ်။
ဖခင်။ ။ နေအုံး.. ဒီသူငယ်လေးက ဘီလ်ဂိတ်ရဲ့ သားမက်ကလေးဗျ။
ဥက္ကဌ။ ။ ဒီလိုလား... ရပါတယ်။

သင့်လက်ထဲမှာ ဘာမှမရှိလဲ သင့်မှာ positive attitude ရှိရင်... သင်ဖြစ်ချင်တာတွေ ဖြစ်လာပါလိမ့်မယ်။

West Coast Park နှင့် National Dog Walk 2007

တညနေခင်း အိမ်မှာ နေရတာ ညီးစီစီဖြစ်လှသဖြင့်၊ အနီးနားမှာရှိပြီး မရောက်ဖူးသေးသော West Coast ဘက် လမ်းလျှောက်ထွက်သည်။ Clementi Central ကနေ 175 စီးသွားရသည်။ ကြုံချင်တော့ National Dog Walk 2007 နှင့်တိုးသည်။ ဒါနဲ့ West Coast ရှုခင်းတွေ ရော၊ ခွေးလမ်းလျှောက်ပွဲ ရော မှတ်တမ်းတင်လာခဲ့သည်။ ခွေးတွေမှ ဆိုဒ်စုံဖြစ်သည်။ စလုံးမှာ ခွေးဒီလောက်ပေါမှန်း အဲဒီရောက်မှ သိသည်။ အဲဒီနေရာမှာ ထူးခြားတာ တစ်ခုက စလုံးက Mc Donald ဆိုင်တွေထဲမှာ နေရာထိုင်ခင်း အကောင်းဆုံးဖြစ်ပြီး၊ စံနစ်တမူထူးခြားသည့် McDonald ဆိုင် ကလေးတစ်ဆိုင် ရှိပါသည်။ (ဆော့ဒ်) တွေ ဘာတွေ ယူတာက အစ အမေရိကားစတိုင် ကိုယ့်ဘာသာကိုယ် chili sauce တို့ tomato sauce တို့ tap လေးတွေမှာ လက်နဲ့ဖိပြီး ယူရသည်။ တခြား Mc Donald ဆိုင်တွေလို ဆော့ဒ်ကို အိတ်လေးတွေနဲ့ မပေးပါ။ Tissue လဲ ကိုယ့်ဘာသာကိုယ် ယူရသည်။

Powered by ScribeFire.